د لوی، مهربان او بخښونکي خدای په نامه

په لندن کې د اختر د لمانځه خبرتيا!

سيدجان کارواني 04.07.2016 11:41

د کوچني اختر د مبارکۍ پيغام - او د اختر د لمانځه خبرتيا!
په بريتانيا کې د مېشتو افغانانو ټولنه، د سپېڅلي روژې په پای کې ددې مبارک کوچني اختر په مناسبت، تاسو ټولو لروبرو او په نړۍ کې خوَرو افغانانو، په بريتانيا کې اوسيدونکو وطنوالو او د نړۍ يونيم مِليارد مُسلمانانو ته مُبارکي وايي .
روژې، پرهېزونه، لمنځونه او عبادتونه مو قبول شه .
د ټولنی رهبري هيئت تاسو ټولو قدرمنو ته، يوځل بيا، لمن نيسي او خواست کوي چې د سپيڅلتيا او دُعاګانو په دې مهال، د دې مبارک اختر د لمانځه په پای کې زموږ په محبوب تاريخي هېواد افغانستان کې ددې روان ملت وژونکي اوږده وحشي جنګ او نيواک د ختم، زموږ د تاريخي پراخ هېواد د سرتاسري مِلي وحدت او ډېر مُستحکم، ډېر زورور اوډېر عادِل او قانونسالار مرکزي حاکميت د تائمين او وُلسي ښېرازۍ دپاره دُعا وکړئ .
د اختر لمونځ به د اختر په اوله ورځ، د ګهيځ په لسو بجو، د پخوا په څېر، د ټولنیِ په مرکز کې ترسره کيږي .
تر لمانځه، دُعاوو او مُبارکيو وروسته، د ځوانانو د مېلو،ساتېريو او افغاني اتڼونو دپاره وخت او ځای په پام کې نيول شوي دي .
دټولنیِ پته :
Eid Prayer - 10:00AM
West Acton Community Centre
Churchill Gardens
London W3 0JN
020 8993 8168
سيدجان کارواني
په بريتانيا کې د مېشتو افغانانو د ټولنیِ مشر