نړيوال ښکيلاک او د لرو بر افغان دازادۍ غورځنګ

د اشغالګرو دروغ او دمظلوم افغان ملت وژنه .

pattang
12.12.2010

د اشغالګرو دروغ او دمظلوم افغان ملت وژنه.

ګردېز: د مظاهره چيانو او پوليسو ترمنځ جنګ روان دئ

خپروونکی : لراوبرډاټ کام (کابل)
ليک : سلېمان يوسفي
نېټه : ٢٠ / ٩ / ١٣٨٩ | 2010-12-11

د پکتيا ولايت په مرکز ګردېز ښار کي د مظاهره چيانو او پوليسو ترمنځ جګړه روانه ده، چي مرګ ژوبله يې هم اړولې ده.
د ګردېز له ښار څخه د ازادۍ راډيو خبريال لمر نيازي راپور ورکړ، چي مظاهره چيانو د دکانونو ښيښې ماتي کړي دي، بازارونو بند او د ښار په مختلفو سيمو کي د اور لوګي پورته کېږي او ډزي هم رواني دي.
د مظاهرې علت په پکتيا ولايت کي تيره شپه د بهرنيو ځواکونو په هوايي حمله کي د ١١ تنو مړينه بلل سوې، چي بهرنيان يې د حقاني شبکې طالب وسله وال بولي، خو مظاهره چيان وايي هغوى د سړک جوړوني د يوې شخصي کمپنۍ ساتونکي وو.
د آزادۍ راډيو د راپور له مخي مظاهره چيان په سپکو وسلو سمبال دي او له پوليسو سره متقابلي ډزي کوي، چي تر اوسه يو تن پکښي ټپي سوئ دئ.
راپور وايي د ګردېز ښار ټول تړلى دئ، د خوست او پکتيا لاره بنده ده، او مظاهره چيان د ښار له لوېديځي برخي څخه نورو ته د خپرېدو په حال کي دي.
د ګردېز د نننۍ پېښي په هکله لا د دې ولايت چارواکو او د کورنيو چارو وزارت مقاماتو تر اوسه څه نه دي ويليي