څار
راشه خواله غلې اى نازولې
ما منلي ستا نازونه زما بلبلې
زه هم ستا په مينه
اى نازنينه
تېروم مياشتې كلونه
زمـا لاليه
راځه راځه په مينه مينه
د زړګي سره نازنينه
د ژوند تابلو مې كړه رنګينه
راشه خوا له غلـې
اى نازولې
رانه لرې كړه غمونه
زمـا بلبلې!
زما ګوګل كې ناسته ياره
سترګې مې سرې له انتظاره
څارمه ستا د راتلو لاره
زه هم ستا په مينه
اى نازنينه
وړم د هر چا منتونه
زم لاليه!
د نوى ژوند نوى دوران دى
بشر روان مخ په اسمان دى
جوړ بيا د مينې امتحان دى
راشه خوا له غلې
اى نـازولې
د سیلاب واوره عرضونه
زما بلبلې!
كابل، نوى ښار_ 17/8/1343
