اسلام، اسلامي شرعه او د اسلام تاریخ

دیهودولنډتاریخ،آیا یهود په فلسطین کی تاریخي یا دیني حق لري، د فلسطنیانو او دروسېې دعلاقی په هکله

و.افغان
29.04.2006

دیهودولنډتاریخ،آیا یهود په فلسطین کی تاریخي یا دیني حق لري، د فلسطنیانو او دروسېې دعلاقی په هکله
کوشانه وروره :
بسم الله ، الحمد لله والصلاة و السلام علی خیر خلق الله و علی آله و صحبه و من والاه.
ستاسی خبرو څو ابعاد دی، او هر یو بعد یې ځانته لويه څیړنه غواړي، او څنګه چی زما وخت ډیر تنګ دی، نو لدی خاطره زه د اختصار په توګی سره دا خبری لیکم چی ان شاء الله ستاسی د ټولو خبرو جواب به په کې وي،
نو وايم :
موسی علیه السلام او عیسی علیه السلام د الله جل جلاله خوا رالیږلی شوي پیغمبران دي، او مونږ مسلمانان په دی ایمان لرو چی هغوی د الله رسولان دي، بلکه د هغو پنځو بهترو پیغمبران څخه دي، چی الله جل جلاله ورته اولوا العزم پیغمبران ویلي دي، الله جل جلاله فرماېې(شرع لکم من الدین ما وصی به نوحا و الذي اوحینا الیک وما وصینا به ابراهیم وموسی و عیسی ان اقیموا الدین و لا تختلفوا فیه) او همدارنګه مونږ مسلمانان په دی هم ایمان لرو چی الله جل جلاله هغوي ته کتابونه ورکړي وو، او مونږ ایمان لرو چی ددغه اسمانی او د الله له لوری د غو پیغمبرانو ته ورکړ شوي وو، الله جل جلاله په یوه ایت له دغه اسماني کتابونه څخه دری ذکر کړي، الله جل جلاله د هغه مؤمن باره کی فرماېې چی هغه خپل مال او ځان د الله په لار کی قرباني ، چی الله به هغوي ته جنت ورکوي، او وایې: چی دغه زیرۍ الله په توراة او انجیل او قرآن کې الله له دغه مؤمنانو سره کړۍ: (وعدا علیه حقا في التوراة والانجیل و القرآن)، او بل آیت کی الله جل جلاله فرمایې( وآتینا داود زبورا)، مؤمنان او مسلمانان د پیغمبرانو منځ کی فرق نه کوي، او په ټولو ایمان لري، الله فرمایې: (لا نفرق بین احد من رسله)، اوس مطلبي خبری له راځو، هغه دا چی یهودو او یا بنی اسرائیلو باندې الله ډیره مهربانی کړی وه، یهود اصل کی د یعقوب علیه السلام ځامن دي، او هغه د اسحاق علیه السلام ځوي دی، او اسحاق د ابراهیم علیه السلام ځوي دی، د ابراهیم علیه السلام بل ځوي اسماعیل علیه السلام وو، چی له هغه څخه د عربو نسل دۍ، او زمونږ پیغمبر محمد صلی الله علیه وسلم د هغه له نسل څخه دی،او دغه اسماعیل په اوسني توراة کی هم ذکر دۍ، وګورۍ سفر التکوین۱۷/۲۵
نو یهود او دغه عرب په غټه کی د تره ځامن دي، الله جل جلاله ابراهیم علیه السلام سره دا وعده کړی وه چی نور ټول پیغمبران به ستا په اولاده کی وي، الله فرمایې: (و جعلنا فی ذریته النبوة والکتاب)، څرنګه چی د یهودو نسل ټول د یعقوب علیه السلام دی او دهغه نوم اسرائیل وو، نو دوي ته ځکه بنی اسرائیل وایې، د یعقوب علیه السلام دولس ځامن وو، او په دوي کی یوسف اوبنیامین او یهودا هم وو، چی بیا وروسته له دوي څخه دولس غټی قبیلی جوړی شوی، کله چی د یوسف علیه السلام واقعه پیښه شوه، هغه قیصه اوږده ده، دا یې ځاي نه دۍ ، بیا په کی یوسف د مصريانو په حکومت غټه چوکۍ واخیستله او خپل دولس ورونه او مور او پلار یې له بانډو څخه را وغوښتل،الله جل جلاله فرمایې(وجاء بکم من البدو)
دا رنګه ددوي دا دور تیر شول، څرنګ چی حکومت د فرعونیانو نو وه، نو هغوي دوي خپل بندګان ګرځولي وو، اخر قصه دا شوه چی د هغوي ځامن به یې وژل، او لورګانې به د ځان مزدورې کولې، اخر چی الله په دوي موسی علیه السلام پیغمبر کړ، او دوي دغه وخت کی دولس قبیلی وي، د موسی قیصه اوږده ده، مهمه داده چی الله هغوي د فرعون څخه بچ کړل او له بحرقلزم څخه واوښتل،
الله جل جلاله په یهودو ډیر احسانات کړي وو، الله جل جلاله بار بار په قران کی یهودو ته خطاب کی فرمایې( وآتاکم ما لم یؤت احدا من العلمین)یعنی دریې کړ تاسی ته هغه څه نور یو مخلوق ته هم نه دی ورکړي.
لیکن دی مقابل کی د یهودو غبرګون څه وو، یهود چی اول څنګه د بحر څخه واوښتل ، نو یو قوم یې ولید چی د بوتانو عبادت یې کاوه ، نو دوي موسی علیه السلام وویل: چی زمونږ لپاره هم دغسی خدایان وګرځوه لکه ددوي په شان، الله فرمایې: (قالوا یموسی اجعل لنا الها کما لهم الهة)، تر دی وروسته یې د خوسې عبادت شروع کړ، او ښه پوهیدل ځکه ورته الله المغضوب علیهم ویلي دي، نو کله چی هارون علیه السلام هغوي منع کړل، نو هغوی د قتل تهدید ورکړ، الله فرمایې(ثم اتخذوا العجل من بعده ) او الله فرمایې( قال بن ام ان القوم استضعفوني و کادوا یقتلوننی) یعنی نزدی وو چی زه یې مړ کړۍ واي ، نو ما ملامتوه، نو الله جل جلاله دوي معاف کړ،او امر یې ورته وکړ چی توبه ستاسی داده چی ځانونه ووژنۍ، تر دی وروسته ددوي د دولسو قبیلو ۷۰ مشرانو له موسی علیه السلام څخه وغوښتل چی دوي ته د هغه رب وښایې، نو الله پری سخت اواز سره هغوي هلاک کړ،او بیا په خپل نعمت سره او د موسی علیه السلام په زارۍ هغوي ژوندي کړل، الله فرمایې(واذ قلتم یموسی لن نؤمن لک حتی نری الله جهرة فاخذتکم الصاعقة وانتم تنظرون)، تردی وروسته یې په زنا ګانو شروع وکړه، او د نورو کافرو فوځونو په مقابله کی یې په دی سبب ماتې خوړي، او الله ددوي له بعضو څخه خنزیران او بیزوګان جوړ کړ، الله فرمایې(وجعل منهم القردة والخنازیر) همدانګه د موسی علیه السلام په وخت دوي ته سره کړی مرغان من اوسلوی را لیږل په هغه یې کبر وکړ، دا هغه وخت چی دوي په سینا کی اوله فرعون څخه وتښتیدل، همدرانګه الله جل جلاله هغوي د موسی علیه السلام په وخت امر وکړ چی د فلسطین ځمکی ته داخل شي، چی پاکه ځمکه ده، او دغه وخت هلته عرب او فینیقیان او عمالقه اوسیدل چی شدید قوم وو، نو دوي موسی علیه السلام ته وویل: چی هلته ډیر جبّار قوم دی، او مونږ تر هغی نه ورداخلیږو تر څو چی هغوي ترینه ووځی، نو ته او ستا رب لاړ شۍ او جنګ وکړۍ، مونږ دلته ناست یو، الله فرمایې: (قالوا یموسی ان فیها قوما جبارین وانا لن ندخلها حتی یخرجوا منها فان یخرجوا منها فانا داخلون......فاذهب انت وربک فقاتلا انا ههنا قاعدون) نوالله ددی د فلسطین له ځمکی څلويښت کاله محروم کړ، کله چی موسی علیه السلام وفات شو، الله دوي ته په زرګونو پیغمبران راولیږل، ددوي غبرګون څه وو، ددوي علماوو په توراة کی د تحریف وکړ او د خپل شهوت او رشوت لپاره یې تغییرات په کی راوستل، او کله چی به د خان بچی څه وکړ نومعاف به کړ، او له هغه له خاطره به یې توراة محرف کړ، الله جل جلاله د تحریف باره کی فرمایې( یحرفون الکلم من بعد مواضعه)یعنی بدلوي کلمی د الله تعالی وروستو د ځایونو د هغي نه، او پیغمبرانو چی به هغوي ته نصیحت وکړ، نو دوه کاره بی یې ورسره کول، کافر کیدل به پری او وژل به یې، الله جل جلاله فرمایې: (ففریقا کذبتم و فریقا تقتلون)،یعنی یوه ډله به مو وژله او بلی ته به مو دروغجن ویل، ) الله جل جلاله ته یې په محرف توراة کی بد بد نسبتونه کړي ، همدارنګه پیغمبرانو ته هم، نو له یوه توراة څخه څو توراته جوړ شول، او اوس له دوي سره معتمد دری توراته دي، عبري توراة ، یوناني توراة ، سامري توراة، او دغه دری واړه توراتونه له یوه بل سره ډیر زیات فرق لري ، دا یې د بیانولو ځاي نه دی، او څرنګه چی زمونږ د پیغمبر باره کی بشارت راغلی وو، او دوي فکر کاوه چی له دوي څخه به وي او دوي په توراة د محمد صلی الله علیه وسلم د حکومت ځای هم ذکر وو، نو لدی خاطره یهود مدیني ته راغلی وو، او کله کله یې چی به له مشرکانو د مدینی سره جنګ شو، نو هغوي ته به یې وویل: چی یو داسی نبی زمونږ راروان دۍ، او وخت یې نزدی دۍ او مونږ له هغه سره یو ځاي په تاسی غالبه کیږو، کله چی نبی کریم مبعوث شو، نو دوی ولید چه دغه نبی خو دوي کی مبعوث نشو نو ځمونږ په نبی کریم کافر شول، او دغه زیرۍ یې له توراة څخه لری کړ، او په دغه زیری د توراة د یهودو هغه علماوو اعتراف وکړ کوم چی مسلمانان شول، لکه د عبدالله بن سلام په شان لکه څرنګ چی بخاري شریف کی ثابت دي.
د مثال په طور سره دوي الله ته په محرف توراة کی لاندنی نسبتونه کړي:
1. دا یې ویلې، چی الله استراحت کوي، یعنی ستړۍ کیږي، وګورۍ عربي توراة(سفرالتکوین ۲/۲)
2. د الله علم محدود دی، او په هر څه نه پوهیږي، وګورۍ: سفر التکوین ۳/۸.
3. الله جل جلاله پښیمانه کیږی، وګورۍ سفر الخروج ۳۲/۱۴.
4. الله جل جلاله ژاړي، او اوښکي تویوي، وګورۍ: سفر ارمیا ۱۳/۱۷.

او دمثال په ډول ځینی بد نسبتونه چی یهودو په محرف توراة کی ځینو پیغمبرانو ته کړي.
1. نوح علیه السلام: دده باره کی دوي وایې، چی شراب یې څښلي وو، او ځان یې بربنډ کړۍ وو، او دوه ځامنو له لاسونو ونیو او له ځانه خبر نه وو. وګورۍ سفر التکوین ۹/۲۰.
2. لوط علیه السلام : باره کی دوي ویلې چی دوه لورګانو ورته شراب ورکړ او بیا یې کښیناوه او له دواړو لورګانو سره یې زنا وکړه، وګورۍ: سفر التکوین ۱۹/۳۰-۳۸.
3. یعقوب علیه السلام : باره کی دوی وایې: چی ده د برکت او پیغمبرۍ اخیستلو لپاره له اسحاق علیه السلام سره چل ول وکړ، وګورۍ سفر التکوین ۲۷/۱۸-۱۹.
4. د هارون علیه السلام باره کی دوي وایې، چی هغه بنی اسرائیلو ته خوسۍ جوړ کړ ، او بیا د خوسې عبادت ته هغوی دعوت کړ، وګورۍ: سفر الخروج ۳۲/۱.
5. د داود علیه السلام باره کی دوي وایې چی هغه له خپل یو عسکر یا فوځی د ښځی سره زنا وکړه، او بیا هغه ښځه حامله شوه، نو داود د هغی میړه په دی طریقه له مینځه ویوړ، چی د جنګ میدان اول صف ته یې مخکی کړ، او مړ شو، بیا د هغه ښځه په نکاح کړه، او اول مولود یې مړ شو، او دوهم مولود سلیمان علیه السلام شو، وګورۍ: سفر صموئیل الثاني: ۱۱/۱-۲۶.
6. د سلیمان علیه السلام باره کی دوي وایې چی هغه له مشرکو ښځو سره نکاح وکړه، او بیا یې له هغوي سره د بتانو عبادت وکړ، او دهغوي د بتانو لپاره یې بتخانې جوړی کړی. وګورۍ: سفر الملوک ۱۱/۱-۹.
7. د عیسی علیه السلام باره کی دوي وویل : چی دۍ د زنا بچۍ دی، او پر دی یې هم اکتفا ونه کړه، بلکه مړ یې کړ، او په دی یې اکتفا ونه کړه او د عیسی ملګرو پسی یې شروع وکړه چی مړه یې کړي، او هغوي به یو ځاي او بل ځاي پټیدل ، او په دی يې هم اکتفا ونکړه بلکه د بولس شاؤول په نوم یو یهودی له ځانه نصرانی جوړ کړ، او ځان یې د هغوي کاهن یا ملا کړ، او د هغوي عقیده یې له یوه خدایه تثلیث ته کړه، یعنی د یوه خداي څخه هغوي درې خدایان جوړ کړ، او د شرک دغه عقیده یې په نصرانیانو کی یهودو ورنباسله،
پاتی دی نه وي چي عیسی علیه السلام د موسی علیه السلام د شرعی امتداد وو، او انجیل د توراة نسخه کوونکۍ نه وو، بلکه نور اضافه وضاحتونه او احکام انجیل کی راغله، سره له دی یهود په هغه کافر شول، نو دالله د بندګۍ څخه ووتل او له بنی اسرائیلو څخه کومو چی ایمان راوړ هغوي انصار وبلل شول، پاتی دی نه وي چی یهودو خپل دین عنصری او قومی کړ، او نور یې خپل دین ته نه دعوتول،ځکه چی دهغوي په عقیده ددوي د الله بچې دي او بهترین خلک دي، او دانور خلک ټول د خرو مثال لري، او الله ددوي خدمت ته پيدا کړي، او نورو ته به دوي اممیین یا جوییم ویل، الله فرمایې : ( و قالت الیهود والنصاری نحن ابناء الله واحباؤه،)
دغه ټولی وجهی وې چی الله جل جلاله په دوي غضب شو، او په هر وخت کی یې په دوي ظالمان او نور خلک مسلط کړي، او عذاب کړي یې دي ، الله فرمایې(ذلک بانهم کانوا یکفرون بایات الله ویقتلون الانبیاء بغیر الحق ، ذلک بما عصوا و کانوا یعتدون)
خو د یهودو شرونه په دغه ځاي ونه دریدل، بلکه انجیل یې هم تحریف کړ، او د نصاری وو ددین له فساد لپاره ځینی په هغوي ننوتل، او هغه یې هم تحریف کړ، نو له یوه انجیل څخه په سوونو انجیلونه جوړ شول، چی اوس د نصرانیانو په نیز څلور معتمد دي، او دغه څلور هم له یوه بل سره زیات اختلاف لري ، نو آیا دا ټول د الله کتاب کیداي شی؟؟؟!!
الله جل جلاله د نصاری وو تحریف باره کی وایې، کوم چی هغوي انجیل کی کړی دی: (ومن الذین قالوا انا نصاری اخذنامیثاقهم فنسوا حظا مما ذکروا به فاغرینا بینهم العداوة والبغضاء) ترجمه: او له هغه خلکو چی ځانته یې نصاری ویل، مونږ له دوی څخه پخه وعده پس هیره کړه دوي یوه برخه د هغی نه چی بیان کړی شویده دوي ته)
همدا خبره ده چی نصاری ددغو څلورو انجیلونو څخه د یوه انجیل هم متصل او پیوسته سند نلري، بلکه له عیسی علیه السلام له مرګه او د هغه د شاګردانو له مرګه ورسته یو سړي لیکلۍ، او دغه سړۍ هم مجهول دۍ، او ددی سبب داوو چی یهود په دوي قوی نو د نصاری وو هر عالم به کونج په کونج له یهودو پټیده، ځکه یهود له پخواڅخه تر اوسه پوری انتهایې شرپسنده خلک دی،
پاتی دی نه وی چی ځمونږ په نبی بشارت هم په انجیل کی موجودی دي، اوتر اوسه شته دي،دا یې د ذکر کولو ځاي نه دی.
دنیا تیاری نیولی وه، نو دغه الله جل جلاله محمد صلی الله علیه وسلم نړۍ ته راولیږو، او هغه یې د پیغمبرانو خاتمه کړ، او قران یې پری نازل کړ، او دغه قران باندی الله مخکینی ټول دینونه باطل او نسخه کړل، او مخکنۍ توراة او انجیل یې هم پری نسخه کړ، الله جل جلاله فرمایې: (وانزلنا علیک الکتاب مصدقا لما بین یدیه من الکتاب و مهیمنا علیه .........) ترجمه: (او نازل دی مونږ تاته کتاب(قران) د حق د پاره تصدیق کوونکې دی د هغه چه مخکښې دده نه دی، او حاکم په دی کتابونوباندی،اوبل صحیح ثابت کی نبی کریم صلی الله علیه وسلم فرمایې(والله لو کان موسی حیا لما وسعه الا اتباعي) ترجمه: که چیرته موسی ژوندۍ واي نو هغه به نه شو کولاي مګر زما ددین تابعداري).
اما آیا یهود تاریخی یا شرعي حق لری فلسطین کی، او که نه؟؟ او آیا اوسني یهود په فلسطین کی د اسرائیل یعنی یعقوب علیه السلام اولاده یا نسل دي او که نه؟؟
دی باره کی وایم، یهود چی کله د فلسطین مقدسی ځمکی څخه ۴۰ کاله محروم شو، له موسی علیه السلام څخه وروسته ددوي د نسل بل جیل راغی، او هغوي د یوشع بن نون علیه السلام په قیادت باندی فلسطین ته وننوت،او دا هغه پیغمبر چی د هغه لپاره الله جل جلاله د فلسطین د فتحه کیدو په وخت لمر ودراوه، تر څو چی ده فلسطین فتحه کړ، وګورۍ(مسند احمد ۲/۳۲۵، البدایة و النهایة ۱/۳۳۳)، دوي فلسطین ته د اردن له خوا ورننوتل او دوي هلته دری دورونه تیر کړل:
اول دور: د قاضیانو دور: دا اولنۍ دور وو، چی په دی کی یوشع بن نون علیه السلام هغوي دولس سبطه دولس تقسیمه کړ، او هر سبط ته یې مشر مقرر کړ، او هغه مشر به دوي قاضي وو، او وخت ۴۰۰ کال دوام وموند په دی بنی اسرائیلو له خپلو دشمنانو سره ډیر جنګونه کړي، او کامیابیدا کله یو خوا وه، او کله بل خوا.
دوهم دور: د پاچاهانو دور:
دی دور کی پاچاهي شروع شوه، او اولنۍ پاچا ددوي طالوت وو، او قران کریم یې قصه د ددوهمی سپاری په اخر کی ذکر ده، دا پاچا د الله له طرفه د ددوی د هغه وخت دپیغمبر پواسطه پاچا شو، اول بنی اسرائيل نه قبلوو، بیا پری الله ومانه، او دا هم قران کی ذکر دي، کله چی طالوت له خپلو مسلمانو بني اسرائیلي فوج سره د جالوت کافر او مشرک فوج مقابلی ته ورغۍ اګر چی د طالوت علیه السلام د فوجیت اکثریت ددغه نافرماني وکړه، او له هغه نهره یې اوبه ډیری وڅښلی او له جنګه پاتی شول، او طالوت سره د لږ تقوی دار فوجه الله کامیاب کړ، او په دوي داود علیه السلام وو چی د هغه په لاس جالوت ووژل شو، او له طالوت وروسته داود علیه السلام پاچا شو، او تر هغه وروسته سلیمان علیه السلام پاچا شو، او په هغه دا دور ختم شو.
دریم دور: د بی اتفاقۍ دور: ددوي د خپلو قبیلو منځ کی اختلاف پیدا شو، او په دوه حصو تقسیم شول، وګورۍ عربی توراة سفر الملوک الاول ۱۶/۲۳-۲۵.
د سلیمان علیه السلام ځوي رحبعام د فلسطین په جنوب کی پاچاهي جوړه کړه، او مرکز یې قدس وو،او دوی ته به د یهودا دولت ویل کیده، او رحبعام بن نیاط په نابلس کی جوړه کړه، او دوي ته به سامریان ویل کیده،دی دواړو پاچاهي ګانو سخت جنګونه سره کول، او کله کله به یې روغه وکړه، او دی دواړو دولتونو باندی به ارامیینو او فلسطنیانو او ادومیینو او موآیینو حملی کولې، همدارنګه دغه دوه دولتونو له پاچاهانواو ولسونو څخه د بوتانو عبادت وشو، خاصة د بوتانو عبادت د سامریانو بني اسرائیلو په دولت ډیر کیده.
وګورۍ: عربی توراة، سفر الملوک الاول ۱۱ اصحاح تر سفر الملوک الثانی اصحاح ۱۷.
د سامریانو اسرائیلو دولت تر ۲۴۴ کاله مستقله پاتی شوه بیا ۷۲۲ قبل المیلاد د اشوریانو د پاچاسرجس په واسطه ړنګ شو، او ټول بني اسرائيل یې ددغه دولت غلامان کړل او عراق ته یې بوتلل، او د هغوي منطقی ته یې نور خلک راوستل ، او دغه څه وخت وروسته د یهودو په دین شو، خو دولت د یهودو دلته ختم وو، او له دی خبری ښکاري چی یهود چی کوم دعوی د پاک رګۍ یا پاک عرقۍ کوي، هغه صحي نه ده ، ځکه ټول یهود د اسرائیل ځامن نه دي. وګورۍ: سفر الملوک الاول او الثاني، همدارنګه کتاب تاریخ بني اسرائیل من اسفارهم ص ۱۷۸.، او او وګورۍ سفر الملوک الثاني ۱۷ اصحاح.
کوم چی د یهوذا دولت وو نو دغه دولت ۳۶۲ کاله دوام وکړ،بیا د مصر د فرعونیانو پواسطه ۶۰۳قبل المیلادړنګ شو، او په هغوی یې جزیه کیښوده، او فرعونیانو پاچاهي د عراق تر فرات سینده اوږده شوه، وګورۍ: سفر الملوک الاول و الثاني او تاریخ بنی اسرائیل من اسفارهم ص ۱۷۸.
تر دی ورسته د بابل حاکم بختنصر په فلسطین او شام راغۍ، بیا د یهوذا ددولت په طرف ورغۍ ځکه چی هغه پری سرکشي کړی وه، نو د هغه دولت یې دوباره ړنګ کړ، او دقدس یا اورشلیم معبد یې وران کړ، او ټول یهودي ولس يې د غلامانو په څیر د عراق بابل ته له ځانه سره یوړل، او دا قیصه په ۵۸۶ قبل المیلاد کی واقع شوی
وګورۍ : سفر الملوک الثانی الاصحاح ۲۴، عربي توراة
بیا د بابل دولت د فارسیانو په لاس ۵۳۸ قبل المیلاد د هغوي د پاچا قورش په لاس ختم شو، او یهودو ته یې اجازه وکړه چی بیرته فلسطین ته راستانه شي، او خپل هغه د قدس یا اورشلیم هیکل چی وران شوی وو بیرته جوړ کړي.
د قورش پاچاهۍ د ۵۳۸قبل المیلاد څخه تر ۳۳۲ قبل المیلاد پوری اوږدوالۍ وموند، او بیا فلسطین اوشام ته یونانی سکندر مقدوني راغۍ، او هغه ځاي یې ونیو، اوفارسیان یې ترې لرې کړ، بلکه د فارسیانو ځمکه یې هم ونیوه او مصر او عراق یې هم تر پښو لاندې کړ، نو دغه منطقی د هغه تر نفوذ لاندی وې د څلورم قرن قبل المیلاد د ختمیدو نه تر اول قرن قبل المیلاد تر نیمایې پوري، او له هغی وروسته په۶۴ قبل المیلاد کی دغه ټولی منطقی د رومانیانو ترحکم لاندی راغلی، او یونانیان یې تری وشړل وګورۍ تاریخ بنی اسرائیل من اسفارهم ص ۲۹۰-۲۹۷، یادګرنه کوم: چی دغه معلومات ټول د یهودو د محرف توراة څخه دي) په فلسطین باندی د رومانیانو د تسلط په وخت کی عیسی علیه السلام هم مبعوث شو، او له دهغه اسمان ته له پورته کیدووروسته یهودو غټو مشکلاتو کی واقع شول، ځکه چی دوي د روماني پاچا په ضد انقلابونه وکړ، نو تیطس روماني پاچا به ۷۰ میلادي کال کی کوشش وکړ چی د یهودو جرړه وکاږي، او دهغوي څخه ډیر یې غلامان کړل، اوډیر یې وشړل، او د بیت المقدس ښار یې وران کړ، او د یهودو د عبادت هیکل یې هم ختم کړ.
او دغه په ۱۳۵ میلادي کال په پوره توګه سره هغه وخت له منځه لاړه، چی رومانی حاکم ادریان خپلو فوځیانو ته امر وکړ چی له ځمکی سره یې برابر کړي، او هلته یې د رومانیانو لپاره غټ معبدجوړ کړ، او په بیت المقدس کی یو یهودۍ هم پری نښود، اوله ښار څخه یې منع کړل، او که کوم یهودۍ به را داخل شو، نو سزا به یې اعدام وه، بیا یې وروسته ورته اجازه وکړه چی په کال کی یوه ورځ راشي، او له هغه دیوال سره ودريږي چی د معبد غربي طرف ته پاتې وو.او حائط المبکی ورته ویل کیږی
وګورۍ: (تاریخ بني اسرائیل ۳۸۱، ابحاث فی الفکر الیهودی حسن ظاظا ۳۶-۳۸.
او په سره یهود د ځمکی په ټولو حصو کی خواره شول، او دهغوي د بداخلاقۍ او ظلم او فساد په وجهه الله هغوي باندی ځاي په ځاي نورامتونه مسلط کړل، نو دوي په هر ځاي په عذاب ګرفتاره دي، په اول هجری قرن کی چی د میلادي اووم قرن سره سمون خوری مسلمانانو په روماني نصرانیانو باندی غلبه حاصله کړه، او مسلمانانو شام او فلسطین او شاوخوا منطقی خپلی کړي، او یهود ځاي په ځاي په ځمکه کی ګډوډ وو، او هغه وخت هم عمر فاروق قدس او فلسطین ته د یهودو دداخلیدو اجازه نه ورکوله، نو یهودو ترمخکینۍ شلمې پیړۍ پوری په ټوله ځمکه خواره وو.
اوسني فلسطین کی ددوي ټولیدل:
دغه فکره په ۱۷۹۹م کی د نابلیون فرنسی سره وه،اوله دی لپاره یې فوځ تیار کړ لیکن ماته یې وخوړه، وګورۍ: المنجد ص ۷۰۳.
او دا فکره بیا راپورته شوه، او دا تخطيط د صهیونیانو مشر ټیوډور هرټزل په ۱۸۹۶م کال د خپل کتاب یهودي دولت له لاری خوره کړه، او د بازل کانفرنس یې په ۱۸۹۷م په سویسرا کی جوړ کړ. او ددی کانفرنس د مادو څخه هم دا وه چی یوه عالمي صهیوني تنظیم جوړ شي ، او ددی تر لاندی پټ او ښکاره تنظیمونه جوړ شي، تر څو مونږ هدف لاس ته راوړو او ویې ساتو.
وګورۍ: المسالة الیهودیة ص۱۹۸، التاریخ الیهودی العام ۱۹۶.
داوو چی دبریطانیا له صدر اعظم او بیا وزیر خارجه بلفور څخه یې وعده واخیستله په ۱۹۱۷م او بریطانیا اعلان وکړ چی یهود د قومي وطن جوړیدا لري، او ورکړ شو، نو دغه وخت کی ددنیا له مختلفو ګوډونو او اړخونه یهودي هجرت فلسطین ته پیل شو، او بریطانیانو به د هغو حمایت کاوه، او له مسلمانانو څخه به یې ساتل، څرنګه چی ملل متحد د یهودو او ماسونیانو لاندی ده، او په حساسو چوکیو کی او عدد کی ټول یهودیان دی، نو هغوي یوه لجنه ولیږله فلسطین ته، او امریکا یې ملګرتیا کوله، نو هلته د ملل متحد غړو فیصله وکړه چی فلسطین باید د یهودو او د مسلمانانوسره نیم شي. دا په ۱۹/۱۱/۱۹۴۷م، بریطانیا له فلسطینه ووتله، او یهودو په ۱۹۴۸م، خپل حکومت منځ ته راوړه، او د اسرائیلی حکومت د اعلانیدو څخه ۱۱ دقیقی وروسته امریکا په رسمیت وپیژانده، او روسیا تر هغی مخکی وه، او دلته مسلمانان د قومی عربی تعصب په بنا په خپل منځ کی اخته وو، او اسلامی عثمانی خلافت یې له منځه یووړ ، چی دا د مسلمانانو لپاره لویه ضایع وه.
غربی دولتونو د یهود و د قومی مستقل په جوړیدو کی خپلی دوه ګټی لیدلی:
اوله: چی دوي د یهود له شرونو خلاص شي، اوله یهودو له تسلطه او فساد څخه خلاص شي، خو غربي نړۍ په دی نه پوهیږي چی دا یې له ځان لپاره سردردۍ جوړ کړ، د یهودو سر اوس په اسرائیل کی دۍ خو رګونه یې د شرق او غرب څخه د ځان د ژوندی ساتلو لپاره وینه کش کوي.
دوهمه: چی د اسلامی امت په زړه کی خپله حلیف دولت منځ ته راوړي، ترڅو ددغو اسلامی دولتونو قوت ورژوي.
پاتی خبره دا چی ددوی تاریخی او دینی حق په فلسطین کی ، نو وایم : د بنې اسرائیلو له راتګه وړاندی دلته فینیقیان اوسیدل او هغوي ۳۰۰۰ قبل المیلاد اوسیدل د فلسطین په شمال کی د بحر په غاړه، او همدارنګه کنعانیان اوسیدل او هغوي ۲۵۰۰قبل المیلاد د فلسطین په منځنۍ منطقه کی اوسیدل، او دغه ټولی عربي قبیلي وی چی دغلته تلی وی، او۱۲۰۰قبل المیلاد ځینی خلک د کریت له جزیری څخه راغلل، او ددغه خلکو نوم فلستین وو، نو کنعانیانو هغوي ته فلسطین وویل، نو دغه نوم په ټوله منطقه غالب شو.نو له تاریخي ناحيي معلومیږی چی یهود اول هلته نه دی اوسیدلي، له دوي مخکی عرب وو، په زرګونو کلونه اوسیدلي وو، او بیا یهودو یو څه وخت دغلته په ځینو منطقو کی تسلط لره، او له دغه خلکو سره یې دائمي جنګ روان وو.

له دین له اړخه وایم : الله جل جلاله په خپلو مؤمنو بندګانو د ایمان په حالت کی ډیر نعمتونه کوي، نو همدارنګه چی یهود کله مؤمنان وو الله ورته دغه ځمکه ورکړه، او کله چی دوي کافر شول، او ګمراه شول، او د هغه نبی کریم پیغمبرې یې ونه منله چی ددوي په کتابونو کی پری زیری راغلی وو، نو دوي هیڅکله ددغی ځمکی حق نلري، ددی دلیل دادی چی الله کله بنی اسرائیلو ته امر وکړ چی ننوزۍ دغه مقدس ځاي او جهاد وکړۍ، نو دوي پس ماندګې وکړه، نو الله پری دغه ځمکه ۴۰ کاله بنده کړه، او کله یې چی د الله دین او پیغمبر ته غاړه کیښوده الله کامیاب کړ اودغی ځمکی ته ورننوتل.
بله خبره داده یهود ځانته عنصریان وایې اووایې : چی دوي ټول د یعقوب علیه السلام اولاده دي، ځکه دوي نورو خلکو ته د خرو په سترګه ګوري، او دا وایې چی خپل دین څخه یې رالیري کوۍ او یهودیت ته یې مه داخلوۍ، یهود غنم رنګي وو، خو اوس دوي کی د اوروپا رنګ شته او د عربو رنګ شته، او افریقیانو رنګ شته، او بله دا خبره ده چی تاریخي ثابته ده چې یو لوي امت د روسیې دولت خزر څخه یهودۍ شوی ده، په اتم میلادی قرن کی، او دغه قوم اصل کی ترکی دی، او په اذربیجان او ارمینیې او اوکرانیا بانی او روسیه باندی ددوي، دولت ، له همدی خاطره د اتحاد شوروي حکومت کی زیاتره حساسی چوکۍ د یهودو سره وي، بلکه د کمیونستیت انقلاب هغوي جوړ کړی وو، او دا بیل بحث دی، خو لیکن د یهودو باره د لینن خبره زما د خبر ی تاییدکوي، لینن ماده پرست ټولو دینونه ته او د هغوی معتقدینو ته په سپکه کتل، او د هغه اجنډا کی داوه چی دغه به ټول ختموم، لیکن د یهودو باره کی ډیر نرم غږیږې او وایې: (مونږ که اګر ددینونو دشمني کوو، نو مونږ د یهودي دین سره دشمني نه کوو، اګر که د یهودي دین خرافات له نورو سره فرق نه کوي، لیکن د هغوي بقا په خپل دین باندی د یهودو بیچاره ګانو لپاره ضروري ده، تر څو خپل حق تر لاسه کړي، ځکه که دوي دین وغورځوي نو شاوخوا نورو قومونو کی به سرګردانه ګرځي او د وخت په تیریدو سره به خپل هویت له لاسه ورکړي، او لدی لپاره چی اسرائيل خپل ځان یوه کامله اومتحده مجموعه وساتي، نو دهغوي لپاره دین ضروري دی، ځکه بغیر له دینه هغوي بل څه نه جمع کوي، او د یهودي دین ساتنه یوه ضروري خبره ده لپاره د زندګۍدبهترین ولس اسرائیل تر څو چی خپل حق تر لاسه کړي.)
نو تاسی ددی کمیونسټ مؤسس خبرو کی ځیر شۍ چی تر کم حده د یهودو اجنټ وو، پاتی دی نه وي چی یهودو په تحفه کی یهودۍ ښځه په نکاح ورکړی وه،
خپلی خبری له راځو، تاریخا ثابته هم ده چی دنهم میلادي قرن د پیل کیدو سره ټول خزر یهودان شول، او خپل دولت یې لره، بیا دغه دولت د روسانو په واسطه ختم کړاي شو، او ټولی ځمکی یې لاندی کړی، او ددغه دولت ټول ولس د اوروپا په مختلفومنطقوا کی خپور شو، او ددوي غټ ټولځایونه په ختیځې اوروپا کی په هنګاري، او بولنډا او رومانیا او مجر او روسیا کې شو.
نو له دی ښکاري چی اوسني یهود خاصة اشکنازیم د اسرائیل نسل نه دۍ، په هر حال که د اسرائیل بچی شي اوکه نه، مونږ مسلمانان په حقه یو او هغوي پر باطل، لیکن الله جل جلاله پر مونږ هغوي هغه وخت مسلط کړل چی مونږ خپل دین پريښود، اسلام باندی مونږ عزت ناک وو، اسلامی نعره مو په قومي نعرې بدله کړه، او کافرو ته مو لاس ورکړ، او د الله د لاره مو پريښوده،او له دنیا سره له حده زیاته مینه پيدا کړه، او هغه مرګ چی ځمونږ تری خلاصون نشته هغه مو ډیر بدوګاڼه ، او له دی سره مو فکر وکړ چی مونږ که دالله له لیاري لری شو نو همیشه ژوندي به پاتی شو، نو ځکه الله د یوه ذلیلترین او پسترین قوم په مونږ مسلط کړل، چه هغوي یهود دي.
راځم دی خبری ته د اوسنی فلسطنیانو(حماس) او د کی جی بی سره کښیناستل ، دی باره وایم:
څرنګه چی د فلسطین قضیه د ټول عالم اسلام قضیه ده، ځان له د عربو نه ده، هلته ځمونږ دوهمه قبله ده، چی ځمونږ پیغمبر او صحابه وو ورته ډیر وخت لمونځونه کړي، هلته قبة الصخرة ده، هذا مقدسه پاکه ځمکه ده، دا قضیة د یوه ملیار مسلمان قضیه ده، او فی الحال ددغی ځمکی لپاره دنړۍ ټول ځواکونه، امریکا اوروپاکوشش کوي چی دغه خاوره تصفیه کړي.
هغه خاوره چی ۱۴ قرنه په کی مسلمانانو ژوند کړۍ او اسلامي حکومت په کی چلیده،
وایم : که سړۍ اوس هغه امریکایې حملوته وګوري چی په اسلامی خیري مؤسساتو یې د ۱۱ ستمبر څخه ورسته کوي، نو وبه ګوري چی فلسطینۍ ولس د نړیوال جنګ په ضد د تروریست کی یو بیګناه قرباني دي، بلکه دغه ولس ددی هدف دی چی وږۍ شي، او وویرول شي، او د اقتصادي بندیزونه پری ولګول شي، بلکه تباه شي او حتی د علاج او د پانسمان نه هم محروم شي، هغه کومکی بشري مؤسسی چی په فلسطین کی یې کار کاوه په هغی بنديزونه ولګیدل اوځینی بندی شولی، حتی عرب چی هم کومک کوي نوهغه پیسی یو وار امریکایې بینکونه ته حواله کیږی بیا هغوي رسیږی، تقریبا د ۹۰ په سلو اسلامی خیري مؤسساتو مالونه په فلسطین کی یخبند شو، چی د ځینو نومونه دادی: المجمع الاسلامي، الجمعیة الاسلامیة، جمعیة الشابات المسلمات، جمعیة الصلاح، جمعیة اصدقاء الطالب الفلسطینی، جمعیة الزکاة الخیریة، جمعیة الاقصی الخیریة ، جمعیة النور الخیریة، لجنة الرعایة الاجتماعیة، او داسی نور، وګورۍ : islamonline.net ۱۶/۱۰/۲۰۰۱م
او alasr.ws۲۰۰۵/۵/۲۵.
او الشرق الاوسط ۲۰۰۳/۸/۲۹.
امرکایې لیکواله دانیلا هانلی وایې(واشنګټن رپوټ ۲۰۰۲ جنوري): جورج بوش ددیسمبر په ۴په ۲۰۰۱م کال کی راووت او امر یې وکړ: چی د منظمة الارض المقدسة للاغاثة و التنمیة خيري مؤسسه بنده کړۍ، دا هغه مؤسسه چی مسلمانو امریکایانو به د فلسطین کوبیدلو مسلمانانو ته په چاندی ټولولی، همدارنګه ډیر ی دغسی وتړل شوی، ماسره دلته معلومات شته، خو خبری نوری نشم اوږدولۍ، مقصدی خبری له راځم، سره له دی چی فلسطنیانو د امریکا او د اورپی اتحاد په خوښه په صفا فضا کی انتخابات تر سره کړل، او د فلسطین ولس ددیموکراسۍ په فضا حماس ته رایه ورکړه، نو هلته بوش په ټوپونه شروع وکړه، او حماس یې تر ډیر سخت فشارونو لاندی راوړ ، او سخت تهدیدات یې ورکړ، ځکه امریکا خپله ددیموکراسۍ په مبادئو ایمان نه لري، بلکه په هغه څه ایمان لري چي نړیوال یهودان یې د امریکی په حکومت د امریکی د ولس تش رمزونو په غوږونو کی اچوي، حماس داسی وخت حکومت را تسلیم کړ، چی خزانه تشه وه، هیڅ هم په کی نه وو، او دفلسطینی حکومت چلولو لپاره حماس مجبور چی نوروته لاس اوږد کړي، او امریکا چی کومک ورکوي، خپل شروط په هغوي مني، نو بیابه د هغوي او د یوي علمانۍ ډلی کوم فرق نه وي، پاتی دی نه چی یهودو له دغی ځمکی غټی ځمکی ته سترګی هغوي په الله جل جلاله باندی دروغ وایې چی هغه ابراهیم علیه السلام ته ویلي دي: چی زه ستا اولاد ته ځمکه د نهر نیل د مصر څخه نیولی تر فرات سینده چی عراق کی دی درکوم، اول دا چی دا خبره محرف توراة کی ده، او دغه توراة کی دوي ډیر اضافات او تحریفات کړي دي، او که خبره صحي شي، نود ابراهیم علیه السلام خو ځانته اسحاق ځوي نه وو، بلکه اسماعیل یې هم ځوي وو، او په توراة کی اوس هم شته دی.
اګر چی زه د فلسطنیانو او روسانو د علاقاتو پلوي نه یم ، خو وایم چی دغه مخکنۍ مجبوریو دیته مجبوره کړ چی روسیه ته لاس اوږد کړي، پاتی دی نه وي چی غوښتنه روسیې کړی وه، خو په هر حال له روسېې نه ویره پکار ده، دوه ویری
اوله ویره : روسیه اولین دولت وو چی د یهودو دولت یې په رسمیت وپیژاند، او د لینن خبری مخکی تیری شوی، او دا هم ښکاره معلومه چی د کمیونستې فکری کومکیان یهود وو، له ددی لپاره چی د تشی نامه ازادۍ په نوم ګډوډېګانې جوړی شی، او دوي به کی ښه ډیر ماهیان ونیسي،او همدغسی وشول.
دوهمه هیره: کمیونستۍ فکره ختمه نه ده، بلکه هغوي خپل نشاط ډیر په تیزش د امپریالستۍ مقابل کی روان کړۍ دی او مشکل دادۍ چی مسلمان ددواړو قرباني کیږی، کله چی انګریزان پښتونستان ته راغله، نو ځینوضعیف الایمان بدعتیانو مولایانو له هغوي پیسی وخوړی، او خلک یې له جهاده منع کړ، اوخلکو ته به یې ویل: چی دوي د ملک ابادۍ ته راغلی، دلته غفار خان چی دوی طالب العلم او ملا وو، له دغو خلکو سره یې سخت نفرت پیدا شو، او د هغوي په ضد لاړ او له روسېې سره یې معاهده امضاء کړه، او د انګریزانو په ضد یې کار شروع کړ، دغه خلک پوه وو دوي خپله د کمیونستۍ فکری ښکار نشول، لیکن له هغوي وروسته چی کوم ځوانان هلته د تعلیم لپاره لاړل،او ثقافتی پروګرامونو کی یې ورسره شرکت وکړ نو بالکل فکری کمونستان شول،او دغه خلک اوس د پاکستان د نیشنل پارټۍ غړی دي، هسی د پښتو په نوم چغی اوچتوي، او د پښتو هیڅ خدمت یې ونکړ، حتی پښتو یوه مجله یا ورځپاڼه نلری.
خبری خو ډیری دي، خو په همدی ځاي پاي رسوم .
خوشحاله اواباد اوسۍ