حضرت يوشع عليه السلام
٠ د يوشع(ع) نسب له يوسف(ع) سره نښلي.
٠ يوشع(ع) د موسى(ع) ځايناستى او خليفه گومارل شوى و.
٠ يوشع(ع) د بني اسراييل قوم د بني افرائيم د قبېلې مشر و.
٠ يوشع(ع) ته د موسى(ع) په مړينې پسې سملاسي نبوت ورکړل شو.
٠ يوشع(ع) د فلسطين د نېولو پر سر له ٣١ واکمنو سره وجنگېدو او هغوى يې مات کړل.
٠ په قران شريف کې د يوشع(ع) نوم راغلى دى.
٠ په تورات کې د يوشع په نوم فصل د يوشع(ع) په هکله راغلى دى.
٠ تورات کې د يوشع(ع) په هکله درې نومونه دي.
٠ د قران کريم په دوه سورتونو کې د يوشع(ع) په هکله يادونه شوې.
٠ يوشع(ع) په ١١٠ کلنۍ کې وفات شوى دى.
حضرت داود عليه السلام
٠ د داود(ع) پلار الييث نومېدو.
٠ داود(ع) ديارلس وروڼه درلودل.
٠ داود(ع) په ٤٥ کلنۍ کې پيغمبر شو.
٠ داود(ع) د يروشلېم ښار خپله پلازمېنه ټاکلې وه.
٠ داود(ع) پر بني اسراييلو څلوېښت کاله واکمني وکړه.
٠ د قران شريف په ٦٧ ايتونو کې د داود(ع) يادونه شوې.
٠ د قران شريف په ١٦ سورتونو کې د داود(ع) نوم راغلى.
٠ داود(ع) د طالوت(ع) د پوځ سرتېرى و.
٠ داود(ع) نږدې ١٠٠ کاله ژوند کړى دى.
٠ داود(ع) نږدې ١٠١٥م ز کې مړ شوى.
حضرت سليمان عليه السلام
٠ سليمان(ع) په ١٠٣٥م ز کې زوکړېدلى دى.
٠ سليمان(ع) د دواود(ع) زوى دى.
٠ د سليمان(ع) مور بنت سبع نومېدله.
٠ د سليمان(ع) په وخت کې ملکه سبا د يمن واکمنه وه.
٠ د سليمان(ع) نږدې کس او وزير اصف بن برخيا و.
٠ سليمان(ع) څلوېښت کاله واکمني کړې ده.
٠ قران شريف کې ١٦ ځايه د سليمان(ع) يادونه شوې ده.
٠ د سليمان(ع) عمر شکي دى، ځينې يې ٥٣ او ځينې نور يې ٦٥ کلونه بولي.
٠ سليمان(ع) په بيت المقدس کې خاورو ته سپارل شوى.
حضرت ايوب عليه السلام
٠ په تورات کې ايوب(ع) ته جوب نوم ورکړل شوى.
٠ ايوب(ع) په عوض قبيله کې زوکړېدلى.
٠ په عبراني ژبه کې د ايوب(ع) نوم ارب دى.
٠ ايوب(ع) څلور مېرمنې لرلې.
٠ ايوب(ع) ١٣ کاله په مصيبتونو او ستونزو کې لگيا و.
٠ ايوب(ع) درې زره اسونه لرل.
٠ ايوب(ع) درې زره اوښان لرل.
٠ د قران شريف په څلورو سورتونو کې د ايوب(ع) يادونه شوې ده.
٠ په انعام او انبياء سورتونو کې يوازې د ايوب(ع) نوم راغلى.
٠ ايوب(ع) ١٤٠ کاله ژوند کړى دى.
حضرت يونس عليه السلام
٠ يونس(ع) په نينوا کې پيدا شوى و.
٠ يونس(ع) له موسى(ع) نه ٨١٥ کاله وروسته راغلى.
٠ د يونس(ع) پلار متي نومېدو.
٠ په عبراني ژبه کې د يونس(ع) نوم يوناه دى.
٠ يونس(ع) په ٢٨ کلنۍ کې پيغمبر شو.
٠ يونس(ع) د نينوا قبېلې د لارښوونې لپاره گومارل شوى و.
٠ د يونس(ع) د نبوت پېر له عيسى(ع) څخه نږدې ٧٠٠ کلونه وړاندې بلل کېږي.
٠ يونس(ع) په نينوا ښار کې پيغمبر شو.
٠ يو کب خپلې خېټې ته يونس(ع) ننباسلى و او د څښتن(ج) په امر يې بيا د فرات سيند پر غاړه وغورځاوه.
٠ کب پر اوه سمندرونو يونس(ع) گرځولى و.
٠ په انبياء او القلم سورتونو کې يونس(ع) ته ذوالنون او صاحب الحوت نومونه ورکړل شوي.
٠ په شپږو سورتونو کې د يونس(ع) يادونه شوې ده.
٠ د قران شريف په ١٨ ايتونو کې د يونس(ع) په هکله بيان راغلى.
٠ يونس سورت د يونس(ع) په نوم رالېږل شوى دى.
٠ يونس(ع) ٤٠ ورځې د کب په گېډه( خېټه) کې و.
٠ يونس(ع) چې د کب له گېډې ووت، نو څلور رکعته لمونځ يې د مننې لپاره وکړ.
٠ يونس(ع) چې د کب له گېډې ووت د کدو د بوټي لاندې کېناست.
٠ يونس(ع) په نينوا کې مړ شوى دى.
