د ســــــــــــــړي قدر څومره کم شي چې ځواني تېره شي
لۀ خــــــــــــوشاليو نه جوړ غم شي چې ځواني تېره شي
چې را پۀ يادې د وصال خوږې شـــــــــــــــېبې شي ګله
ســــترګې مې ډکې بيا لۀ نم شي چې ځواني تېره شي
د ښــــــــــــکلو ښکلی نظر ولاړ شي د ښايست لۀ باغه
د ژوند درشل کې جوړ ماتم شي چې ځواني تېره شي
يوازې نۀ چې ترې خوږ يار شـــي پۀ ژوندون شي بېزار
نظر ترې کــــــــــــم د ټول عالم شي چې ځواني تېره شي
خــــــــــــــــــوږې د مينې هنګامې شي ټولې غلې ياري
هم بې پروا ترې ګران صنم شـــــي چې ځواني تېره شي