اسلام، اسلامي شرعه او د اسلام تاریخ
دفرضو دتاخیر تعریف څه دی؟؟؟
پتوال
27.12.2012
درنو او محترمو دينپوهانو الاسلام علیکم و رحمة الله وبرکاته !
یوه پوښتنه زه هم لرم :
دا سمه ده چه چې د فرضو په تاخیر د سهوې سجده لازمیږي، خو د فرضو تاخیر دا هم ګڼي، چې څوک په ۴ رکعاته فرضو کې
دلومړۍ قاعدې له تشهد نه وروسته درود شریف پیل او تر یوه حده یې ورسوي او بیا يې دریم رکعت ته باڅېدل رایاد شی او پورته شي، نو سجده سهوه پرې لازمه ګڼي ، پوښتنه داده چې آیا دلته په رښتیا هم د فرض قیام تاخیر واقع شوی دی ؟؟؟؟؟
که واقع شوی وي نو که تاخیر راته لومړی تعریف او بیا يې دلایل روښانه کړئ او یا که چیرې تاخیر نه وي پیښ شوی
هم اړونده دلایل يې وړاندې کړئ خوښ به شم . والسلام !
طیب زابلی *
28.12.2012
السلام علیکم ورحمة الله
پتوال صیب بوښتنه خودی ظاهرا ساده ده مګر چی ته کومه باریکی پکی وینی؟ هغه به ته خپله ښکاره کړی،
دفرضو تاخیر داده چی فرض له خپل ټاکلی ځای او وخت نه روسته ادا شی ،
اوس په دې صورت کی تاخیر ځکه راغلی ده چی له تشهد نه روسته دقیامی ځای او وخت ده او په درود ویلو سره قیامه له خپل ځای او وخت نه روسته شوه والسلام
حذيفه
30.12.2012
د تاخير په صورت کي د سجدې لازمېدل ، دا قاعده له کومه ځايه اخیستل شوې ده ؟
رسول الله خو داسی ويلي :
عَنْ أَبِي سَعِيدٍ الْخُدْرِيِّ، قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: «إِذَا شَكَّ أَحَدُكُمْ فِي صَلَاتِهِ، فَلَمْ يَدْرِ كَمْ صَلَّى ثَلَاثًا أَمْ أَرْبَعًا، فَلْيَطْرَحِ الشَّكَّ وَلْيَبْنِ عَلَى مَا اسْتَيْقَنَ، ثُمَّ يَسْجُدُ سَجْدَتَيْنِ قَبْلَ أَنْ يُسَلِّمَ، فَإِنْ كَانَ صَلَّى خَمْسًا شَفَعْنَ لَهُ صَلَاتَهُ، وَإِنْ كَانَ صَلَّى إِتْمَامًا لِأَرْبَعٍ كَانَتَا تَرْغِيمًا لِلشَّيْطَانِ»(مسلم )
دلته خو د شک یادونه ده او په بل روايت کي د هيرې يادونه ده نو دا د تاخیر قاعده هم کوم لاسوند لري او که له دې رواياتو په يوه ډول اخیستل شوې ده ؟
«فَإِذَا نَسِيَ أَحَدُكُمْ فَلْيَسْجُدْ سَجْدَتَيْنِ»(مسلم )
ع کريم حليمي
30.12.2012
درنو او مکرمو او دانشمند پتوال صاحب ، طیب زابلی صاحب ، حذيفه صاحب ، زما سلامونه او احترامات او ښې هیلی ومني ، او د رب العزت له درباره تاسو او ځان ته ښه صحب غواړم ، آمین
ګرانو ، دا خو اظهر من الشمس خبره ده چه په هر اشتباه باندي سجده سهوه لازمیږي
د فرضو تاخیر دې ته هم ویل کیږي چه ته په یو داسي ځای او محل کښی پر لمانځه ولاړ يي او هلته په کوم مادي سبب قیامه وځندیږي نو لازمه ده چه سجده سهوه وکړو ، څوک چه په حرم شریف کښي لمنځ کوي بعضي وخت داسي پېښه شي چه کوم څوک له چانه ومښلي او دغه جټکه سبب د تأخیر سي او یا څوک دي مخه ته راشي او دوهمي سجده مو څه وځندیږي
درنښت
Re: دفرضو دتاخیر تعریف څه دی؟؟؟
Mazharee
31.12.2012
[quote:06974c473e="پتوال"]درنو او محترمو دينپوهانو الاسلام علیکم و رحمة الله وبرکاته !
یوه پوښتنه زه هم لرم :
دا سمه ده چه چې د فرضو په تاخیر د سهوې سجده لازمیږي، خو د فرضو تاخیر دا هم ګڼي، چې څوک په ۴ رکعاته فرضو کې
دلومړۍ قاعدې له تشهد نه وروسته درود شریف پیل او تر یوه حده یې ورسوي او بیا يې دریم رکعت ته باڅېدل رایاد شی او پورته شي، نو سجده سهوه پرې لازمه ګڼي ، پوښتنه داده چې آیا دلته په رښتیا هم د فرض قیام تاخیر واقع شوی دی ؟؟؟؟؟
که واقع شوی وي نو که تاخیر راته لومړی تعریف او بیا يې دلایل روښانه کړئ او یا که چیرې تاخیر نه وي پیښ شوی
هم اړونده دلایل يې وړاندې کړئ خوښ به شم . والسلام ![/quote:06974c473e]
وعلیکم السلام ورحمة الله وبرکاته
ددی مسئلی په هکله باید وویل شی: چی هرڅوک چی په لومړنی ناسته کی، اضافه پر التحیات باندی په اندازه د " اللهم صل علی محمد" درود او یابله دعا وکړی، نو پرهغه باندی سجده سهوه لازمه ده چی ویی کړی، ځکه پدی کارباندی په لمانځه کی زیادت راغئ، چی په نتیجه کی فرض، چه دریم رکعت ته ولاړیدل دی مؤخر شول.
دلیل ورباندی لاندی احادیث دی:
عن عائشة رضی الله تعالی عنه أن رسول الله صلی الله علیه وسلم کان لایزید فی الرکعتین علی التشهد. رواه ابویعلی من روایة أبی الحویرث عن عائشة رضی الله تعالی عنها والظاهر أنه خالد ابن الحویرث، وهو ثقة، وبقیة رجاله رجال الصحیح.(مجمع الزوائد)863. ( اعلاء السنن )
ژباړه: حضرت عائشه رضی الله تعالی عنها فرمایی: رسول اکرم صلی الله علیه وسلم په دوو لومړنیو رکعتونو کی په التحیات باندی زیادت نکوئ.
1897 – وعنه مرفوعا: قال : « إذا زاد الرجل أونقص فلیسجد سجدتین». رواه مسلم 213:1. إعلاء السنن جلد 7 صفحه 188
ژباړه: دحضرت معاویه رضی الله تعالی عنه څخه مرفوعا روایت شوی دی، چی څوک په لمانځه کی کوم شئ ډیر کړی او یایی کم کړی نو دوی سجدی دی وکړی.
1899 – عن عائشة رضی الله تعالی عنها مرفوعا « سجدتا السهوفی الصلاة تجزئان من کل زیادة ونقصان». أخرجه فی کنزالعمال 1:101 وعزاه الی البیهقی وأبی یعلی وابن عدی وذکره الحافظ فی الفتح 3:82 ولم یتعقبه بشئ، فهو حسن أوصحیح علی قاعدته. إعلاء السنن جلد 7 صفحه 188
ژباړه: دحضرت عائشی رضی الله تعالی عنها څخه مرفوعا روایت دئ، دوی سجدی دسهو په لمانځه کفایت کوی، دهر زیادت او نقصان څخه.
وروسته بیا صاحب دإعلاء السنن داسی لیکی:
وقاس فقهاؤنا علی المنصوص من الزیادة والنقصان ماعداهما من الزیادة علی التشهد فی الثانیة، والتأخیر فی الواجبات والفرائض وغیر ذالک مماهومبسوط فی الفقه.
إعلاء السنن جلد 7 صفحه 188
ژباړه: قیاس کړئ زمونږ فقهاؤ پرهغه منصوص زیادت اونقصان، ماسوا ددی څخه نور زیادت پرالتحیات باندی په دویم رکعت کی، او تأخیر په واجباتو اوفرائضو کی او په نورو کی کوم چی په فقه کی په تفصیل لیکل شویدی.
ع کريم حليمي
31.12.2012
دروند او مکرم نور الحق صاحب ، السلام علیکم و رحمة الله
ستاسو له ګدون نه مننه ،
[quote:c894ab9b38] چی هرڅوک چی په لومړنی ناسته کی، اضافه پر التحیات باندی په اندازه د " اللهم صل علی محمد" درود او یابله دعا وکړی، نو پرهغه باندی سجده سهوه لازمه ده چی ویی کړی، ځکه پدی کارباندی په لمانځه کی زیادت راغئ، چی په نتیجه کی فرض، چه دریم رکعت ته ولاړیدل دی مؤخر شول. [/quote:c894ab9b38]
داخو د رسول الله د سنتو خلاف کړه تر سره سوه او یا وایو چه مصلي سهوه وکره نو سجده السهوه لازمه سوه ( لكل سهو سجدتان بعد التسليم) . ولي د فرضو د تأخیر نوم ورکوي ؟؟؟؟؟
او مکرم محترم طیب زابلی صاحب خو د دانشمند پتوال صاحب و سوال ته بشپر جواب ویلی ؤ ، که څنګه ؟
درنښت
Mazharee
31.12.2012
[quote:fd0cf2020c="ع کريم حليمي"]دروند او مکرم نور الحق صاحب ، السلام علیکم و رحمة الله
ستاسو له ګدون نه مننه ،
داخو د رسول الله د سنتو خلاف کړه تر سره سوه او یا وایو چه مصلي سهوه وکره نو سجده السهوه لازمه سوه ( لكل سهو سجدتان بعد التسليم) . ولي د فرضو د تأخیر نوم ورکوي ؟؟؟؟؟
او مکرم محترم طیب زابلی صاحب خو د دانشمند پتوال صاحب و سوال ته بشپر جواب ویلی ؤ ، که څنګه ؟
درنښت[/quote:fd0cf2020c]
وعلیکم السلام ورحمة الله وبرکاته:
محترم او معزز حلیمی صیب! ستاسو څخه هم مننه:
ځمامقصد دلومړنۍ ناستی څخه دهغه لمانځه ناسته ده، چی په هغه کی دوۍ ناستی وی، یعنی چی لمونځ څلور اویا دری رکعته وی، چی پدی صورت کی یقینی ده، چی په زیادت سره پرالتحیات په فرض کی چی قیامه ده تأخیر راځی: ماهم دفرض تأخیر پدی خاطر ورته ویلی دی.
دمحترم طیب زابلی صیب ځواب درست او پرځای ځواب دئ، خومایی دلائل اومرجع هم ورسره ولیکل.
پتوال
12.01.2013
درنو او محترمو دينپوهانو السلام علیکم و رحمة الله وبرکاته !
له ګډون ، لار ښودنو او ځوابونو مو یوعالم مننه !
کله چې په دعاو سره د رکوع، قومې،سجدې او جلسې غځول تاخیر نه رامنڅته کوي نو سورة د تش رکعت په قیام کې او درود د لومړۍ قاعدې په پای کې زیاتول ولې دتاخیر او سجده سهوې سبب ګرځي، البته خپله یا دنورو فتوه نه، بلکې د فتوې شرعي دلایل (ایت او موثق او معتبر حدیٍثونه [color=red:2f15ca0973]افغانانو ته له ژباړې سره [/color:2f15ca0973]) وړاندې کول اړین دي. د لمانځه یو رکن خو په تکبیر پیل او په تکبیر ختمیږي او تر څو پورې چې دبایحد تکبیر نه وي ویل شوی هغه رکن دوام لري . زما په اند دلته د پای.حد تکبیر نه د قرائت او نه د تشهد وروسته ويل شوی نو ځکه محض غځول تاخیر نه واقع کوي .
زما په اند رسول اکرم صل الله علیه وسلم چې به په صلوة التسبیح کې له دویمې جلسې نه وروسته قیام ته له تکبیر ویلو پرته
پاڅېدۀ نو عامل يې ښايي همدا و، څو تاخیر او دسهوې سجده واقع نشي !
که دلته زما اندتوګه سمه نه وي هیله کوم تیروتنه مې راسمه کړئ، په هڅو مو برکت او ثوابونه مو ډیر ډیر په برخه !،والسلام
تخاري
14.01.2013
سلامونه
ښه بحث ده که هر څو هم په ډیره جزيي موضوع باندی شوی ده
پتوال
14.01.2013
السلام علیکم و رحمة الله و برکاته !
تخاري صاحب لیکي:
[quote:a207a75122]ښه بحث ده که هر څو هم په ډیره جزيي موضوع باندی شوی ده[/quote:a207a75122]
که د (جزيي) پر ځای (ساده) ولیکو، نو د زابلی صاحب انګیرنه « ساده پوښتنه» ترې جوړیږي، خو پوښتلې باریکي یې
ستره ده، ځکه چې تر اوسه پورې آن د ۴ امامانو رحِمه الله علیهم په شمول دې
د لمانځه دې ساختاري پوښتنې ته د چا پام نه دی شوی چې د ارکانو پیل او پای (یا پیلحد او پای حد يې ) رکوع او وروستۍ
قاعده مستثنی په حرکتونو نه، بلکې په تکبیرونو تعینیږي او مل حرکتونه يې صرف بدرګه کوي . دا بېپامي شاید دوه عامله ولري :
۱. تاریخي دی چې له قیاس څخه کار اخیستل کېده ، خو منطق لا د اندپوهنې په توګه په ډاګه شوی یا په عالمانو کې هم
ترویج شوی نه و .
۲. د صلوة تسبیح محمدي طریقه ایکې یواځینی مثال دی چې د رسول اکرم (ص) د عملي درس په توګه د سړي پام د لمانځه دې
ساختاري معیار ته راګرځوي.
زما څېړنیزه پوښتنه له درنو دینپوهانو څخه داده چې:
دا معیار به بیا هم ساختاري نه وي که چېرې درانه دینپوان ورونه د رسول اکرم (ص) دیوې سجده سهوې عملي نمونه
او یا شفاهي حدیث مستقیم په تش رکعت کې د سورة د ویلو او یا په لومړۍ قاعده کې له له تشهد وروسته د درود شریف
د مل کولو په هکله وړاندې کړي ، که نه وي نو په دې صورت کې د رسول اکرم (ص) د صولوة تسبیح عملي طریقه له یوې
او منطقي جبر له بلې خوا ددې له پاره دوه کافي دلایل دي چې په نوموړو ۲ حالتونو کې نه تاخیر واقع او نه
سجده سهوه لازمیږي! والله اعلم بالثواب !
