د عکسونو البوم: هرات کې نندارتون

• BBC

  په لومړي ځل د هرات ځوانو سوداګرو د صنعتي او سوداګریزو توکو لوی نندارتون په هرات کې پرانیستی دی.

• BBC

  که څه هم په دې درې ورځني نندارتون کې تر ډیره بهرني او وارداتي توکي نندارې ته وړاندې شوي، خو د ځوان سوداګرو ټولنه وایي، د وخت په تېرېدو به په خپلو پښو د درېدو لپاره هڅې روانې وساتي.

• BBC

  د لاسي صنایعو له تولیداتو نیولې تر ساختماني، پوښاک او خوراکي توکو – د هر ډول تولیداتو بېلګې دلته نندارې ته وړاندې شوې.

• BBC

  بیه یې هم تر بازاره ټیټه ښودل کېږي.

• BBC

  په هرات کی ډېر نندارتونونه جوړ شوي، خو دا ځکه توپير لري چې د هرات د ځوانو سوداګرو په نوښت جوړ شوی.

• BBC

  په دې نندارتون کې اویا سلنه اېښودل شوي توکي بهرني او په ځانګړې توګه ایراني وارداتي توکي دي.

• BBC

  ځوان سوداګر وایي دوی هڅه کوي په خپلو پښو ودرېږي، خو د دوی په وینا دا هدف په اوږد مهاله پلان ترلاسه کېدای شي.

• BBC

  په تېره یوه لسیزه کې په هرات کې په سلګونو صنعتي فابریکې جوړې شوې. یوشمېر یې بېرته د ځینو لاملونو له کبله بندې شوې. د ځینو فابریکو د ماتې یو لوی لامل د دودیزې سوداګرۍ له مخې فعالیت او د عصري تجارت تشه بلل کېږي.