غـــــــزل
يوه ورځ به پاڼې توي هـــــــوا به راشي
د هستۍ په غم خانه کې به غوغا شي
دشنو څانګو مړوندونه به خــالي شي
دنګهت د جنازې لمونځ به روا شــــي
دسپين آس مسته شڼا به جلال راوړي
دروحونو ورا به زمونږ کلي ته راشي
شپه به تورې څڼې و څنـــــډي له بامه
د يو چا تورې لېمې به په ژړا شـــــي
څوک به تنده د ساحل څپو ته راوړي
زرين لمر به ترې ،تږې په خندا شي
د شنۀ باغ د سرۀ ګلاب کيسه به سر سي
دبېلتون او د ارمان کتاب به وا شي
دغه ژوند به دسقراط په جام مېلمه شي
نوى خوان نوى مېزبان به هويدا شي
څو تبجن ستوري به پريوزي په بستر کې
د پروين په اسمانونو کې به تنا شي
پروين ملال کراچۍ
