اسلام، اسلامي شرعه او د اسلام تاریخ

د ابراهيمي ملت حقيقت قراباني ده

ع کريم حليمي
28.12.2006

د ابراهيمي ملت حقيقت قراباني ده :
دقرآن مجيد او تورات د دواړو څخه داخبره ثابته ده چه د ابراهيمي 
ملت اصلي اساس قرباني ده ، او همدا قرباني د حضرت ابراهيم عليه السلام د
 پېغمبرانه او روحاني ژوند اصلي خصوصيت ؤ ٠

قرباني اصلا يو فطري او طبعي خصوصيت دی ، چه انساني ټولني په ښايښته 
او سازي دي ، او همدا قرباني ده چه انسان يي په مخلوقاتو کښي د کرامت 
مقام ته رسولی دی ، دا قرباني داتشه د وينو او غوښو قراباني نه ده ! بلکه د 
زړه اوروح قراني ده دا د خدای په لاره کښي د ماسوی الله او د غير سره د ميني  
قرباني ده او د خپل خدای حضور ته د خپلي ډېري ګراني او خوږې متاع 
(مادي او معنوي )د نذر په ډول وړاندي کول دي ٠ 

نن ورځ په ټوله اسلامي نړۍ کښي خلګ راولاړيږي او د ابراهيم عليه السلام  پر 
قدمونو رمزي ګامونه اخلي ځمکه په وينو رنګوي او د ذبحه سوي غوښي پر 
دوستانو او غريبانو وېشي ، لنډه يي دا چه دايوه تشه د غوښو قراباني ده يعني 
يو سيمبوليک عمل دی ، او ياپه حج کښي ځان حلالول (د سر ورېښته خريل ) 
 او بس ! 

 رمزي او سمبوليک قرباني يوه ډېره ساده او اسانه قرباني ده ! دا يوه روشانه 
او مالومه خبره ده چه د الله په دربار کښي مادي قرباني يوه ټيټه قرباني ده ، 
اما کله چه يوه معنوي قرباني ترسره کيږي ، چه د خدای په حضور کښي د خپلو
 ټولو جذباتو او خواهشونو او هيلو او ارزوګانو قرباني کيږي نو دا بيا يوه بې 
مثاله منظره وي ، ولي چه د خدای د حکم په مقابل کښي د خپلي هر قسم ارادې 
او مرضی معدوم او سلب کول دي ، د هغي ظاهري قرانۍ د دغي باطني قربانۍ 
د نقش ظاهري عکس او حقيقت دی 

نو کله چه انسان تر خپلو هيلو او ارزوګانو تېريږي نو بيا د دې راز امتحان او 
ابتلاڅخه په پوره ډول د وتلو په اثر دئ او د ده اولاد د هر راز نعمتونو او 
برکتونو خاوندان کيږي لکه حضرت ابراهيم خليل الله 

بسمه تعالی : وَ إِذِ ابْتَلى إِبْرَهِيمَ رَبُّهُ بِكلِمَتٍ فَأَتَمَّهُنَّ قَالَ إِنى جَاعِلُك لِلنَّاسِ إِمَاماً
ژاړه:او هر کله چه ابراهيم پروردګار په څوخبرو کښي هغه امتحان کړ او بيا هغه 
دغه خبري پوره کړې نو خدای هغه ته وويل چه زه تا د خلکو پېشوا کوونکی يم 

نو که موږ افغانان پر ظاهري قربانۍ سربيره و باطني قربانيو ته هم تيار سو او 
تر خپلو شخصي ګټو تير سو او هم ذحي وکړو  او د اسلامي او ملي ګټو لپاره 
قرباني ورکړو نو به انشاالله چه  د دښمنانو پر دروازو به قابض سو او راتلونکی 
نسل به په مينه او شفقت شپې سبا کړي ، او که چيري موږ يوازي په ظاهري 
قرانيو اخته اوسو نو يوازي به موږ ځمکي په وينو رنګ کړي وي  او بس 

لَن يَنَالَ اللَّهَ لحُُومُهَا وَ لا دِمَاؤُهَا وَ لَكِن يَنَالُهُ التَّقْوَى مِنكُمْ
هرګز نه رسيږي غوښي او ويني د دې ، چه رسيږي هغه ستاسو تقوا او 
پرهيزګاري ستاسو رسيږي !