زړګيـــــــــــه چې ازار کړې مــــــــا ازار ليدلی وي
په خوب کې مې له غمه مړ خپل يار ليدلی وي
نا دودو د هجران دې پر ما هســـــــې ستم کړی
که هسې مې يوه شېبه کرار ليــــــــــــــــدلی وي
د ژوند د ترږميو دې اوږدو تور تمو شپو کې
حرام دې راته خوب شي که ما خوار ليدلی وي
سرو سترګو مې وينو منګ له غمه دی نيولی
که نه خدای که ساقي يا مې خمار ليدلی دی
د زړه درد مې له کومې نه نارې د اناالحق کړي
منصور لکه چې خوند په سر د دار ليدلی دی
عجبه زندګي ده د پردېســــــــو رڼو او ښــــــکو
ارمان يې د ژوندون د مرګ په لار ليدلی دی.