چې تيارې مي روڼولې قتليدم شيبه شيبه
لكه شمعه ويلېدم  به ختمېدم شيبه شيبه

زه وم خيال ستا تر كمڅو به تاويدم شيبه شيبه
لكه روح له خپل وجوده  بيلېدم  شيبه شيبه

چا پسې په زړه نرى وم لكه اوښكه له ليمو
څڅېدمه  په بار  خو به رغړېدم شيبه شيبه

 ما بلا سفر وو كړى له خپل ځانه تر خپل ځان
اخير بيرته له خپل ځانه  ستنېدم  شيبه شيه

تا د نورو خلكو ناز ووړ په محفل كي مګر ما
تنهايې كي زړګى خوړ اوځورېدم شيبه شيبه