عسكري آهنګ
اى ځلمى غازي شاه افغانه
ته يې تاج د سر زمونږ
ټوله پښتونخوا په تا ودانه
ته يې توره سپر زمونږ
ته يې ښه غمخور زمونږ
زيات له پلارُ مور زمونږ
تا كه باغ سمسور زمونږ
اى د سترګو تور زمونږ
اى له مور و پلاره په مونږ ګرانه
ته يې د زړه سر زمونږ
اى ځلمى غازي شاه افغانه
ته يې تاج د سر زمونږ
جوړ ډير ښه مكتبونه شو
جاري تعليمونه شو
ټول وطن ګلونه شو
لرې ترې غمونه شو
اى په خوار عاجزومهربانه
يې لحم بصر زمونږ
اى ځلمى غازي شاه افغانه
ته يې تاج د سر زمونږ
تا كړه ټول روان په لار
واړه فرزندان په لار
د علم عرفان په لار
مطابق قرآن په لار
ته به مونږ لوړ بوځې له هر چانه
دى په تا باور زمونږ
اى ځلمى غازي شاه افغانه
ته يې تاج د سر زمونږ
تا كه ټول زرغون وطن
واړه ښه ګلګون وطن
اوس شولو موزون وطن
دغه د پښتون وطن
اى زمونږ دانا مليار باغوانه
تى يې بالُ پر زمونږ
اى ځلمى غازي شاه افغانه
ته يې تاج د سر زمونږ
ټول وطن ګلزار كه تا
ورك ځنې اغيار كه تا
هر ويده بيدار كه تا
خپلواكي سينګار كه تا
ستا ترقي غواړي له سبحانه
ټول عسكر لښكر زمونږ
اى ځلمى غازي شاه افغانه
ته يې تاج د سر زمونږ
سوال كوي سېلاب هميش
در كې د وهاب هميش
تا غواړي كامياب هميش
دښمن دې خراب هميش
تل دې وي غازي ظاهرشاه خانه
ستا سيورى په سر زمونږ
اى ځلمى غازي شاه افغانه
ته يې تاج د سر زمونږ
