ميرويس ياسيني: په افغانستان کې اقليت نشته، افغان واحد ملت دی
30.06.2009 11:22
بېګا شپه د ولسمشرۍ کانديد ميرويس ياسيني د ملي تلويزيون له لارې خپله تګلاره اعلان کړه. ياسيني وویل چې په افغانستان کې اقليتونه نشته او ټول افغانان یو ملت دی.
نوموړي په خپلو خبرو کې ملت په اقليتونو او اکثريت ويشل د ((هوښيارو دښمنانو او جاهله دوستانو)) اصطلاحات وبلل.
ياسيني د ښځو په اړه په خپله تګلاره کې وويل چې په کابينه کې بايد د ښځو شتون سمبوليک نه وي. هغه د حامد کرزي کابينه تورنه کړه چې په حکومت کې یې ښځو ته سمبوليک وزارت او ولايت ورکړی دی. ياسيني وویل چې ښځې د ټولنې نيمه برخه تشکيلوي او بايد چې ورته د کفايت او پوهې په اساس په حکومت کې برخه ورکړل شي.
ياسيني د افغانستان د دولتي سيستم د بدلولو سره مخالفت وښود او ویې ويل چې دا کار به افغانستان نور هم ضعيف کړي. ښکاري چې نوموړي د عبدالله عبدالله هغه پلان ته اشاره کوله چې وايي لويه جرګه به راوغواړي او د افغانستان اوسنی رياستي سيستم به پارلماني هغه واړوي.
د يادونې وړ ده چې ياسيني دا مهال د ولسي جرګې لومړی مرستيال هم دی. نوموړی یو له هغه کسانو څخه دی چې د امريکا سفير ورسره ليدلي و او د حامد کرزي د کمپاين او د بهرنيو چارو وزارت او ولسمشرۍ د دفتر د نيوکو سره مخ شو. له نوموړي برسېره اشرف غني او عبدالله عبدالله هم د امريکا د سفير سره ليدلي وو.
دې کانديدانو دا ډول نيوکو ته پام ونه کړ او په کابل کې یې بهرنيو استازو سره کتنو ته یې دوام ورکړ. اشرف غني له هغې وروسته د برتانيه او ميرويس ياسيني د ايټاليه د سفير سره ليدلي او خپل پرواګرامونه یې ورته روښانه کړي دي.
د ليکوال څو نورې لیکنې
- د مخدوم رهين په نوماندۍ ولسي جرګه د اخلاقي چيلنج سره مخ ده
- د طلوع څښتن هم د عبدالله عبدالله د دعوی پلوي کوي
- کرزی بايد دويم پړاو ته مرور پخلا کړي - کمال الدين رنځور
- د کرکټ بورډ: هيله ده چې په کاناډا کې پاتې شوي افغان لوبغاړي راستانه شي
- د ټاکنو لومړۍ پایله اعلان شوه، حامد کرزي ګټلې ده
- اروپايي ټولنه: د حامد کرزي، عبدالله او بشردوست په ګټه درغلي شوې ده
- د پکتيکا په ښرنه کې د طالبانو له ويرې درې ښوونځي وتړل شول
- په کابل کې د ايران سفير: په افغانستان کې دې ايتلافي حکومت جوړ شي
- د ټاکنو د پايلو پښتو ويبپاڼه هم پر ليکه شوه
- د کرکټ د ځوانانو ملي لوبډلې ويزې اخيستي او کاناډا ته به په وخت ورسېږي
