طبیعي علوم او ریاضیات

نبوي لارښونې، مسواک وهل ،او نوی ساینس

Kamil
16.04.2011

اسلام اونوې ساینسي څيړني

داسلام مبارک دین وپاکۍ ته ځانګړې توجه کړېده، اودنه صفایی له کبله یوانسان په مختلفوناروغیواخته کیږي، چی دځینوناروغیوپایلې ډېرژورې اودانسان دمرګ سبب ګرځی، نوځکه داسلام سترلارښودحضرت محمدمصطفی صلی الله علیه وسلم فرمایلی دی:
الطهورشطرالایمان۔ (الحدیث)

پاکوالی دایمان یوه برخه ده۔

زه ترهرڅه نه وړاندی دخولې اوغاښونووپاکوالې ته راځم، مسواک وهل دخولې اوغاښونودصفایی لپاره یوه ډېره ښه لاره ده، اوبل داچی مسواک وهل سنت نبوی صلی الله علیه وسلم هم دی؛ اوس راځم ودې ته چی په نبوی لارښوونوکی دمسواک ارزښت څه دی؟

مسواک وهل په نبوی احاديثوکی:

حضرت عبدالله بن حدادڅخه روايت دی چی خاتم الانبياء صلی الله عليه وسلم وفرمايل:

مسواک وهل دفطرت څخه دی۔

چی ددېڅخه مطلب دادی چی مسواک وهل په فطرتی اموروکی داخل دی؛ په یو ه بل حدیث شریف کی راځی چی : مسواک وهل دانبیاء علیهم السلام سنت اوطریقه ده۔

حضرت ملیح بن عبدالله الخطمی دخپل پلارڅخه اوهغه دخپل نیکه څخه روایت کوی چی فخرالموجودات صلی الله علیه وسلم وفرمایل:

داپنځه شیان درسولانوسنت دی:

1: حیاء

2: صبراوحوصله

4: مسواک وهل

5: خوشبوئې اوعطرلګول

نوهغه څوک چی مسواک استعمالوی هغه دانبیاء علیهم السلام په دغه غټ سنت کی داخل شو، چی موږورته خوشبخته ویلای شو، اوهرهغه څوک چی ددې سنت سره غفلت کوی، اوتوجه نه ورته کوی نوهغه سړی یقیناوخپل ځانته نقصان ورساوه اولوی نعمت څخه ئې ځان بې برخې کړ۔

دمسواک بیان په ډېرواحادیثومبارکانوکی راغلی دی، اوبنی الامی صلی الله علیه وسلم ورباندی ټینګارهم کړیدی، دبېلګې په ډول سره؛ حضرت ابن عمررضی الله عنه څخه روایت دی چی شفیع المذنبین صلی الله علیه وسلم وفرمایل:

دمسواک وهل پرتاسوباندی لازمه ده، داځکه چی په دې سره ستاسوخوله صفاکیږی اودکایناتوپنځونکی درڅخه خوشحاله کیږی۔

احمدمجتبی صلی الله علیه وسلم هروخت مسواک واهه حتی چی دشپې هم په یوه حدیث مبارک کی راځی :

محمدالعربی صلی الله علیه وسلم دشپې پورته شو اومسواک ئې واهه۔ (زادالمعاد)

په بل حدیث پاک کی راځی :

دبشریت دسترلارښواحمدصلی الله علیه وسلم معمول داسی ووچی کله هغه دشپې خوب ته تلې نوهغه به مسواک واهه۔ (زادالمعاد معمولات نبوی)

حضرت محمدمصطفی صلی الله علیه وسلم وخلکوته دمسواک وهلوامرهم کاوه، یووخت یوډکه خلک ورته راغلل چی غاښونه ئې ژړوه، نونبی کریم صلی الله علیه وسلم ورته وفرمایل:ستاسوغاښونه ولی ژړدی؟ مسواک استعمال کی۔

دبشریت سترلارښودمحمدمصطفی صلی الله علیه وسلم وفرمایل:

مسواک استعمالوی، چی خوله صفاکوی اودادالله جل جلاله درضاء سبب ګرځی، اوکله خوحضرت جبرائیل علیه سلام پرماباندی دومره ټینګارکوی، چی زه بېرېږم چی مسواک وهل به پرمااوزماپرامت باندی فرض کړل شی۔ (ابن ماجه)

ام الومنین حضرت عایشه رضی الله تعالی عنها وایی:

موږدنبی کریم صلی الله علیه وسلم لپاره داوداسه اوبه اومسواکی اماده کاوه، اوکله به چی دخدای حکم وو، نودی به ولاړېدی، مسواک ئې واهه اودس ئې تازه کاوه اوبیائې لمونځ کاوه۔ (مسلم)

حضرت انس رضی الله عنه فرمایی: زه پرتاسوباندی دمسواک وهلوډېرټینګارکوم۔ (بخاری)

ام المومنین حضرت عادیشه رضی الله عنهافرمایی: مسواک خوله صفاکوی اوخدای جل جلاله راضی کوی۔ (نسایی)

فخرالموجودات صلی الله علیه وسلم به کله دخولې پرصفایی باندی ډېرټینګارکاوه اوفرمایل به ئې:

طهرواافواهکم۔

خپلې خولې صفااوستره کی۔

نبی کریم صلی الله علیه وسلم چی کله به په یوه سفریاوجهادته تلی نوله ده سره ضرورمسواک ورسره وو۔

دنبی کریم صلی الله علیه وسلم حدیث شریف دی:

لولاان اشق علی امتی لامرت هم بالسواک مع کل صلوة۔

احمدعربی صلی الله علیه وسلم وایی: که زه پردې نه بېرېدلای چی زماپرامت به دادرنه اوبوج شی نومابه دوی پردې امرکړې وی چی دهرلمانځه لپاره به مسواک وهی۔

پرنه مسواک باندی څه بیان۔۔۔

اوس معمول داسی جوړشوی دی چی زیات خلک دخپلوغاښونووپاکوالې ته توجه نکوی، اونه ودې سنت محمدې صلی الله علیه وسلم ته توجه کوی؛ په ډېرواسلامی ټولونوکی څوک خوپه دې خبرهم نه دی ایامسواک وهل سنت کاردی اوکه نه؟ اووبل لورته دځینوخلکوداګمان دی چی مسواک وهل

صرف دیوعالم، طالب اوکه په لنډوکی ووایم دمذهبې خلکوکاردی اوبس، اوحال داچی دادامت مسلمه دهروګړی لپاره یوه فریضه ده؛ امریکااوبرطانې غوندی ټولونوکی هم هغه مسلمانان چی نوی ئې اسلام قبول کړی دی په سلوکی 95 کسان مسواک وهی، خوبیاداسی بې پروامسلمانان هم شته دی چی دمسواک وهل وځانته شرم بولی۔ (العیاذ بالله)، دهادی برحق صلی الله علیه وسلم په هرلارښونه کی داسی ګټې نغښتې دی چی دانسان دفکراوپوهی څخه لوړې دی، اوکه څوک په پوه شی نودابه ټینګ هوډ وکړی چی دمجتبی صلی الله علیه وسلم دښکلی اوپاکې طرېقې اولارښونې څخه به دیوې زرې په اندازه ګوښه نشی۔

نبی کریم صلی الله علیه وسلم په ډېره سختۍ سره مسواک واهه، ام المومنین حضرت عایشه رضی الله عنها فرمایی: چی یووخت نبی کریم صلی الله علیه وسلم په دومره سختۍ سره مسواک واهه چی ورۍ ئې سرې شوې، ماورڅخه وپوښتل چی یارسول الله صلی الله علیه وسلمه ته ولی مسواک په دومره سختۍ سره وهی؟ ده راته وفرمایل: ملائيکه ډېریونازک مخلوق دی، دمعمولې بدبوئۍ څخه ددوی ښه نه راځی، له دې کبله زه دغاښودصفاکولوزیات کوښښ کوم۔

يوه نوی امريکايی مسلمان وخپلې ښځې ته طلاق ورکی

په امریکا کی یوه نوی مسلمان پر:

Dental Health In Islam

په اسلام کی دغاښونوساتنه، ترعنوان لاندی بیان کوی چی یونوی مسلمان امریکایی راغی اوماته ئې وویل چی، ماخپله ښځه له دی کبله طلاقه کړله چی دخولې څخه بدبوی راتله۔

(سنت نبوی اورجدیدساینسی تحقیقات ټوک 1، مخ 302)

غاښونه اوصحت:

دغاښونوپاکوالې دانسان په ژوندکی زیات ارزښت لری، مطلب داچی غاښونه په هضمې په جهازکی بې ساری رول لوبوی، غاښونه ددې لپاره دی چی لومړی بایدخواړه ښه په میده شی اوبیاومعدې ته ولاړشی، چی هلته ئې معده وکولای شی چی داخواړه په اسانۍ سره هضم کړی، اوکه دغاښونوپاکوالی ونشی نوغاښونه له مینځه ځی، چی دهضمې په جهازکی زیات مشکلات جوړوی، کلی بیاداسی کیږی چی دخولې صفایی نه کیږی نوپه غاښونوکی چی کوم دخوړوزرات دی هغه خوساشی چی خولې بدبوی ځی،اودهرچاورڅخه کرکه اونفرت کیږی؛ تردې پوری چی ددې سړی په لیدوڅوک خوښ نه وی اودډېروخوساکېده له کبله ورۍ وینی کیږی، چی دخوړودمیده کېدوپرمهال ورۍ وینې کیږی، چی داوینې دانسان ومعدې ته ځی چی عواقب ئې ډېربددی،اوبل داچی په غاښوکی خېرې اوخوساموادومعدې ته ځی اوداسړی دتل لپاره دمعدې په تکلیفونوبوخت وی، اودهضمې جهازئې له عادی حالته څخه وځی، دی دمعدې دردواوناوړونارغیوښکاربه وی۔

دغاښوپرجراثيموباندی ديوه امريکايی ډاکټرتجربه

دمشی ګن پوهنتون یوډاکټر(والټرلوزک) په دې هکله څېړنې کړیدې، دده دڅېړنوپایلی داسی دی چی دغاښونوجراثیم چی د (ایس میوټانز) په نامه سره یادیږی دغاښونوترمینځ واټن پیداکوی اوددوی ترمینځ خلاپیداکوی؛ په همدې ډول سره همداجراثیم دغاښونودله مینځه ولړولوسبب ګرځی۔

په 1969 میلادی کال کی (ډاکټرډویکس )اوددملګروپر 29 ماشومانوچی عمرونه ئې 13 وه تجرنه وکړل، چی دوی دماشومانودغاښونودخرابتیا جراثیم وموندل چی هغه د (میوټانز، سینګوئس) جراثیم وه؛ اوپاته دی نه چی هغه جراثیم چی غاښونه خرابوی هغه چی په هرنامه سره وی هغه به د(میوټانز) دکورنۍ څخه وی۔

(Islam and Medical Science, Vol. 2 pg. 99)
Research on Natural Tooth Brush
By: Dr. David

پرمسواک باندی دروغتياپال ډاکټرډېويډڅېړنه

ډاکټرډېویډپخپل کتاب (هلته چی ډاکټرنه وی، Where there is no Doctor ) کی لیکی:

تاسی مسواک استعمال کړی اوداتوصیه درته کوم چی دمسواک لپاره دااړینه ده چی ښه ئې له رېښوڅخه جوړکړی، اوداستعمال پرمهال ئې ښه وزبېښی ترڅوپه دې ترتیب سره مودغاښوبېخونه ښه پاک شی، خوله موصفاشی، دخولې خوندموښه شی، هضمیه موورسره درسته شی اوپه پایلی کی دخولې اودهرډول ناروغیوڅخه وژغورل اوپه امن کی سی۔

دامريکاپه شکاګوکی پرمسواک باندی څېړنه:

یومصری پروفیسرډاکټرسلیمان بن محمدعبدالله چی په مایکروبیولوجی کی ئې (پی ایچ ډي ) کړېده پرمسواک باندی دڅېړنوپه پایلوکی داسی وایی:

مسواک وهل دامام الانبیاء حضرت محمدمصطفی صلی الله علیه وسلم یوسنت دی، په دې کی ، فلورائيډ، کلوروفل اوسلفرپه ښه ډول سره پکښې شتون لری، چی په هرڅومره ښکلی اوارزښتناکه برس اودخولې په کریموکی نشته؛ مسواک چی بیادتازه ریښوڅخه جوړشی دابیانورعلی نوردی اودهرډول مصنوعی برس څخه غوره اوښه دی؛ په مسواک کی خپله درمل شته اووهیڅ ډول کریمواودرملوته اړتیانلری، مسواک هم برس دی اوهم درمل دی ، دمسواک طبعی خوندپه هیڅ ډول برس کی نشته موږپرهرډول مسواک باندی ډېرې څېړنی کړیدی۔

دمسواک په هکله تر70 زیات احادیث راغلی دی، اودخولې پرپاکوالې ئې ډېرټینګارکړیدی، چی مسواک وهل ئې یوه طبعی اقتصادی اواسانه طریقه ده، هرڅوک که غریب دی، که امیردی، که په غره کی اوسیږی، که پرښاراویاهم دښته اوصحراکی اوسیږی مسواک هم استعمالولای شی اوهم ئې په ډېره اسانۍ سره پیداکولای شی داځکه چی چیری چی انسانان وی هلته بوټی اوونې هم وی اوبل لورته د نړۍ 80 سلنه خلک ښه برس اوکریم ته لاس رسی نلری ؛ که روپۍ ولری نوبرس هلته نشته اوکه برس هلته وی بیاهلته روپۍ نشته اومسواک هرڅوک هرځای په ډېره اسانۍ سره ولاسته راوړلای شی۔

پرمسواک باندی دډاکټرکارش څرګندونې:

په 1856 میلادی کال کی ډاکټرکارش پرمسواک باندی دخپلوتجربوپه پایلوکی وویل:

په مسواک کی یوه ډېره ارزښتناکه ترخه ماده شته چی د (مارګوسائین) په نامه سره یادیږی اودغاښونودښې ودې اوښې ساتنې لپاره یوښه درمل دی۔

پرمسواک باندی دډاکټربرافشن څېړنه:

په 1873 میلادی کال کی ډاکټربرافشن پرمسواک باندی خپلې څېړنې پیل کړی اوپه پایلوکی ئې دروغتیالپاره ډېراغیزمن وګاڼه اوزیاته ئې کړه چی په مسواک کی یوه ترخه ماده شته چی پخپل ځان کی سریښ هم لری اودادغاښونولپاره ډېرګټوردی۔

دپاکستان نامتوساينس پوه پروفيسر ډاکټرسليم الزمان خان وايی:

په مسواک کی یوه ترخه ماده شته چی داماده دجراثیمودوژولولپاره غوره درمل دی، چی دخولې دخارښت، دچاودلواونوروډېروناروغیولپاره کیمیاده۔

پروفيسرکلارک پرمسواک باندی پخپلوڅېړنيزومقالوکی ليکی:

که څوک غواړی چی په خولی کی ئې کوم بدلون رانشی، دخولې غُدې ئې کارپرې نږدی، خوله ئې په ښه ډول سره خپله دنده وسرته ورسوی نومسواک دی استعمال کړی ، داځکه چی دادخولې مصنوعی جوړشوی کریم په غُدوکی انقلاب راولی، پرغُدواوددو ی پرفعالیت باندی ژورې اغیزې کوې اودخوند(ذایقې) عصبی مزی هم کمزوری کوی۔

Medical Science on Focus

Mouth Wash: Natural Drug, section.2, pg. 33,34

دمسواک کيمياوی مواد

دابوظهبۍ په یوه څېړنیز مرکز(Research Center) کی پرمسواک باندی داسی څیړنې شوې دی:

په مسواک کی په زیاته اندازه سره کلورائيډ شتون لری، چی داکیمیاوی مرکبات دغاښونواووریودښې ساتنې لپاره ډېرښه دی، اوددې څخه علاوه په مسواک کی ترای میتلامین، سلیکان، تېزاب، ویټامن سی، ټینون، سیپونن(دصابون اجزاء)، فلیونائيډ، ګلایکوسائیډز اواستیرائیډزهم شتون لری چی په مجموع کی داټول دغاښونولپاره کیمیا ده۔

په تېرووختونوکی به حاکمانواوطبیبانودمسواک پاڼې اوټوټې په اوبوکی ایشولې اودابه ددې ناروغیودرملنه په کول:

دنس درد، دسردرد، ښځینه ناروغی، دماریالړم دوهل کیدوپرمهال استعمالول، دنس دچنجیانولپاره، زخمونو، جذام، سوزک اونوروډېرولپاره ئې یواځنی درمل وو۔

په دې څېړنیز مرکزکی دافهرست هم خپورشو:

په مسواک کی پرپورتنیوموادوسربیر داموادهم شته:

کلورین، سودیم، کلسیوم، مګنیزیم، منګنیز، اوسپنه، جست، مس، کرومیم، ایلومنیم، کیډمیم، سرپ، نکل، سترونیم اوباریم۔

په مسواک کی 19 قسمه طبعی اوقدرتی مواد شته

ډاکټرمسعودوایی چی په مسواک کی 19 قسمه طبعی اوقدرتی موادشته دی، چی ټول دخولې دساتنې دغاښونودښه حفاظت اوهضم لپاره ډېرګټوردی، دې زیاتوی:

مسواک خوله ډېره پاکوی۔

تنفس خوشبویه اومعطرکوی۔

غاښونه ټینګوی۔

وري، ښه ساتی ترڅوغاښونه ونه لویږی۔

دخولې غُدې ډېرې فعاله ساتی۔

په مسواک کی (ټینګ اسید) او(سودیم کابونیټ) شته، اودټینګ اسیدداځانګړتیاده چی وری ټینګې ساتی، اوکه بالفرض ورۍ کمزورې شی نوبیاطبعی ده چی غاښونه لومړی ښوری اوبیالویږی ، اوټینګ اسیدغاښونه دلوېدوڅخه ساتی؛ اوداموادپه ډېروارزښتناکودخولې په بمبو(Tooth Paste) اوبرس (Moth Wash) کی نه لیدل کیږی، چی مسواک ددې موادوپه درلودولوسره وهیڅ ډول درمل ته اړتیانلری، نوځکه مسواک ترهرډول برس اوبمبې څخه غوره دی۔

پروفيسرډاکټرجيمزميکومبروايی:

په مسواک کی هغه ټولې ښې ګڼې شته چی په هيڅ برس اودخولې په درمل کی نشته، دمسواک يوه لويه ګټه داده چی داسی موادلری چی دخولې، غاښونواووريوهرډول جراثيم وژنی اوحال داچی داځانګړتياپه هيڅ ډول برس اوبمبې کی نشته۔

(سُنت نبوی صلی الله علیه وسلم اورجدیدساینس، ج۔1، پاڼه، 234)

نوچی مسواک یولورته سُنت داسلام دسترلارښودحضرت محمدصلی الله علیه وسلم دی اوبل لورته دنوی ساینس په رڼاکی دومرې ګټې پکښې نغښتې دی نوهرمسلمان بایدله ځانه سره داهوډوکړی چی دمسواک استعمال دځان لپاره اړین وبولی؛ یوبه ثواب شی اوبل به روغتیااوساتنه شی؛ دسترلارښودصلی الله علیه وسلم هروینا اوعمل دهرانسان لپاره هم ددې دنیااوهم داخرت لپاره بې مثله ضابطه ده؛ دقرانکریم اونبوی احادیثوپه هرلارښونه کې هیڅ شک اوترددنشته، خودیوه سُنت دښه روښانه کولوپه موخه موږډېرکوښښ کووچی دپوهانو، پروفیسرانو، ډاکټرانواوساینس پوهانونظرونه، څېړنې، لیکنې اومقالې هم ورسره جوخت خپاره کړو۔

په اسلامی پاکه مينه

ستاسوورورعبدالغفارجُبير
الأمارة اسلام ويب پاڼه
http://shahamat.info/islam/