د ختيځ زون د کرکټ بورډ رئيس قرار عزيزي وويل په ننګرهار کې د لسو سيمه ايزو رسنيو ترمنځ دفساد سره د مبارزې ترنامه لاندې د کرکټ پيل شويو دولس اوريزو سياليو په لړ کې سپين غر راډيو ميني راډيو په شپږو منډو ماتې ورکړه.
عزيزي زياته کړه : دلوبې ټاس سپين غر راډيو وګاټه او خپله يې د توپ وهنې پرېکړه وکړه، سپين غر راډيو د نهه لوبغاړو په سوځېدو په دولس اورونو کې درې نوي مندې جوړې کړې.
د نوموړي په وينا په ځواب کې مينه راډيو په دې ونه توانيده چې ټاکلى هدف پوره کړي د پنځو لوبغاړو په سوځېدو يې اوه اتيا منډې جوړې کړې او دغه سيالۍ يې په شپږو منډو سپين غر راډيو ته وبايلله.
ددغو سياليو په لړ کې به د دوشنبې په ورځ اصلاح غږ راډيو د کليد پر وړاندې او د سې شنبې په ورځ به د ننګرهار ملي راډيو تلويزېون د کرکټ لوبډله د سپين غر راډيو پر وړاندې د جلال اباد ښار د سراج العمارت بڼ په ورزشي لوبغالي کې مخامخ شي.
يادونې وړ ده دغه سيالۍ د ختيځ زون د کرکټ بورډ په نوښت د لسو سيمه ايزو رسنيو او د ژورنالستانو خپلواکې ټولنې او فلمي ستورو لوبډلو په ګډون پيل شوې دي
