زه چې تاخلق کړم
ته مې وينه په رګوکې شړې

تادرنګينوکائناتو غيږکې
يوه زره رنګ اويوه ښکلا پيداکړم
تامې احساس ته دجمال سندره وويله
تامې دزړه په تانده زمکه ارزوګانې شنې کړې
تامې دسترګوپه اينو کې يوتصوير کېښود
پاس په تصوير دې راته وليکل


جانان دې يمه


زه دې يوشورکړمه
يوه مينه يو پاڅون دې کړمه
خو اوس يوبل څوک
ستاله لاری غړېدلی يو څوک
زماارمان قتلوي
زما ارزوګانې وژنې
زمادشونډو دمسکاپلوشه
توروتياروکې نغاړي
زماپه سترګوکې تصويردجانان
په سرولمبوکې سوزي
ته ورته ګورې ورته هيڅ نه وايې
زه درته ګران نه يمه ؟
که دابدمرغه داقاتله څېره
زمادوينو په پور اورته بيايې