د موضوعګانو سرپاڼه

وطن پال او نور ګټور شعرونه

توره تياره

حمزة
19.07.2007

حيراني ده بلو شوو سرولمبو ته
بي ګناه انسانان لويږي زندانو ته
نه مجرم او نه جرمونه معلوميږي
ټيل وهل دي دزندان تورو تمبو ته
په شخصي اغراضو خلك نيول كيږي
ننوځي نا محرم پردو كورو ته
چي يي كړي بدي چاري نن پرون دي
نه ګير شوي نه لويدلي زولنو ته
په غلطو تورو يو بل تورنيږي
نه دپاي چا كيښود دي تورو ته
چي رښتيا درواغ تر پايه معلوم نه شول
يم حيران دا بي اساسه راپوروته
كه دننګ ناموس خبري ته پام نه شي
تاريخي پيغور به جوړشي ښو شملو ته
چي د حق او حقيقت سپينه رڼا شي
منتظر دي طلايي هغو شيبو ته


OK
This site uses cookies. By continuing to browse the site, you are agreeing to our use of cookies. Find out more