ځلمى دننګرهار دى
چې خپل وطن لپاره په ريښتينى فدا كار دى
ځلمی د ننګرهار دى
ښكاره چې لمر پشان په هر وطن او هر ديار دى
ځلمی د ننګرهار دى
خادم او كه الفت دى رشتين او كه رغبت دى
پرهيز او كه حكمت دى
معلوم د سيال همت دى چې د خپل وطن غمخوار دى
ځلمی د ننګرهار دى
صافى او كه مومند دى همدرد او كه دردمند دى
ازاديې كړى ژوند دى
وطن ته خدمت كړی غياثې دى كه جرار دى
ځلمی د ننګرهار دى
مراد كه بختانى دى رنځور كه خوګياڼى دى
مجروح كه روحاني دى
تالا كه برهاني دى له هر څه خبردار دى
ځلمی د ننګرهار دى
ستي كه ننګرهارى فخري كه تيمورى دى
نيازمن كه شينوارى دى
ميدان كې بريالی دى چې دعلم طلبګار دى
ځلمی د ننګرهار دى
هوسا او كه حريف دى عاطف او كه نحيف دى
كمين او كه شريف دى
شفيق او كه عفيف دى وطن له خدمتګار دى
ځلمی د ننګرهار دى
خاورين او كه صابردى ويـاند او كه شاكر دى
برى وړى بذګر دى
په نوم محمد سلام پاچا بيدار دچپرهار دى
ځلمی د ننګرهار دى
مليا او كه بائيزى دى صادق كه ملكزى دى
اخلاص كه آلوزى دى
كامې پشه كالى دى چې عرفان ته انتظار دى
ځلمی د ننګرهار دى
سركش او كه غمګين دى سرتير كه لونګين دى
ساوو شاعر مبين دى
هر يو د ګل غوټۍ ځلانده ستورى د سحار دى
ځلمی د ننګرهار دى
سرسام كه روهيلي دى محتاج كه جليلي دى
اشنا كه آميني دى
احمدي كه چمبيلى دى قلم يې جوهر دار دى
ځلمی د ننګرهار دى
روكي دى كه كڅوال مصلح كه چاديوال
سرخرودى يا ګوشتوال
بينادى كه لېوال هر يوويستلى زيار دى
ځلمی د ننګرهار دى
كاكړكه كاموي دى تش لاس كه صديقي دى
بابړ كه هاشمي دى
دخپل وطن باغچو كې كاليوه ګډ په چغار دى
ځلمی د ننګرهار دى
اشعار وايي ملنګ بلبل په ګل كړي ننګ
ستومان دى او كه ړنګ
هر باغ ددې وطن په زين الله باندې ګلزار دى
ځلمی د ننګرهار دى
سيفي او كه نقيب دى علمي او كه حبيب دى
جوهر او كه كبيب دى
شړلى يې رقيب دى سرباز په دغه لار دى
ځلمی د ننګرهار دى
غمخور او كه پښتون دى سيَد او كه ممنون دى
تبريك او كه مخزون دى
ښكاره په مشرقي اوراد الدين قاضي نامدار دى
ځلمی د ننګرهار دى
طوفان دى كه قتيل قانع دى كه عليل
سنګر وهي سقيل
غليم مقابلې له قادري مدام تيار دى
ځلمی د ننګرهار دى
نصير او که طالب دى ملګرى كه راغب دى
اغا اوكه تائب دى
د لوى فكر صاحب دى جبارخيل دا مې اقرار دى
ځلمی د ننګرهار دى
مسافر كه فرمانشا دى باور او كه بورا دى
معلوم خان جلالا دى
كږې محمد ظاهر دى چې وطن له افتخار دى
ځلمی د ننګرهار دى
ځلميان لرمه ښكلي د علم فن ښاغلي
وطن په عشق داغلي
هر يو د خپل وطن وترقۍ ته اميد وار دى
ځلمی د ننګرهار دى
زاړه دي كه ځوانان ددې وطن ځلميان
وړوكي ماشومان
خاپوړو كې سورې كړي ازادي زمونږه كار دى
ځلمی د ننګرهار دى
هر يو ځملى اديب دى د هر مرض طبيب دى
د لوړميدان مجيب دى
لباس ننګ اوغيرت ورلره پاتې له خپل پلار دى
ځلمی د ننګرهار دى
هر يو ځلمى پښتون دى
چې ياد په لوړمضمون دى
وطن عشق نه مجنون دى
د پاك مقدس دين د محمد(ص) پيره وىدار دى
ځلمی د ننګرهار دى
سېلاب دى زما نام كامه مې دى مقام
صافى يمه په قام
سلام كړمه زلميانو ته هميش هر يو مې يار دى
ځلمی د ننګرهار دى
