اسلام، اسلامي شرعه او د اسلام تاریخ
دنیکمرغه-لوی-اختر-درا-رسیدو-په-منا-سبت-دعالیقدر-امیرالمؤمنین-حفظه-الله-دمبا-رکۍ-پیغام
pattang
24.10.2012
تفصيل بـــــرخه: مقـــــالی او تبصرې 24 اکتوبر 2012 لیکوال: نن ټکی آسیا
بسم الله الرحمن الرحیم
الحمدلله ربّ العلمين والصلوة والسّلام علی سیّدالکونین اشرف الانبیاء وقائدالمجاهدین نبیّنا محمد ن المصطفی صلّی الله علیه وسلّم وعلی اله وصحبه اجمعین.امابعد فأعوذبالله من الشیطان الرجیم : (( إِنَّ الَّذِينَ كَفَرُوا يُنْفِقُونَ أَمْوَالَهُمْ لِيَصُدُّوا عَنْ سَبِيلِ اللَّهِ فَسَيُنْفِقُونَهَا ثُمَّ تَكُونُ عَلَيْهِمْ حَسْرَةً ثُمَّ يُغْلَبُونَ وَالَّذِينَ كَفَرُوا إِلَى جَهَنَّمَ يُحْشَرُونَ (36) الأنفال) وقال الله تعالی : ( وَ إِذْ قَالَ عِیسَى ابْنُ مَرْیمَ یا بَنِی إِسْرَائِیلَ إِنِّی رَسُولُ اللَّهِ إِلَیکُمْ مُصَدِّقًا لِمَا بَینَ یدَی مِنَ التَّوْرَاه وَمُبَشِّرًا بِرَسُولٍ یأْتِی مِنْ بَعْدِی اسْمُهُ أَحْمَدُ (6)الصف) (صدق الله العظیم)
دایثار،قربانۍ اوخوښۍ ددې سترې ورځې ( لوی اختر ) مبارکي دافغانستان مسلمان ولس، دیرغل په وړاندي قهرمانو مجاهدینو، دشهداوو ورثه وو، معلولینو، حجاجو کرامواو دنړۍ په ګوټ ګوټ کې هر مسلمان ته وایم ، الله جلّ جلاله دي په ټول اسلامي امت کې دقربانۍ داختر ورځې په خوښۍ ، ډاډ اوسرلوړۍ تېري کړي .
په ځانګړي ډول خپل غیرتمن ولس او سرښندونکو مجاهدینو وروڼو ته دسږني کال دبې ساري پوځي بریاوو مبارکي ورکوم،الله دي موږ اوتاسوته استقامت راکړي او زموږمظلوم ولس دې نور الله جلّ جلاله له دې ناروا یرغل نه خلاص کړي او ان شاءالله دغه شیبې اوس تر بل هر وخت را نېږدې شوي دي .
مجاهدینو وروڼو! تاسو د صحنې شاهدان یاست چې له یوې نه بلې ورځې ته دجهاد صفوف غښتلي کیږي ، دهیواد په لر او بر کې له مجاهدینو سره دباشهامته ولس اوږه په اوږه همکاري او فداکاري وسعت پیدا کوي ، دیرغلګرو په سترو اډو پراخ تهاجمي او له جهادي تکتیکونو ډک بریدونه سرته رسیږي ، دمجاهدینو له ویرې یرغلګر پوځي اډې او بارکونه تخلیه کوي ،ددوی په لاس دجوړ شوي رژیم له لیکو څخه دبا احساسه سرښندونکو مسلمانانو له لوري پر مکار نیواکګر دښمن کارنده بریدونه سرته رسیږي او داسلامي امارت پر امنه لمنې ته د دعوت او ارشاد کمیسیون د هڅو په نتیجه کې خطا شوي افغانان ډلې ډلې مخه کوي او دیته ورته چټک بدلونونه او اوښتونونه هغه لاسته راوړنې دي چې شکر ادا کول یې پر موږ او تاسو ټولو واجب اولازمي دي .
ددې لپاره چې نور مو هم په خپلو اهدافو کې موفقیت په برخه شوی وي باید په ډېر عجز او انکسار سره له الله تعالی څخه د زیات توفیق غوښتنه وکړو، خپلو جهادي آرمانونو ته متعهد او وفادار پاتې شو، په ځانونو مغروره نه شو،دجهاد له اهدافو اومقدسې تګلارې سره بې پروایې ونکړو .
په ټولو چارو کې دالله تعالی رضا، دامیر اطاعت ،دجهادي لوائحو په پام کې نیول، د اسلامي نظام دحاکمیت او د خپل ولس دآرامۍ اوسوکالۍ لپاره کارکول دخپل جهاد نصب العین وګرځوو، ملت مو چې موږ اوتاسو یې هم برخه يو په دا څه باندې ديرشو کلنو کې خورا ځوريدلی ، کړيدلی او ځپل شوی ، پر موږ اوتاسو يي حق دی چې په هره برخه کې له انعطاف ، نرمۍ ، حوصلې او ښو اخلاقو نه ډک چلند ور سره وکړو ، ددغه ویاړلي ملت قربانۍ ، ايثار او سرښندنې دي چې موږ اوتاسو وکولای شول ، ددومره لوی مغرور قوت په وړاندې يوولس کاله موفقانه معرکه وغځوو او دښمن مو په هره برخه کې ناکام کړو.
موږ اوتاسو ټول باید نورهم ددې ملت په درد دردمن او په غم کې شریک اووسو، او په دې هم پوه سئ چې ددښمن دځپلو لپاره تاسو یواځي اویواځي لومړی د الله تعالی په نصرت اوبیا له خپل ولس سره په دوه اړخیزه همکارۍ مکمل بری ترلاسه کولی شئ.
داسلامي امارت مسًولین او منسوبین بایدخپلمنځي اتحاداومحبت نورهم ښه ټینګ کړي ،داختلافاتوڅخه ځانونه وساتئ ،جهادي چاري دخواخوږۍ اومشورې له مخي ترسره کوئ اوددښمن دځپلو لپاره ښه پلانونه طرحه اوعملي کړئ ،ولسي خلګوته اسانتیاوي برابري کړئ داشغالګرانواو اربکیانوله ظلم اووحشت څخه یې وساتئ، دملکي تلفاتو دمخنیوي لپاره له پوره دقت نه کار واخلئ، دښمن تل هڅه کړې او کوي يې چې دعامو خلکو دمرګ ژوبلې پړه دمجاهدینو پر غاړه ور واچوي .
ددښمن په داخل کي دنفوذ دساحې دپراخوالي اوښه تنظیم په موخه خپلي هڅي ګړندۍ کړئ ،او همدا تکتیک به په راتلونکي کي لا ډیره ښه نتیجه ولري،انشاءالله
دخپلومجاهدینو ښوونې او روزنې ته تر خپله وسه پاملرنه وکړئ ،دجهاداړوند ضروري مسائل ورته بیان کړئ ،دپوځي روزنې ترڅنګ یې اخلاقي ،تعلیمي اوفکري پوهې اوتربیې ته لازمه توجه وکړئ ، دیتیمانو،معیوبینواواسیرانولاس نیوی وکړئ اوپوه شئ چې له دیني مصلحت نه مخالف اوصرف جذباتي اعمال ډېرې خرابې نتیجې لرلای شي.
دګوډاګي رژیم په خوا کې له ولاړو افغانانو نه مو یوځل بیا غوښتنه ده،چې داسلامي اوملي منافعو دحفاظت او د هیواد دبشپړې خپلواکۍ لپاره له خپل مجاهد ولس سره دځینو با شهامته کسانو په څېر مخلصانه همکارۍ ته چمتو شي، ددولتي ملیشوپه مینځ کې جهادي فعالیتونه ددښمن په وړاندې ترټولو اغیزمنه حربه ده ،چې اوس به یې ان شآءالله دائره نوره هم پراخه،منظمه اوموثره شي ، زه له هر هغه میړني افغان نه چې دخارجي قواوو او افغاني ګوډاګیانوپه مینځ کې دجهاد کولو موقع پیداکولی شي غوښتنه کوم، چې له دې فرصت نه ښه اومؤثره ګټه پورته کړي ، داسلام او هیواد دښمنان په خپلومرکزونوکي دننه وټکوي او د هغوی دځپلو لپاره له ټولو ممکنو لارو چارو ، فرصتونو او تاکتیکونو څخه استفاده وکړئ؛ ځکه چي جهاد په ټولو فرض دی، دخپل هیواد آزادي او خپلواکي ترلاسه کول ددې ملت د هر وګړي ، ديني او وجداني ذمه واري ده ،دمجاهدینو مسئولین دې ددا ډول کارنامو ترسره کوونکي قهرمانان د لا ښه تقدیر لپاره داسلامي امارت مشرتابه ته ور معرفي کوي .
په عمومي توګه دهیواد دراتلونکي سیاسي برخلیک په اړه یوځل بیا وایم چې نه دقدرت دانحصار فکر، او نه دداخلي جنګ تصور لرو، بلکې یوازینۍ هڅه مو داده چې دهیواد راتلونکی سیاسي برخلیک دنړۍ دسترو هېوادونو او ګاونډیانو له مداخلې نه پرته خپله دافغانانو په لاس تعین شي، یوه سوچه اسلامي او افغاني بڼه ولري، دهیواد تر خپلواکي وروسته به دلوی الله په مرسته یو داسې شرعي اوملي نظام ولرو چې له هر رنګه تبعیض او تعصب نه پاکه واحده مرکزي واکمني رامنځته کړي، کار اهل کار ته وسپارل شي، دهېواد ځمکنۍ بشپړتیا وساتلی شي، امنیت تامین کړي ،شریعت نافذ کړي ، دهیواد دنارینه او ښځینه وګړو دحقوقو دخوندیتوب تضمین وکړي، په مجموع کې اقتصادي بنسټونه ورغوي، ټولنیز بنیادونه پیاوړي کړي، داسلامي اصولو او ملي ګټو په رڼا کې دټول ولس لپاره دزده کړې آسانتیاوې برابرې کړي، علمي، فرهنګي او کلتوري چارې په سمه توګه پر مخ بوزي، دخپل مېړني ولس په مرسته به دداخلي جګړې پلویان او دافغانستان دتجزیې فکرکونکي په هیڅ صورت دخپلوشومو موخو پلي کولو ته پرینږدو، افغان ولس ته باید داسې ساده فکر ونه شي چي له وروڼو قومونو سره خپلي عقیدوي،کلتوري،اجتماعي اوتاریخي مضبوطې اړیکي وشلوي، دتجزیې همدا ناولې نسخه شوروي اتحاد هم واړوله راواړوله خونتیجه یې معکوسه او پر دوی تطبیق شوه .
موږ به په نړۍ کې له هرهغه چاسره ښه روابط ولرو،چې افغانستان ته دیوه خپلواک اسلامي هیوادپه توګه احترام ولري اوتعلقات اومناسبات یې حاکمانه او استعماري بڼه ونلري، زما په نظر همدغه دهرخپلواک اومسلمان افغان غوښتنه او ارمان دی .
له بهرنیانو سره دمفاهمې په اړه باید ووایم چې : مونږ دخپلو اسلامي او ملي اهدافو او آرمانونو دلاسته راوړلو لپاره دنظامي مبارزي تر څنګ سیاسي مبارزې ته هم دوام ور کوو، او دسیاسي مبارزې لپاره دسیاسي دفتر په بڼه کې یو معین جهت لرو، هغوئ له بهرنیانو سره زمونږ د اسلامي، جهادي او ملي مصالحو په نظر کې نیولو سره عمل کوي .
باید په ډاګه ووایم چې موږ له نوموړي دفتر پرته په کومه بله لار له مقابل لورې سره دتفاهم جریان نلرو،ځکه چې موږ په دې اړه پټ سیاستونه نه کوو اونه یې زغملی شو،بلکې مفاهمتي پالیسي مو ددیني اوملي ارزښتونو په رڼاکې جوړه کړې اوبیا موڅرګنده اعلان کړې ده .
که دیرغلګرو هېوادونو استخبارات او دیپلوماتیکې کړۍ ځان ته دمذاکراتو مصنوعي جریان اوجعلي څیرې پیدا کوي اوبیا یې په رسنیوکي شاربي دابه دهغوی لپاره یوازي دوخت ضیاع ، دځان او خپلو او لسونوغولونه وي .
لکه څرنګه چې خپلواکي دهرچاحق دی مونږ له ټولې نړۍ، بین المللي ټولنې په خاص ډول له اسلامي هیوادونو او اسلامي کنفرانس نه هیله لرو چې زمونږ داسلامي هیواد په بشپړه خپلواکۍ او داشغال په اختتام کې دخپل مسئولیت له مخې له موږ سره مرسته وکړي .
همدارنګه دانساني خواخوږۍ پر اساس زمونږ دهغو بندیانو د آزادېدو په اړه خپل مسئولیت ادا کړي کوم چې همدا اوس په ګوانتانامو، بګرام، نورو زندانو، او دګاونډیو هېوادونو په زندانونو کې دمظلومیت شپې ورځې سبا کوي، په ځانګړي ډول دبشر دحقوقو ټولنې باید د هغو مظلومو بندیانو دبشري حقوقو په اړه دمسئولیت احساس وکړي، کوم چې هره ورځ په دغو زندانونو کې دټولو قوانینو پر خلاف خصوصا دتحقیق په جریان کې په ګڼو ډولونو شکنجه کېږي، دوهلو او ټکولو په زور اعترافات ترېنه اخیستل کېږي او له خپلو لومړنیو انساني ضروري حقوقو نه بې برخې دي، آن چې ځينې په شهادت هم رسېدلي او ګڼ نور معیوب شوي دي .
داسلام د دښمنانو لخوا دحضرت محمد مصطفی صلّی الله علیه وسلم دمبارک ذات دتوهین په نیت دخپاره شوي فلم په اړه دسختي غندنې ترڅنګ دومره وایم چې : داسلام دښمنانو داسلام دمقدس دین دتصویر دبدرنګه کولو لپاره نورې ټولې هلې ځلې وکړې، بالاخره یې دحضرت محمدمصطفی صلّی الله علیه وسلم په مبارک ذات پسي هم ګستاخانه حرکات پيل کړل اود اشرف الانبیاء صلّی الله علیه وسلم په شان کې یې هغه څه وکړل چې يوسالم وجدان به یې دیو عادي شخص په اړه هم ونه زغمي.
غرب درسول الله صلی الله علیه وسلم توهین اودالهي کتاب قران کریم سوځول په داسي حال کې دبیا ن اوفکر آزادي بولي چې که کوم مسلمان بیا دالله تعالی په کتاب قران کریم کې دجهاد آیاتونه وایي اوترجمه کوي یې، اویا هم دخپلو حقوقو او ازادۍ غو ښتنه کوي هغوی دترهګرو په نامه بندیخانو ته اچوي اوسخت ترین تعذیبونه ورکوي په هر حال ددوئ دباطلي فلمي دنیا دغه فرضي اوخیالي پروپاګند،تعصب،اودسختې تنګ نظري ښکارندویه اعمال به یوازې ددوئ درسوايي اوشرمندګۍ سبب ګرځي، ( يُريدونَ لِيُطفِئوا نورَاللهِ بِاَفواهِهِم واللهُ مُتِمُّ نورِه وَلوكَرِهَ الكافِرون (۸)الصف) مسلمانانو ته پکار دي چې تش دخولې په احتجاج اکتفا ونکړي، بلکې پرخپل مقدس دین کلکې منګولې ولګوي، نبوي سنت اوارشادات په عمل کې پلي کړي، پخپلوکې سره یوموټی شي اودخپل دښمن داستعمار په وړاندې په عملي مبارزه لاس پوري کړي: ( لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِّمَن كَانَ يَرْجُو اللَّهَ وَالْيَوْمَ الْآخِرَ وَذَكَرَ اللَّهَ كَثِيرًا (۲۱ )الاحزاب).
همدا اوس موږ افغانان نه په چاپسي ورغلي یو اونه مو دچا په خاوره تیری کړی،خو د هغو اشغالګرو په خلاف به چې زموږ په حریم یې تیری کړي ترهغو جهاد روان ساتو تر څو چې اشغال په کامله توګه نه وي ختم شوی، موږ یوو لس کاله وړاندې هم دښمن ته ويلي وو چې دلته به ددوي راتګ آسانه وي خو اوسيدل او بیرته وتل به يي له ګڼو ستونزو سره مل وي ، نن همداسې دي ، موږ له دښمن سره داوږدې مبارزې خورا ښه وړتيا ، په خپل رب کلک اعتماد،لویه حوصله اوکافي بشري ځواک لرو چې دا ټول شيان مو نه له چا پور کړي اونه دچا لخوا راباندې داحسان په ډول لورول شوي ، ان شاءالله موږ به په خپل ټول توان او تدبیر سره ددښمن پلانونه دخاورو سره خاورې کړو ،زموږ جهادي بهیر اوس داسي پړاوته رسیدلی چي دپراخ نړیوال اسلامي ملاتړ، ولسي خواخوږي اومناسبو وسایلو په ترلاسه کولو، اوس ددې جوګه یو چې په راتلونکي کې دښمن په فوځي ډګرکې له حیرانوونکي برخلیک سره مخ کړو ان شآءالله العزیز
له ټولوشتمنو،اهل خیروادارواو اشخاصو څخه هیله کوم چي داخترپه دې مبارکوشپو ورځو کې دخپلو او لادونو او کورنیو په شان دمجاهدینو او مسکینانو کورنۍ او په خاص ډول دشهیدانو او اسیرانو په اولادونواو کورنیو باندي شفقت وکړي ، په خپل لاس مستقیما او یا هم داسلامي امارت داقتصادي کمیسیون له لارې خپله مرسته او کومک ورته ورسوي او داختر په خو ښیو کې یې له ځان سره شریک کړي .
دافغانستان مومن اومجاهد ولس ته دالله جل جلا له له درباره سترې بدلې غواړم چې په ډیره میړانه اومحبت یې تر یوې لسیزې زیات دامریکا په مشرۍ دکفري ټلوالې په ضد له مجاهدینو سره کلکه همکاري وکړه اودهمدغې همکارۍ په نتیجه کې جهاد بریالیتوب ته ورسید،اوهغو کورنیوته چې خپل خپلوان یې دجهاد په دې مقدسه لاره کې اویا ددښمن په ړندو بمباریو اوچاپو کې شهیدان شوي،زخمیان شوي اویا اسیران شوي دي اوهم یې درانه مالي تاوانونه لیدلي دي دلوی رب له درباره دجمیل صبر،استقامت اوعظیم اجر غوښتونکی یم ، دلوی الله جل جلاله له درباره هيله کوم چې ددغو مبارکو شهیدانو دپاکو وينو په برکت زموږ ملت خپلو وروستيو ارمانونو ته ورسوي اوپه هیوادکې مو دې داسلام سرلوړی بيرغ رپاند وي .امین یارب العلمين .
والسلام داسلام خادم امیر المؤمنین ملا محمد عمر « مجاهد»
۷/۱۱/۱۴۳۳ هــق
۲۳/۱۰/۲۰۱۲ م
۲/۸/۱۳۹۱ ه ش
