د جفا خبرې مه کوه جانانه
ناروا خبرې مه کوه جانانه
پام دې نيسه لږ د زړونو ماتېدو ته
بې پروا خبرې مه کوه جانانه
مخامخ وايه چې هر څه دې په زړه وي
پس شا خبرې مه کوه جانانه
اوس نو ما ته ګوته مه نيسه ،چې راغله
اوس نو دا خبرې مه کوه جانانه
ای د کوم يو ، کوم يو لفظ بلا دې واخلم
وارخطا خبرې مه کوه جانانه
دښمنۍ ته دې که زړه نه وي جلاله
نو رښتيا خبرې مه کوه جانانه
جلال امرخېل
11.06.2010
- جلال امرخېل
غزل
نه به ګيله د چا له خال ، نه له جبينه کوې بس ګوذاره به دې د خپل زړګي په وينه کوې
ته چې په ما داسې کانې لکه بې دينه کوې جواب د خدای به وايه څنګه لونګينه! کوې
د مازيګر ازار وهليه په ماښام چې راځې په ما نو څه له انتظار له ماسپښينه کوې
زما د زړه په...
21.06.2010
- جلال امرخېل
غزل
که مو د يو او بل په سترګو وای ګنډلې سترګې نه به له ما نه به له تا نه پرېوتلې سترګې
نن مې ستا سترګو کې د خپلو اوښکو رنګ ولېده نن دې زما سترګو کې ګرانه غړېدلې سترګې
زه څه ساده وم ، د بازار په دستور نه پوهېدم ته څه بلا وې دم په دم دې بدلولې سترګې
بانه ي...
