د لوی، مهربان او بخښونکي خدای په نامه

شعر: ژوندۍ دې وي تر تله : زموږ ملي لوبډله

توتاخيل 18.02.2010 09:07

 بري پسې بری راوړي نړۍ کې ده اتله
ژوندۍ دې وي تر تله : زموږ ملي لوبډله

کیپټن نوروز منګل دی : زموږ د پګړۍ ګل دی
حمید خو مو حمید دی : په بالینګ کې اتل دی

سمیع او په کریم مو ښایسته ښکاري دا ډله
ژوندۍ دې وي تر تله : زموږ ملي لوبډله

چې بال ولي شاپور زموږ : ویکټ به وي ضرور زموږ
میرویس ېې وي ملګری : دوی دي د سترګو نور زموږ

یا شپږ کړي یا څلور شهزاد سره خوند نه کړي سینګله
ژوندۍ دې وي تر تله : زموږ ملي لوبډله

علي ښایسته اوپنر دی : نبي ښه ال راونډر دی
په سخت وخت کې به کار کړي : ریس دی که اصغر دی

لیمو کې به څای ورکړو ښه راغلاست ېې کړو هر کله

ژوندۍ دې وي تر تله : زموږ ملي لوبډله

ملوک تاج د کرکټ دی : کبیر خان ېې ښی مټ دی
دا هر یو یو لوبغاړی : د دې لوبې بنسټ دی

 ګلان دي اتلان دي راته ګران دي یو له بله
ژوندۍ دې وي تر تله : زموږ ملي لوبډله

لوبغاړي ټول درانه دي : په لوبه کې پاخه دي
بری به څنګه نه وړي : تکړه دي پښتانه دي

تل کړي ورته دعاوې توتاخیل د زړه له تله
ژوندۍدې وي تر تله : زموږ ملي لوبډله