د لوی، مهربان او بخښونکي خدای په نامه

د شیعه ګانو ښکرونه ماتېدل غواړي

داکتر میرویس آقچه وال 14.05.2016 08:19

دافغانستان شیعه اقلیت چې د مزاري او تنظیمي جګړو په وخت کې یي لکۍ کړې وې اوس یي ښکرونه هم راشنه شوي او بشپړ په څلورو روان دي،دغه اقلیت چې د فیصدي په لحاظ یي شمیر د افغانستان د سني اتباعو په نسبت په اوړو کې د مالګې په اندازه دی، مګر شرارت،جسارت اومدعا یي تر پنځوس فیصده هم اوښتې ده.
شیعه له لویه سره په اسلامي نړۍ کې د زهرو زړی دی،چې کله یي هم د نبي امتیان د آرام ساه اخیستلو ته نه دي پرې ایښي،داد الله تعالی فضل دی چې دوی ته د تاریخ په اوږدو کې دواک مزی ډیر لږ وخت په لاس ورغلی،د مسلمانانو په تاریخ کې د شیعه ګانو د پام وړ سلطنتونه یوازې د آل بویه او صفویانو واکمنۍ وې،چې خپل تر واک لاندې اهل سنت یي د برچې په زور شیعه ګان کول،شیعه ګانو له پیړیو خاموشۍ وروسته څو لسیزې وړاندې هغه مهال نوی تنفس واخیست کله چې خمیني د ولایت فقیه د نظریې په بنسټ په ایران کې شیعه واکمني رامنځته کړه او په ټوله نړۍ کې یي شیعه شرارت ته یو ځل بیا نوې ساه ورکړه.
دافغانستان د شیعه ګانو تاریخ که راسپړو نو وینو چې همیشه دواکمنو لخوا ټکول شوي او تر فشار لاندې ساتل شوي، پوښتنه داده چې په افغانستان کې سیکان،هندوان او نور مذهبي اقلیتونه هم اوسي ولې هغوی ته چا بد نه دي کتلي چې یوازې یي په شیعه اقلیت پسې سوټی را اخیستی؟ ځواب واضح دی. د افغانستان شیعه ګان همیشه په دیني لحاظ شریر او په ملي لحاظ همداسې پردي پالي پاته شوي لکه همدا نن چې دي.
تاسو د انګریز د ددوهم یرغل په مهال د کابل د وضعیت په اړه د محمودطرزي خاطرات ولولئ چې لیکلي یي دي، د انګریزانو د راتګ او یرغل په مهال د کابل میشتوتاجکو او پښتنو سنیانو د جهاد تورې را ایستلي وې،سینې یي دانګریز ټوپکو ته سپر کړې وې،مګر کابل میشتو هزاره او قزلباشو شیعه ګانو د انګریز د راتګ په خوښۍ کې دمبورې او ربابونه غږول او د کفارو راتګ یي په خوښیو استقبالاوو.
د روسانو  په خلاف د جهاد په مهال  چې د ایراني استخباراتو لخوا د جهاد او مجاهدینو تر عنوان لاندې د افغانستان شیعه ګان منظم او په پراخو امکاناتو ونازول شول،د افغانستان شیعه اقلیت عملا د خمیني صفویت په ابزار واوښتل اوایران ترې  په دې هیواد کې  د فتنې د بټ اورلړونی  ساز کړ.
خمیني صفویت د افغانستان شیعه ګان کټ مټ داسې اکمال او اعمال کړل لکه د لبنان حزب الله یي چې عربوته  د صفوي انقلاب د صدور لپاره رامنځته کړی و،دلته یي هم سوچه په مذهبي تعصب ولاړ ګوند رامنځته کړ،د مزاري په نوم   یو متعصب ،حاقد او د قم له رافضي قالب څخه وتلی هزاره یي ورمشر کړ،د افغانستان د وروڼو قومونو د شیندلو لپاره یي د حقوق ملیت ها،سه قرن استبداد او جعفري فقهې د رسمیت شعار یي به خوله ورکړ خو د تزویر لپاره یي د نفاق او شقاق په دې ګوند نوم د حزب وحدت کیښود.
د حزب وحدت د تعصب او نفاق غوښتنې څرک له دې هم معلومولی شئ چې هیڅ غیر هزاره او سني افغان ته ددې ګوند عضویت ورنکړل شو،چې تراوسه پورې همدا چلند روان دی،ټول افغانستان سره خلط شو،تاجک صبور فرید د پښتانه حکمتیار د ګوندغړی،ازبک موسی توانا د تاجک رباني دګوندمشر،پښتون ملانقیب او بلوڅ کریم براهوي د جمعیت غړي شول، ګڼ شمیرتاجک،ازبک او ترکمن د طالبانو د رهبري شوری تر غړیتوبه ورسیدل،مګر شیعه هزاره ګان همداسې په جزیره کې پاته شول، نه یي بل افغان او مسلمان خپل ګوند ته ورپریښود او نه یي د بل سني مسلمان په ګوند کې شرکت وکړ.
د شیعه هزاره ګانو همدې خودخواهي او بیګانه پرستي خو حتی د افغانستان د استخباراتو پخوانۍ اداره خاد دې ته مجبوره کړې وه چې په خپل تشکیل کې د هزاره جاتو د څار لپاره ځانګړی ریاست رامنځته کړي،چې دغسې ریاست د افغانستان د بل هیڅ قوم یاسیمې د څارنې لپاره نه دی رامنځته شوی، امرالله صالح وایي چې د خاد له نګاه ددې ریاست د جوړښت فلسفه دا وه چې شیعه هزاره ټولنه  د افغانستان له ټول وجود څخه یوه پردۍ ټولنه ده او د ایران سره له پېیلتیا وروسته یي بیګانګي او دافغانستان لپاره د خطر ګراف نور هم لوړ شوی دی، نو ځکه خاد مجبور و چې ځانګړې توجه ورته ولري.
که د تنظیمي جګړو په کلونو کې د مزاري په مشرۍ شیعه ګانو په کابل کې عملا د افغاني حزب الله رول اداء کاوو، د ایران له سفارته یي مخامخ قومنده او مشوره اخیسته او د ملت غرب کابل د حقوقو تر عنوان لاندې یي دایران د ګټو جګړې ته ملاتړلې وه،د امریکایانو په راتګ سره ددوی ګوتې نورې هم په غوړو کې شوې،چې هم یي د ایران او هم د امریکا لپاره د مزدورۍ او پوځي،سیاسي،فکري او کلتوري جګړې مسؤلیت په اوږه واخیست.
په تیرو څوارلسو کلونو کې شیعه ګانو خصوصا هزاره اهل تشیع د بل هر چاپه نسبت د امریکایانو او نورو بهرنیو ځواکونو لپاره ډير او  بیلابیل خدمتونه سرته رسولي او بالمقابل نیواکګرو هم ورته پراخ مالي او سیاسي امکانات برابر او په بي حسابه مرستو یي نازولي دي.
شیعه ګان چې د افغانستان تر ټولو فقیره ټولنه وه،اوس د هرچا په نسبت ډیرې پیسې، ښاري ځمکي،ملکیتونه،فعالې رسنۍ،پرمختللي تعلیمي ادارې، د مرستو ټولنې او په حکومت کې د نفوس په تناسب تر هرچا غوښنه ونډه لري.
د یوه منظم پروګرام لاندې ایران په زرګونو شیعه ګان په جعلي اسنادو سمبال کړي او د افغانستان قضایي او تقنیني ادارو ته داخل کړي دي. د ایران په نقدي مرستو یي په کابل،غزني،مزارشریف،هرات او نیمروز کې تر هرچا زیاتې ښاري او مهمې ځمکې اخیستې او د ځان کړي دي، چې په پایله کې یي اوس په پلازمینه کې هزاره شیعه د هرچاپه نسبت ډیر دي او په تیرو انتخاباتو کې یي د هرقوم په نسبت ډیر کاندیدان پارلمان ته لاړل.د هزاره شیعه ګانو ددې اقدام په مقابل کې تراوسه هیڅ فریق عکس العمل نه دی ښودلی، یوازې په هرات کې د شیخ سمیع الله په نوم د طالبانو یوه قومندان هزاره ګان د ځمکو له اخیستلو منع کړي  او اخطار یي ورکړی و، مګر ایراني سپاه دغه کس په مرموز ډول په شهادت ورساوو چې اوس یي په هرات کې هم په خلاصه پښه پرمختګ روان دی.
په ایران سربیره له شیعه ګانو سره د غربي هیوادونو د ډیرو مرستو او نږدېکت یو علت دادی چې دغه فتنه ګر اقلیت د تل غوندې اوس هم د بهرنیو نیواکګرو تر ټولو ښه یاران او مخلصین ثابت شوي دي،د احصایو له مخې په افغانستان کې د زرګونو عیسوي شویو مرتدینو مطلق اکثریت یي هزاره شیعه ګان دي،د کابل په این جي او ګانو،بهرنیو دفاترو او د مدني فعالینو تر عنوان لاندې په تبلیغاتي ادارو کې مطلق اکثریت شیعه هزاره ښځې او ځوانان دي چې بهرنیان ورباندې خپلې فکري او تبلیغاتي ډرامې تمثیلوي. د بهرنیو فلمونو د دوبلاژ یا ترجمې مراکز چې د افغاني هویت د مسخ کولو یومهم سنګر دی مطلق اکثریت کارکوونکي یي هزاره ګان دي چې دا حقیقت د طلوع په موټر له برید او تلفاتو څخه ښه څرګند شو.
بله دا چې غربیان د افغانستان په نورو سیمو کې له ټانګونو سره نه شي ګرځیدلی،مګر په جاغوري او بامیانو کې شپه  ورځ آزادانه منظرې کوي، کرزي ورته  بندامیر په ملي پارک بدل کړ، په بامیان کې یي ورته هوټلې خلاصې کړې،بهرنیان له هزاره نجونو سره  د ماراتون، بایسکل ځغلولو او سکي لوبې او مسابقې کوې، د ارتداد او مسیحیت د قبولولو په مقابل کې  شیعه ګانو ته د استرالیا او نیوزیلنډ تابعیتونه ورکوي او تراوسه په زرګونو هزاره ځوانانو د ارتداد په مقابل کې ددې  هیوادونو تابعیت ترلاسه کړی دی. هزاره شیعه ګان له بهرنیوځواکونو سره دومره خواږه دي چې نور هیوادوال د بهرنیو ځواکونو د وتلو لپاره جنګ او مظاهرې کوي،مګر هزاره ګان په مظاهرو او زاریو غواړي چې امریکایان دې په بامیانو کې هم یوه دایمي پوځي اډه جوړه کړې.
که کرزي، فهیم او نورو حکومتي چارواکو د شیعه ګانو ددې تهاجمي عمل په وړاندې سکوت اختیار کړی و، خو علت یي واضح دی او هغه داچې د ایران لخوا ارګ ته هر کال په میلیونونو ډالر ورکول کیدل چې د تورو خلطو موضوع یي د ویکي لیکس لخوا افشاء هم شوه او کرزي هم ورباندې اعتراف وکړ،مګر د حیرانۍ ځای دادی چې عام اولس، سني سیاستوال،ګوندونه او وسلوال مخالفین ولې د شیعه ګانو زیاتیدونکي خطر ته نه دي متوجه ، هغه خطر چې هم د افغانستان د سني مسلمانانو دیني حاکمیت ته خطر دی او هم ملي وحدت او ځمکنۍ بشپړتیا ته.
په تیرو څوارلسو کلونو کې شیعه ګان د بل هرچا په نسبت د مخالفو طالبانو په وړاندې په خصمانه موقف کې پاته شوي،د امریکایانو ترجماني،جاسوسي،د حکیم شجاعي غوندې د ملیشو جوړول،د غرب په تبلیغاتي، عقیدوي، فکري او اسلام ځپونکي جنګ کې کومک کول، د طالبانو خلاف تبلیغاتي جنګ او ددوی نړیواله وجهه تخریبول او په دغسې نورو ډیرو مواردو کې یي د طالبانو په خلاف دجګړې دریځ خپل کړی،مګر طالبانو د شیعه ګانو د مخنیوي او کنترول لپاره تر اوسه هیڅ د پام وړ اقدام نه دی کړی.
طالبانو دا کوشش کړی چې د بین الافغاني شمولیت او د شیعه ټولنې د اعتماد حاصلولو لپاره یو اړخیز مثبته پالیسي پرمخ بوځي،په دې لړ کې یي همیشه له شیعه ګانو سره د نورو افغانانو په نسبت ښه برخورد کړی، ډیر ځله په لویو لارو کې لیدل شوي چې طالبانو نور افغانان دتلاشۍ په مهال پلټلې مګر هزاره ګانو ته یي پرته له پلټنې رخصت ورکړی،هزاره کارمندان د طالبانو په سیمو پرته له خطر څخه سفر  او تګ راتګ کوي،په زابل کې طالبانو ښځه تښتونکي داعشیان وټکول او د هزاره ګانو نارینه او ښځې یي ترې راخلاصې کړې، مګر په مقابل کې هزاره شیعه ګانو د داعش جنایت په طالبانو تاوان کړ او خورا زهرجن کمپاین یي د طالب په خلاف وچلاوو.
همدا اوس هزاره شیعه ګان لګیا دي د طالب خلاف ځان تقویه کوي،د جلریز غوندې یي د غزني په خوګیاڼو او د قره باغ ، زردالو  په لاره چې هزاره جات ته تیرې شوي دي، درګرده ګام په ګام پوستې جوړوي چې طالبانو ته یي لوی مشکلات رامنځته کړي او ددوی د د ازادانه تګ راتګ لارې یي نیولې دي.
زه په قسم سره درته وایم چې له دې لیکنې مې بل غرض نشته، یوازینی غرض مې دادی چې په خپل دین،سني عقیده، افغاني هویت او متحد افغانستان مې زړه درد کوي،زه خپل اولس او د چارو مسؤلینو ته د عراق، یمن او سوریې ترخه وقایع نه وریادوم چې شیعه ګانو په سني مسلمانانو کوم حالت راوستی،د ایران وضعیت هم نه ورپه زړه کوم چې سني اقلیت مسلمان نه بولي ، درګرده یي اعداموي، په حکومت کې حتی د رئیس او سفیر په کچه څوکۍ نه ورکوي او نه په پلازمینه کې مسجد لري. د سوریې د هزاره رافضي جنګیالیو فاطمیونو کنډک هم نه دریادوم  چې شمیر یي زرګونو ته رسیږي او د سني پاک لمنو میرمنو عصمتونه لوټي.
زه د اهل تشیع تاریخي کالبدشګافي نه کوم، بلکې یوازې مو په خپل کور دننه ، موجود او مشهود خطر ته متوجه کوم،چې شیعه اقلیت د سني پښتون، تاجک،ازبیک ، هزاره او بلوچ په متحد وطن کې د سرطان دغدې غوندې په راټوکیدو دی، دغه اقلیت د بهرنیو نیواکګرو دلاس آله ده،د هغوی تر ټولو ښه او مخلص سیمه ایز پارټنر ثابت کیدلی شي، د هغوی لپاره په دې سیمه کې داسې رول اداء کولای شي لکه اسرائیل یي چې دغرب ، ناټو او خاصتا امریکا لپاره لوبوي، که دغه سرطاني غده نن کنترول نه شي نو سبا به ناوخته وي.
و ما علینا الا البلاغ