د هندي رسنیو د ریپوټونو له مخې، د بالیووډ دوو مشهورو فلمي ستورو کترینه کیف او رنبیر کپور له یو بل ه د تېرې ډسمبر میاشتې په ۳۰ 
مه نېټه په لندن کې کوژده کړې ده.
د کوژدې د مراسمو لپاره چې د کترینه کیف د مور او پلار له لوري په لندن کې جوړ شوي وو، د رنبیر کپور مور او پلار نیتو سېنګ او رېشي کپور هم وربلل شوي وو.
د کترینه کیف او رنبیر کپور تر منځ د مینېخبرونه له ډېرې مودې راهيسې اورېدل کېدل؛ خو اوس دا خبر هم خپور شوی، چې دهندي سېنېما یا بالیووډ دغو دواړو ستورو کوژده کړې ده.
کترینه کیف د خپلې کورنۍ سره د کرېسمېس د نمانځلو لپاره په لندن کې وه او رنبیر کپور د کوژدې مراسمو ته وروسته ورغلی دی.
په دغه پروګرام کې د دوی یو څو ملګري وو او ډېر خلک نه وو وربلل شوي.
داسې ریپوټونه هم ورکړل شوي دي، چې کېدای شي، د دوی دواړو واده د روان ۲۰۱۵ زېږدیز کال په مۍ میاشت کې ترسره شي.
د بالیووډ دغو دواړو ستورو په خپل منځ کې په مینه اعتراف نه دی کړی او نه یې هم تر اوسه د کوژدې تصدیق کړی دی.
زاهدالله ځلاند
