کيمياوي وسلې، سوريې ته د امريکا خبرداری

امريکا وايي ګومان کوي، چې سوريه د نورو کيمياوي بريدونو تابيا لري، او ولسمشر اسد ته یې خبرداری وکړی که یې داسې وکړل پايلې به یې ګوري.

روسیې د امريکا دې خبرداري غندنه کړې، که د سوريې حکومت کيمياوي وسلې وکارولې، نو ګوزار به پرې کوي. سپينې ماڼۍ په يوه تونده اعلاميه کې ويلي د ولسمشر بشار الاسد ځواکونه ښايي د داسې کيمياوي بريد تياری نيسي، خو که یې وکړ، درنه بيه به یې پرې کوي.