وطن پال او نور ګټور شعرونه

feroz afridi
09.01.2009

په صفت د څوک مکين د پاس اسمان کړو
څوک په نفس د را بهر د خلد مکان کړو

چې انا او ضد دې مل زما افغان کړو
خدايه پاکه ژوند دې ډير راته اوس ګران کړو

دا زما د خپله لاسه په ما کيږي
چي زما غلام د نن زما سلطان کړو

دا د خپلو خطاګانو سزا مو مي
پښتنو چې خپل وطن د جنګ ميدان کړو

نور د صبرد زغملو توان مو نيشته
ډير دې اوږد دا د صبر امتحان کړو

پاکه خدايه ستا په لوئي کرم به کيږي
په دا خپل تدبير کښي پاتې د انسان کړو

لويه خدايه بس د امن دعا غواړم
د فيروز دې که پوره دغه ارمان کړو
[size24][/size][color=red:e065199313][/color:e065199313]

feroz afridi
09.01.2009

ړوند سحر
زما وطن به کله هم چرې سوکاله نه شی
زما غریب بچے به هیڅ کله خوشحاله نه شی

په خپل وطن کښې سر ټیټی چه د مغلو کوی
پښتون به کله هم خبر د خپل کماله نه شی

ما نه بدل زما غلام د تیر وختونو اخلی
زما د پلار نیکه سيالي به نوره سياله نه شي

زه چې څه وائيمه مرئ مې په خنجر غوڅوي
جانانه غږ به مې تر تا پورې رساله نه شي

لاسونه پورته ځان له خير د نن اقا نه غواړو
تشه جولائ به ويړاوو چې بې له سواله نه شي
[size=18:9b4905f691][/size:9b4905f691]