د Welcome Screen پر مخ د انځور راوستل
آيا د وینډوز د راپورته کېدو پر وخت انځور راوستلی سئ؟
د وینډوز په پخوانيو نسخو کي ( ۹۸ وینډوز) کار کوونکو کولای سوای چي د logo.sys په نوم فایل کي د لږ تغيراتو په راوستلو انځور راولي، خو د ايکس پي وينډوز (XP Windows) جوړښت په دې مورِد کي ډېر تغير کړی دئ.
کوم انځور چي د وينډوز د را پورته کېدو پر وخت راځي، هغه د ntoskrnl.exe په نوم فایل کي قرار لري چي تغير پکي راوستل د وينډوز د پروګرامونو له وسه پورته کار دئ، ( البته داسي پروګرامونه سته چي نوموړی فایل کي تغيرات راوستلی سئ، چي بايد له انټرنیټ څخه کښته کړئ).
خو د پورتني کار لپاره يوه بله لاره هم سته، چي لاندي درته ښودل سوې .
د رجيستري پروګرام ولاندي کمانډ ته ولاړسئ. ( د رجيستري پروګرام د خلاصولو لپاره يوازي په Run کي د regedit.exe) کمانډ ټايپ او انټر ووهئ.
à HKEY_USERS
à.DEFAULT
à Control Panel
à Deskto
لکه څنګه چي په پورتني انځور کي وينئ، د Wallpaper په نوم آيکن راخلاص کړئ او د خپل خوښي وړ انځور پوره ادرس ورکړئ. ( که ستاسو انځور په C ډرایو کي د afghan.bmp په نوم وي، نو بشپړ ادرس به يې C:\afghan.bmp وي).
له دې وروسته کله چي وینډوز چالانه کړئ ، د Welcome Screen ( د ښه راغلاست صفحه) پر ځای به ستاسو ورکړل سوی انځور راځي.
اړينه يادونه :
کوم انځور چي تاسو يې د ادرس په ځای کي ورکوئ، بايد د .bmp فورمټ ولري.
په درنښت
