وطن پال او نور ګټور شعرونه

islam dost
23.06.2006

تابوتونه او بيرغونه

كېږده دا هر يو په تابوتونو كې

------------------------- تاوي يې كړه په خپلو، بيرغونو كې

تاچې راستولي ؤ، مرګي ته زمونږ

------------------------- وړه يې اوس په سترو، جهازونو كې

دغه زمونږ هيواد، همدا دستور لري

------------------------- ډېر پردي ورك شوي، پدي غرونو كې

دلته له فولادو هم ، اوبه څاڅي

------------------------- ډېر پردي خوړين شوي، په ټانګونو كې

دلته هر يرغل، بېرته په شا درومي

------------------------- ډېر وحشيان مات شوي يرغلونو كې

ګران افغانستان دى، عجيبه معما!

------------------------- هر دښمن يي خواردى، تاريخونو كې

دوه مو پرې ايستلي، يوه پيړۍ كې دي

------------------------- داځل هم مات ښكاري، اټكلونو كې

پورته كړه هلاك سپايان دې وېسه خپل

------------------------- ګني خښوو يې ډېرانونو كې

ته يې ټولوه بيا يي ور وړه هلته

------------------------- زه ستا ملت وينم په ويرونو كې

ګورو به، تر پايه زمانې لاشته

------------------------- لا خو يو اخته په تهدابونو كې

وخت په درته داسې سبق وښايي

------------------------- پاتې به وې تل په ملتونو كې

------------ ته چې ديوانه له سره تېر يې تل------------

------------ وي به يرغلګر پراته غمونو كې------------