سبا نسيم ته
پاڅه دا ښكلى زيرى واخله د سبا نسيمه
د پښتونخوا څوكو ته لاړشه په خندا نسيمه
لويو وړو پيغلو زلمو ته پيغامونه يوسه
ډير سلامونه كړه تقديم په پښتونخوا نسيمه
توبې ګرو يك باغ او چترال تر زيارت غاښي پورې
چكري ورشه په تيرا او سلا لا نسيمه
بيا دمحكوم پښتونستان نه طوافونه وكړه
دازادۍ پتنګ ته وركړه تسلا نسيمه
وايې ((سيلاب)) ځه داپيغام په پښتونخواګرزوه
پښتونستان به خالق جوړ كړي نن سبا نسيمه
