اسلام، اسلامي شرعه او د اسلام تاریخ

ددیني او ساینسی علومو ګډ رسالت

پتوال
27.02.2013

درنو دینپوهانو ته سلامونه !

هغه څه چې الله عملا کړي دي هغه د مادی دنړۍ طبیعت او بشري ټولنې رامنځته کول او د هغوی چلول او
کنترول دی ( کل یوم هو فی شان). او هغه څه چې الله سبحانه و تعالی قولا ویلي فرمایلي دي، هغه د بشري ټولنې د اصلاح له پاره نازل شوي دي!
پوهه او پوهېدل د دواړو لازم دي :
د ژوند له باره په طبیعت او ټولنې پوهېدل د شعور، تجربو او ساینسي علم و تخنیک له لارې او د ټولنې د اصلاح
له پاره بیا دیني علوم اړین دي! لومړني د ژوند محتوا او دوهم د ژوندانه د شکل علوم دي، خو شکل او اړونده دیني
علوم دومره مهم دي چې د آخرت محتوا جوړوي! داچې بې شکله محتوا نشته نو مهم هغه شکل دی چې الله (ج) ددین په نامه رالیږلی دی ، نه کوم بل شکل!
ولې ژوند ته محتوا ور کول او محتوا وربخښل يې پخپله بنده ته ورسپارلي دي او د انسان په توګه یې په شعور ، تجربه او پوهه پوهنه بیا ددین په شکل او چوکاټ کې خبل خلیفه ګرځولی دی!
د دیني او ساینسي علم او تخنیک دواړو هدف یو دی :
د الله تعالی د قدرت او الوهیت علم و پوهه او درک کول دي!
په محمد (ص) د پیغمبرانو د سلسلې له ختمیدلو وروسته دغه علمي رسالت په زیاتیدونکي ډول د ساینسي علومو پواسطه تر سره کیږي او د دې علم معرفت په سلسله کې ساینسي علوم هم ددیني رسالت یوه برخه ګرځي ځکه چې د الله تعالی د قدرت ، خلقت او کریاسیون یا کریېشن معرفت پخپله د الله تعالی د معرفت جز او پر مادي نړۍ د انسان د تسلط او خلافت اړین شرط او مقدمه ده !
آیا همداسې نه ده ؟؟؟؟؟؟ هیله ده د مسلمانانو له پاره د نوموړې اړینتیا په اړه راسره خپل اند و اندتوګې شریکې کړئ والسلام !

حمید هڅــاند
27.02.2013

ماشاء الله...ښکلې خبرې مو کړې دي دروند پتوال صیب!
زما په اند، د عصري او دیني زده کړو ترمینځ پوله ګردسره شتون نه لري...ځکه سیاست هم دین دی، اقتصاد هم دین دی، طب هم دین دی، انجنیري هم دین دی...ځکه:
موږ هڅول شوي یو چې کائينات وسپړو، دا زرغون څراغ موږ ته نه یواځې مشوره بلکې امر دی چې له مخې یې باید ټولې هغه لارې ګودرې ولټوو چې په وسیله یې نړۍ سپړلای او ورته رسېدلای شو...هغه که د اسمان لري څنډې وي هم.
یانې، کله چې د یو کار منعه نه وي او هڅونه ورته شتون ولري، په هغه پسې تګ د الله د رضا حاصول دي او بس. خو افسوس چې نن-سبا هغه دی زموږ مکتبونه تړل کېږي او محصلین مو وژل کېږي.
پتنګ صیب خو لا وایي چې مکتبیانو څه وکړل؟ که یې هرڅه کړي وي، ستونزه د مکتب او درس نه بلکې د استاد یې وه، لکه دا اوس چې د دیني زده کړو زده محصلین ناوړه کارو ته هڅول کېږي، هغه هم ستونزه د مدرسې نه، د استاد ده.

درنښت