نړيوال ښکيلاک او د لرو بر افغان دازادۍ غورځنګ

قبایل د طالبانو نه تر پزې راغلي.

میرویس
13.01.2014

ګرانو لوستونو، السلام علیکم

دېوه رادیو رپوټونه ورکوي چې د عوامي نشنل پارټۍ یو مشر غړی او د هغه سره په موټر کې روان دوه نور کسان پیښور سره نزدې د طالبانو په حمله کې وژل شوي دي.
پولیسو ویلې میا مشتاق بډه بیره کې خپل موټر کې روان وو چې څلور حمله کونکو پې ناتاره ډزې وکړې او بیا وتښیدل.
د ډزو په نتیجه کې میا مشتاق او دوه نور کسان ووژل شول. میا مشتاق د ای این پې اهم او فعاله غړی وو او د پارټۍ د پیښور ضلعي صدر هم پاتې شوی وو.
مطبوعاتو ته په ټیلې فون د طالبانو یو ترجمان شاهدالله شاهد د حملې ذمه واري په غاړه اخېستې ده.
طالبانو د ای این پې گڼ شمیر غړي په نخښه کړې دي. تجزیه کار وايي وسله وال ای این پې د سیکولر نظریاتو او د وسله والو خلاف د کره دریز په وجه په هدف کوي.‍
له بلې خوا طالبانو د صدر اعظم نواز شریف په سلاکار د بمي چاودنو دوې حملې کړيډي. د وزيراعظم نوازشريف د مشير اميرمقام په قافله د شانگله پار ضلعې په مارتونگ سيمه کې دوه بمي چاؤدنې شوي ، چې په نتيجه کې يې د درې پوليسو په گډون شپږ کسان وژل شوي ، او خپله اميرمقام روغ پاتې شوی دی .
اميرمقام د مسلم ليگ ن ډلې مرکزي سينئر نائب صدر او وزيراعظم نوازشريف مشير دی

د قبایلو خلک چې د طالبانو د کرغیړنو اعمالو نه تر پزې راغلي دي، خپل قومي مشران یې لیږلي چې د جمهور رئیس ممنون سره د خپلو مشکلاتو په حل خبرې وکړي. قبایل چې نورد طالبانو مظالم نشي زغملئ، غواړي چې آزاد وکرزي، آزادې خبرې وکړې، د خارجي ترورستانو نه یې وطن پاک شي، ماشومان یې بېله ویرې ښونځي ته لاړ شي، د پولیو یا ماشومانو د فاج واکسین وکړي، د ځان مرګي حملو او عام محضر کې ددماکو نه بچ شي، نو یې په غونډه کې د جمهوررئیس ممنون نه وغوښتل چې حکومت یې په قبایلو ته تحفظ ورکړي، صلحه او امنیت پکې راولي.