اسلام، اسلامي شرعه او د اسلام تاریخ
پرلسانی مشترکاتو د یوه ګمراه(عبدالله رحمت ) دشبه ازاله
Mazharee
20.12.2012
السلام علیکم ورحمة الله وبرکاته
بسم الله الرحمن الرحیم
لكه څرنګه چی خدای پاک په نړی کی مختلف قومونه پیداکړیدی، داغسی یی دهر قوم لپاره خاصه ژبه معینه کړیده، چی په هغه ژبی باندی خبری کوی، او هغه یی په اصطلاح کی مورنی ژبه بلل کیږی، لکه عرب په عربی، پښتانه په پښتو، تاجیک په فارسی، اوداسی نور.....
چی الله پاک د ژبو اختلاف یوعلامه د خپل ربوبیت او وحدانیت او پوره قدرت بللی ده لکه چی په قرآن شریف کی راځی: {وَمِنْ آيَاتِهِ خَلْقُ السَّمَاوَاتِ وَالأَرْضِ وَاخْتِلاَفُ أَلْسِنَتِكُمْ وَأَلْوَانِكُمْ إِنَّ فِي ذلِكَ لآيَاتٍ لِّلْعَالَمِينَ} سوره روم 22.
ژباړه: او دعلامو څخه دده پیدا کول دآسمانونو او مځکو دی، او اختلاف ستاسو دژبو او رنګونو دئ، یقینا پدی کار کی دمخلوقاتو لپاره علامی دی.
خوسره ددی چی هره ژبه ځانته خاص اوځانګړئ نوم، او ادبیات لری، خو کله کله داسی وی، چی ځنی ژبی بعضی مشترکات هم لری پدی معنی سره چی ځنی لغات وی چی هغه په څو ژبو کی کاریږی، کله کله یی معنی هم یوه وی اوکله کله یی معنی مختلفه وی خو لفظ یی یو وی.
مثلا په انگلیسی کی پټاټیو(کچالو) ته Potato وایی چی دپښتو تلفظ سره یی ډیر کم تفاوت دئ، او یا لفظ د " کار " په پښتوکی فعل دئ، خو په انگلیسی کیCar اسم، اونوم دئ. او یا لفظ د " مور" چی په پښتو اسم دئ، او دهغه ښځی لپاره کاریږی کوم چی انسان ځنی زیږیدلئ وی اویا " موړ " هغه چاته وایی چی ډوډی یی ډیره خوړلی وی. خو همدغه ته ورته په انگلیسی کی Moor وصف دئ، او په معنی سره دډیر استعمالیږی،
اویا لفظ د " خان " چی په پښتو کی دکلی مشر او بډا ته وایی او په انگلیسی کی khan په معنی سره د"کاروان سرای" راځي.
اوپاپه فارسی کی پدر پلار ته وایی چی په انگلیسی کی عینا همدغه تلفظ دهمدغی معنی لپاره کاریږیPother او برادر چی په فارسی کی په معنی سره د ورور دئ، چی په انگلیسی کی دهمدغی معنی لپاره کاریږی Brother او یا لکه مادر چی په فارسی کی د مور په معنی سره کاریږی چی په انگلیسی که عینا دهمدغی معنی لپاره کاریږی Mother او یا لکه لفظ د " صاحب " چی په عربی کی په معنی سره دملګری راځی، خو په پښتو کی یو صیغه ده احترام ده، او ډیر وقت د محترمو خلګو دنامه سره ویل کیږی. اویا لکه " انا " چی په عربی کی ضمیر دواحد متکلم دئ، خو په پښتو کی دپلار مور اویا دمور مور ته ویل کیږی. او داسی نور.... چی هرڅو ژبی په ځینو شیانوکی سره اشتراک لری اوس تفاوت نلری که اشتراک تام یعنی په لفظ او معنی دواړو کی وی، او که اشتراک ناقص یعنی یواځی په لفظ کی وی.
نوداده هری ژبی خپل ځانته اصطلاح او کلتور دئ، هیڅوک داسی نسی ویلای چی فلانی لفظ په عربی کی داسی معنی ورکوی نوپه پښتوکی بیا ولی دهغه بلی معنی لپاره کارول شوئ دئ؟
دا په عربی ادبیاتو کی یو لوی ضرب المثل دئ، چی وایی: لامشاحة فی الإصطلاح ولامشاحة فی التسمیات.
یعنی په اصطلاحاتو او نوم ایښوولوکی کوم تنازع اوبدی نشته. خوځنی خلګ چی لږ علم ورسره وی، نو چی کله یی په نظر باندی یو لفظ مخالف دهغی معنی سره راسی چی دئ په پوهیږی،نو اعتراضونه ورباندی شروع کړی، چی دانو ولی داسی راغلئ دئ؟ خو دئ کم علمه دغه ته نه ګوری، چی داخو ژبی په ډیرو شیانو کی سره تفاوت لری، خو په ځینو شیانوکی بیا سره مشترکی دی. او بیا داسی کم بخته انسانان پدی هم خبرندی چی دهر نامه لپاره وجه دتسمیی ضروری نده، ځکه مځکی ته په عربی کی " أرض " وایی سره لدی چی وجه ده تسمیی نلری چی ولی ورته " أرض وایی؟.
چی یود داسی ناپوهو خلګو دجملی څخه هم ښاغلئ عبدالله رحمت دئ، چی نوئ ټول افغان فورم ته راغلئ دئ.
ده کم بخته یوه لیکنه کړی، په نامه د " دملا دلفظ څیړنه " په هغی لیکنه کی یی ډیر ناروا او مرداری خبری کړیدی، او داسی یی ویلی دی: [quote:c54efd492a][color=darkred:c54efd492a]او په عامه جامعه کي دهغه چا لپاره استعماليږي چي په دنيا کي يي ځان ،خلګوته رب ورپيژندلي وي او دځانه څخه دحلال اوحرام،ددين او بي ديني او دښه اوبد فيصلي ورکوي،دمالداري باوجود، زکاتونه خوري،نور خلګ داسلام ددين څخه را ګرځوي اوخپل د خيټي څخه دين راباسي،د قران اوحديث دزده کړي اوښودني سره نفرت لري اوداسي نور.[/color:c54efd492a][/quote:c54efd492a]
وګورئ! دادئ داسلام اصلی دښمن، او بی علمه زمونږ کوم عالم ځان داسی معرفی کړئ دئ؟ او کوم عالم دځانه څخه د تحلیل اوتحریم حکم صادر کړئ دئ؟ زمونږ کوم عالم دقرآن اواحادیثو پرضد فیصله کړیده؟. دئ کم بخته دقرآن په ساده ترجمه نه پوهیږی شروع یی په کړی دځانه څخه په قرآن کی ترجمی اوتفسیرونه کوی.
دی کم علمه ته باید ووایم: ای بی وقوفه! ته ورسه وګوره! چی د " ملا " لفظ څه معنی ورکوی؟ غوږ سه! ته خو ددی اهل نه یی چی څوک دی تاته علمی بحث وکړی ځکه ستاسو غوندی انسانانو سر په علمی بحث او باندی نه خلاصیږی او نه هم تاسو ته علمی بحث کومه مثبته فایده لری،خو زه یی دټول افغان دګرانو لوستونکو او ځینی محترمو ملګرو پخاطر درته په واضحو الفاظو بیانوم.
ملا په فتحه سره دمیم په معنی سره د ډک،ډلی،ټولئ،أخلاق،اومشرانو راځی، او په کسره سره دمیم هغه شی ته وایی چی لوښئ په ډکیږی لکه اوبه، شیدی، عسل، مستی اونور.......
او په ضمه سره، په معنی سره دناروغۍ دزکام، دباور وړسړئ، غنی.
چی همدغه خبره دعلم لغت په ډیرو کتابونو کی راغلی ده، چی زه یی په حیث دنمونی دیوکتاب دعبارت خلاصه لیکم:
المَلءُ بالفتح: مصدر مَلأتُ الإناءَ فهو مملوءٌ .
والمِلءُ بالكسر: اسم ما يأخذه الإناءُ
والمُلأ بالضم: الزُكامُ، ومُلِئَ الرجل وأمْلأهُ الله، أي أزْكَمَهُ،
وملُؤَ الرجلُ: صار مليئاً أي ثِقَةً، فهو غَنِيٌّ مَليءٌ بيِّنُ الملاءَةِ، مالأتُهُ على الأمر مُمالأَةً: ساعدته عليه وشايَعْتُهُ. وتَمالَؤوا على الأمر: اجتمعوا عليه. والمَلأَ: الجماعةُ.. والملأُ أيضاً: الخُلُقُ. يقال: ما أحسنَ مَلأَ بني فلانٍ، أي: عِشْرَتَهُم وأخلاقَهُم. والجمع أمْلاءٌ.{ الصحاح فی اللغة باختصار}.
ژباړه:" ملأ " په فتحه سره مصدر دئ، ملأت الخ... یعنی مالوښی ډک کئ نو دئ ډک دئ.
او " ملأ " چه کسره سره نوم دهغه شی دئ، چی لوښئ یی اخلی.
او " ملأ " په ضمه سره زکام ته وایی «ملئ الرجل » سړی زکام سو« أملاه الله » یعنی الله دی دئ زکام کړی.
او" ملؤالرجل" یعنی سړئ دباور وړوګرځیدئ. اودئ غنی دئ، غناء یی ښکاره ده.
او " مالأتُهُ على الأمر مُمالأَةً " یعنی ماورسره مرسته وکړه" .
او " وتَمالَؤوا على الأمر" یعنی دوی پریوکار سره راټول سوه، او " ملأ " ښو اخلاقو ته هم وایی. لکه چی په عربو کی داسی ویل کیږی : "ما أحسنَ مَلأَ بني فلانٍ" یعنی دفلانی دځامنو څونه ښه اخلاق اوژوند دئ. او جمع یی أملاء راځی.
او داغه رقم په بل کتاب کی راځی:
والمَلأُ - أيضاً - : الأشراف، وفي الحديث: أن المسلمين لمّا انصرفوا من بدر إلى المدينة استقبلهم المسلمون يُهَنِّئونهم بالفتح ويسألونهم عمّن قُتل؛ قال سلامَةُ بن سَلَمة - رضي الله عنه - : ما قَتَلْنا أحداً فيه طَعْم ما قَتَلْنا إلاّ عجائز صُلْعاً، فأعرض عنه رسول الله - صلى الله عليه وسلم - وقال: يا ابن سلَمة أولئك المَلأُ من قريش.{ العباب الزاخر اللباب الفاخر}.
ژباړه: " ملأ " په معنی سره دمشرانو خلګو هم راځی، په حدیث کی راځی: کله چی مسلمانان دغزوه څخه دبدر ومدینی منوری ته راغله، نوددوی مخته مسلمانان راووتل دوی ته یی دکامیابی مبارکی ورکوله او ددوی څخه یی پوښتنه کول چی څوک مو مړه کړل؟ سلامه بن سلمه رضی الله تعالی عنه وویل داسی څوک مو ندی وژلی چی خوندور وی بلکه یوڅولویدلی او ستومانه بوډاګان مو مړه کړه، نو رسول اکرم(ص) مخ ځنی واړوئ او ورته ویی ویل: ائ دسلمه زویه! داخو مشران خلګ وه دقریشوڅخه.
او په حدیث کی راځی: ان من الظلم مطل الغنى وإذا اتبع أحدكم على ملئ فليتبع. { مسند امام احمد حدیث 8160}
ژباړه: یقینا دجملی څخه ظلم، ځنډول د غنی دئ اوچاته چی پر غنی باندی حواله ورکړل شی نو ودی منی.
ښه رحمت خانه! لومړئ خو درته وایم : چی دا یوه اصطلاح ده چی زمونږ خلګه ودینی علماؤ ته " ملا " وایی دا په عربی او غیر عربی باندی کارنلری، او بیاکه یی درسره ومنم چی نه باید " ملا " په هغه معنی باندی وکارول شی کومه چی په عربی کی راغلی وی.نو بیاخو چی زمونږ خلګ و دینی عالم ته " ملا " وایی" هغه ځنی مشر، ثقة، با اخلاقه اومسلمان فقیه معنی اخلی. ځکه څوک چی رښتنئ عالم وی هغه کی دغه ټوله صفات وی، هم دخلګو مشروی هم خلګ ورباندی باور لری، او هم الله ورته ښه اخلاق ورکړی وی. ښه اوس زه ستا څخه پوښتنه کوم تاپه کوم دلیل دلته د " ملا " معنی یواځی حصر اوقصر په " ډک " باندی کړه او نوری معناوی دی ځنی نفی اوسلب کړی؟؟؟
بیا دی ودی کم علمی ته وګوره چی دخپل فاسد استدلال لپاره دی دقرآن په دغه دوو آیتونو باندی استدلال نیولئ دئ: قَالَ الْمَلأُ مِن قَوْمِهِ إِنَّا لَنَرَاكَ فِي ضَلاَلٍ مُّبِينٍ {٦٠الاعراف} وَقَالَ الْمَلِكُ إِنِّي أَرَى سَبْعَ بَقَرَاتٍ سِمَانٍ يَأْكُلُهُنَّ سَبْعٌ عِجَافٌ وَسَبْعَ سُنبُلاَتٍ خُضْرٍ وَأُخَرَ يَابِسَاتٍ يَا أَيُّهَا الْمَلأُ أَفْتُونِي فِي رُؤْيَايَ إِن كُنتُمْ لِلرُّؤْيَا تَعْبُرُونَ {٤٣يوسف}. ښه دلته د" ملأ " معنی هم هغه ده چی تاسو ذکر کړیده؟ هیڅ کله داسی نده بلکه دلته د "ملأ" معنی ده "مشران دقوم"، لکه په پورتنی حدیث کی، ځکه په دواړو آیتونو کی ټولو موجوده تفاسیرو د " ملأ " معنی په " اشراف " باندی کړیده، چی همدغه مشرانو ته وایی زه یی درته په حیث دنمونی دیوتفسیر عبارت نقل کوم : يا أيها الملأ)، يقول: يا أيها الأشراف من رجالي وأصحابي أفتوني في رؤياي)، فاعبروها،(إن كنتم للرؤيا) عَبَرَةً. { تفسیر طبری سوره یوسف آیه 43}. اوس دلته چی تا د " ملأ " معنی په ډک کړیده تا په کوم تفسیر کی لیدلی دی؟؟؟ او په کوم قانون باندی یی پدی باندی معنی کوی؟؟؟
اوبیا که یی درسره ومنم چی دلته یی معنی ډک ملایان دی، ښه نو په قرآن کی خو نور ځایونه هم د " ملأ " لفظ راغلئ دئ، هلته یی معنی په څشی باندی کوی؟ ځکه تاکم بخته خو مطلقا حکم کړئ دئ چی " ملا " یعنی ډک. مثلا
1. {لاَّ يَسَّمَّعُونَ إِلَىٰ ٱلْمَلإِ ٱلأَعْلَىٰ وَيُقْذَفُونَ مِن كُلِّ جَانِبٍ} { الصافات 32}.
ژباړه: چی شیطانان غوږ ونه نیسی و ملائکه وو ته او دوی ویشتل کیږی دهر جانبه څخه. ښه اوس ته کم عقله دلته د " ملا " څخه ډک ملایان اخلی؟؟؟ تابه هم صبا ورځ داجتهاد دعوه کړی وی؟؟؟
2. {قَالَ يأَيُّهَا الْمَلأُ أَيُّكُمْ يَأْتِينِي بِعَرْشِهَا قَبْلَ أَن يَأْتُونِي مُسْلِمِينَ} {سورة النمل 38}.
ژباړه : وویل (سلیمان علیه السلام) أی مشرانو! څوک به ماته د ددی (بلقیس ) تخت راوړی مخکی تردی چی دوی ماته غاړه ایښوونکی راسی؟.
ښه اوس دلته د " ملا " څخه ته کم علمه د ډکو ملایانو معنی اخلی؟؟؟. افسوس افسوس چی علم داسی خوار سو چی ستاغوندی ناپوهانو ته پاتی شو.
بیاهم درته وایم: رحمت خانه! داسی لیکنی تاته هیڅ ګټه نلری، نه یی څوک درسره منی، او نه هم پردی باندی څوک تاته شاه باشئ وایی: داسی کارونه عموما داسلام ددښمنانو کاروی چی په مابین کی دمسلمانانو دنفاق او نفرت تخم پاشی، مسلمانان په لایعنی باندی مصروفه کوی، ددی لپاره چی دکفارو ومقابلی ته خلاص نشی، مکوه! که په رښتیا مسلمان یی نو دنورو وړونو سره دی د یرغلګرو یهودو اونصاراوو پرضد قلمی او وسله وال جهاد شروع کړه، دکفارو پرضد وجنګیږه!لیکنی وکړه بیانونه اوتقریرونه وکړه، دمجاهدینو سره هر اړخیزه مرسته وکړه.
زه نه وایم چی ته نو دبدعتونو سره مقابله مکوه دبدعت سره مقابله هم یوقسم جهاد دئ، خوکوم شئ چی ته یی لیکی ته باور وکړه چی هسی خوشی دجاهلیت او ناپوهی څخه ډکی خبری دی ، تر اوسه چی تاسو کومی لیکنی کړی دی، هیڅ یوه لیکنه دی کوم علمی حیثیت نلری. بلکه ټول درواغ، تهمتونه، اوبهتانونه دی.
کامیاب
21.12.2012
مظهری صیب! الله مو په علم او قلم باندی برکت کیږده، داسی جوابونه مو ورکړیدی، چی دده یولږ عقل وی خو باید قناعت وکړی او ددی بی مفهومه او بی معنی خبرو څخه لاس واخلی،او که عقل ورسره نوی، نوبیا دی نوری داسی لیکنی هم وکړی، او که یی نوری داسی لیکنی وکړی دامعلومه خبره ده چی دئ نه عقل لری او نه هم کوم شعور، اسلام خو یی خاماخا تر پوښتنی لاندی راځی.
تخاري
21.12.2012
السلام علیکم و رحمت الله و برکاته
زه د عبدالله رحمت په نوم دا نوی پیدا شوی جحش نه ژاړم بلکه دا ژاړم چی ددی خبیث لیکنی ولی د ټول افغان اداری په لومړی مخ کی نشر کړی دی؟؟؟؟؟؟؟؟؟؟؟؟؟؟؟؟؟
په ټول افغان بحثفورم کی لله الحمد او د معزز مشر دینی عالم حلیمی صیب، معزز مظهری صیب، معزز وزیری صیب او داسی نورو درنو مکرمو علماوو په برکت د بی علمه تاودو دوو سلفی جهالو مخ تور او په خپله مخه ولاړل په دی هیله چی توبه یی باسلی او د افغانانو د پاشلو او ویشلو او توهین کولو یی لاس اخستی وي خو یو چوکړه یی چی ځان ظاهرا روشن خیال بولی لا هم د همدغو ناسمو د سمون پاڼی سخه د هغوی غرضی او مرضی لیکنی او لینکونه رانقلوی.
د عبدالله رحمت لیکنی د صلفیانو له مساره ډیری وتلی دی دا سړی د صلفیانو په شمول د ټول اسلام دشمن دی نو که زحمت نه وی نو فیروز صیب او مهاجر صیب او هڅاند باید او شاید د عبدالله رحمت د خبرو زما د تمی له مخی تردید او یا هم خدا نخواسته تایید کړی!!!
همدا به د دوی وروستی امتحان وی چی د فورم په ډکر کی یی راکړی، پرپړې به نه لیکی، صرف دابه وایی چی عبدالله رحمت صحی ده او یا به وایی چی غلط دی.
ما چی د عبدالله رحمت لیکنی ولوستلی نو په فیروز صیب او مهاجر صیب می شکر وایسته هاغه د کفن کش د کیسی په دود می هغوی ته دوعا وکړه، تاسو د عبدالله رحمت ټولی لیکنی ولولی په یوه ځای کی یی هم د الله جل جلاله نه نامه سره جل جلاله یا تعالی نه ده لیکلی بلکه لیکلی یی دی چی .... الله وایی .... الله داسی وایی.... همدارنګه یی هیڅ ځای په رسول الله صلی الله علیه و سلم له مبارک نوم سره درود شریف نه ده لیکلی بلکه لیکلی یی دی چی .... رسول الله وایی... همدارنګه یی صحابه کرام رضی الله عنهم داسی یاد کړی لکه دده همصنفان چی وی... انس روایت کوی له.... مالک روایت کوي له.....
د نامبرده جحش په باره کی زه دا نشم ویلای چی دا د سلفیانو په شان د بی علمی په سبب داسی لیکنی کوی څکه چی دا سړی د سلفیانو له مساره بیخی وتلی ده او ماته هاغه معلوم الحاله خونه-میر د کاکا زوی ښکاري!!
