قدس ته په اسرائیلې ویزې تلل عار او حرام دي. قرضاوى

د مسلمانو علماوو د نړیوالې اتحادیې او د قدس د مشرانو د نړیوالې موسسې مشر علامه دکتور یوسف القرضاوی پرون یوځل بیا په قاهره کې اسرائیلې ویزې سره قدس ته د تلو په اړه  خپل مخالفت څرګند کړ، ښاغلې قرضاوي وویل: تر هغې چې قدس اشغال وې هلته تلل عار او حرام دي، زه حیران هغه علماو ته یم چې قدس ته په اسرائیلې ویزې باندې د تلو اجازه ورکوې او وایې چې دا د فلسطینیانو سره مرسته ده، که دا خلک په حقیقت و پوهیږې دوی اسرائیل ته مشروعیت ورکوې او هلته د سیاحت لپاره تلل رواج کوی. که چیرته دا علماء د دې مشکل په حقیقت باندې وپوهیږې بیا به قدس ته په اسرائیلې ویزې باندې د تلو اجازه ورنکړې.
علامه قرضاوې وویل:د قدس دفاع د هر مسلمان فریضه ده، هغه دغه شرعې اصل ته اشاره وکړه چې: که چیرته دښمن د مسلمانانو کوم هیواد ته دننه شې او یوه ټوټه ځمکه اشغال کړې، ډیره وې او که لږه، د هماغې ځمکې ټول اوسیدونکې باید د جهاد لپاره پاڅیږې، که چیرته هغوې د دښمن په مقابل کې ضعیف شول بیا په ټولو مسلمانانو د هغوی مرسته او جهاد واجب ګرځې.
دا خبرې علامه قرضاوی پرون د سه شنبې په ورځ په ۲۰۱۰/۷/۱۳ تاریخ د مصر په پلازمینه قاهره کې د قدس پیژندنې کنفرانس په دوهم کورس کې چې د عربو ډاکټرانو د اتحادیې له لورې برابر شوې وو وکړې.
د بلنې مخالفت:
علامه دکتور یوسف القرضاوی وویل: د ځنې علماوو له بلنې سره چې خلکو ته یې د قدس د زیارت په موخه د اسرائیلې ویزی د اخستلو او هلته د تلو په اړه ورکړې، کاملا مخالف یو، ترهغې چې په قدس باندې د اسرائیلو سلطه او اشغال وې، او تر هغې چې قدس ته په تلو کې د اسرائیلې ویزی د اخستلو او د هغوی سفارت ته د تلو ضرورت وی، تر هغی پوری هیڅ غیر فلسطینې مسلمان د دې حق نلرې چې په اسرائیلې ویزې قدس ته ولاړ شې، او دا حرام دی.
هغه وویل: زه متعجب او حیران هغو علماو ته یم چې پدې وخت کې د قدس په زیارت امر کوې، اصلا هغوې په دې نه پوهیږې او فقیه باید د یوې موضوع حقیقت ته وګورې او عمق ته یې دننه شې، که دا علماو پوه شې چې د قدس زیارت کول په دې وخت کې د اسرائیلو مشروعیت ثابتوې، هلته ورتلل رواج کوې دوی به حتما لدې سره مخالفت وکړې. او هر هغه عالم چې د امورو په مقاصدو کې فکر وکړې هغه به په اسرائیلي ویزه قدس ته د تلو اجازه ورنکړې ځکه دا د اسرائیلو قانونیت ثابتوې.
هغه وویل: دا د مسلمان لپاره د شرم او عار ځای دی چې د اسرائیلې بیرق لاندی قدس ته داخلیږې، دا باید هر مسلمان حس کړې چې دي د قدس له زیارته ممنوع دي، او مسلمان باید قدس ته د مسلمانانو د حاکمیت په وخت کې ورشې، او زه له دې سره شدیدآ مخالف یم چې مسلمان اسرائیلی ته ورځې او د ویزې غوښتنه کوې او له دې لارې خلک هڅوې.
مخکې هم علامه قرضاوی قدس ته په اسرائیلې ویزې تلل حرام کړې و، هغه ویلې و: په قدس کې لمونځ نه کوو ترهغی پورې چې قدس نه وې آزاد شوي.
په اوسنې وخت کې قدس ته د تلو په اړه علماء‎ دوه ډلی دې، یو هغه چې قدس ته د تللو شدیدا مخالف دي، دوی وایې چې که چیرته قدس ته د مسلمانانو سفر پیل شې، یواځی اسرائیلو ته ګټه لري، او دا یواځې د اسرائیلو د سلطی منل دې او په قدس باندی د دوی د سلطی تاییدول دي. ددې ډلی علماء یعنې هغه څوک چې قدس ته تلو مخالف دي، د دوی له جملی څخه: د علماو د نړیوالی اتحادیې مشر علامه دکتور یوسف القرضاوی، شیخ الازهر دکتور احمد الطیب، دکتور نصر فرید واصل د مصر پخواني مفتې، دکتور محمد سلیم العوا اسلامي مفکر، دکتور احمد عمر هاشم چې د مجمع البحوث الاسلامیة غړي دى.
دوهمه ډله یا هغه څوک چې په اوسنې حالت کې قدس ته د تلو سره موافق دي او هغوې قدس ته تلل د اسلامې حقوقو لاسته راوړل بولی او د قدس د یهودی کولو د مخ نیوې لپاره يې د حل لاره بولی ، د هغوی له جملې څخه: محمود حمدی زقزوق د مصر د اوقافو وزیر، دکتور مصطفی الشکعه چې د مجمع البحوث الاسلامیة غړي دي.
د ټول امت مسئله
علامه قرضاوی په خپلې وینا کې په دې ټینګار وکړ چې د قدس مسئله د ټول اسلامی امت مسئله ده، لکه څرنګه چې الله تعالی دا په قرآن کې له مسجد الحرام سره یوځای ذکر کړی دا ددې اهمیت ښیې.
قرضاوی له هغو عربانو چې وایې زموږ ځمکه اشغال شوی و غوښتل چې دین ته په دې جګړه کې ځای ورکړی او د دین اهمیت ته په دی وخت کې قایل شي. په مقابل کې یهود هم د مسلمانانو او عربو سره په جګړه کې دین ته ځای ورکړی. کله به چې یهود جګړې ته تلل، خپل تورات به یې ویلې، د دی لپاره موږ هم باید خپل دین ته توجه وکړو او په داسې مسایلو کې ورته په لوی اهمیت قایل شو.
جهاد:
علامه قرضاوی وویل چې قدس کې جهاد کول نن ورځ په هر مسلمان باندی فرض دى، ده وویل: شرعی اصل دا دي چې که چیرته دښمن یو له اسلامې هیواد ته ننوت، او د هغه هیواد یوه حصه یې ونیوله، لویه وه که وړه په هر مسلمان جهاد فرض دی په هغه وخت کې چې د هغې منطقی خلک د دښمن په ویستلو قادر نه وې.
ښاغلې یوسف قرضاوی وویل: د قدس د آزادولو یواځینۍ لاره د جهاد لاره ده، ټول مسلمانان باید د فلسطین د د فاع لپاره پاڅې او د فلسطینیانو په څنګ کې و دریږې او لکه څرنګه چې فلسطینیان ولاړ دی او مقاومت کوی دوی هم باید همداسی وکړی. ځکه چې د فلسطین مقابل طرف پرمختللی اسلحی لری او د امریکې مرسته ورسره ده.