د کندهارامينه قومندان اوله جنايي پېښو سره د مبارزې مدير ووژل شول
29.06.2009 13:44نن غرمه په ناڅاپي توګه د کندهار ښار خپله پخوانۍ بڼه له لاسه ورکړه . د موټرو شورماشور او د دوکاندارانو غږ او غوږ د ټوپکو په ډزو بدل شول .
د ښار واک ټول د امريکايې ځواکونو او ملي اردو په لاس کې پرېوت . عام وګړي په کورونو او دفترونو کې بند پاتې شول
د سيمې د يو تن ځايي خبريال په خبره نن غرمه هغه مهال د امريکايي ځواکونو او افغان سرتېرو تر مېنځ درنه نښته را مېنځته شوه چې امريکايي ځواکونو غوښتل په خپل سر يو زنداني چې د دولتي چارواکيو په خبره نن يې محاکمه وه له څارونوالۍ څخه وباسي خو امنيتي مامورينو يې مخه ونيوله او د ځان د پياوړي کولو په موخه يې له امنيه قومندانۍ څخه مرسته وغوښته .
خبريال وويل : په دغه نښته کې د کندهار امنيه قومندان مطيع الله قاطع او دجنايي جرمونو پر ضد د مبارزې مدير عبدالخالق همدرد د څو نورو پوليسو په ګډون ووژل شول .
د ترلاسه شويو مالوماتو پر اساس اوس لا هم د کندهار د والي په ګډون ګڼ شمېر دولتي چارواکي په بېلابېلو دفترونو کې کلابند او په ځان پورې حيران پاتې دي او د هرات دروازې په ګډون د ښار په بېلابېلو برخو کې ډزې اورېدل کېږي
دا لا څرګنده نه ده چې هغه زنداني څوک وو او ولې يې پر سر قاطع او همدرد د څو نورو پوليسو په ګډون ووژل شول
شيبه په شيبه د هيواد له ګوټ ګوټ څخه تازه ، دقيق او پر وخت خبرونه ، کره سياسي بحثونه ، په زړه پورې پښتو موسيقي ، تفريحي او هنرې آزانګې له خپلې راډيو ،سپوږمۍ څخه په ١٠٢،٢ ايف ام څپو واورئ . spogmairadio@gmail.com ٠٢٠٢٥٠٢١٠٠
sdf
ګرانو او محترمو ورونو !
د نن څخه تقريبا اووه اته کاله وړاندې په افغانستان کې چې کومه سوله او ارامی وه هغه به تاسو ته ښه په ياد وي . هغه امنيت او سوله چا راوستې وه . په هغه وخت کې که چا يو سايکل د سر په سر پريښی وايي نو چا لاس هم نه وروړلو. د هر چا د حق پوښتنه کيدله . که څه هم ځينې نيمګړتياوې ورکې وې .خو که نن له يو کلي څخه شل تنه بې ګناه افغانان پدې تور چې ګواکې دوې ترورستان دي . دهغوۍ پوښتنه نشته.
که يو ځل تاسو د وطن په اصيلو بچيانو باندې غږ وکړۍ .
انشالله چۍ بری به زمونږه وي
سپیشل فورس څارنوالۍ ته دخپل یو ملګري چي ۹ ورځي مخکي په کندهار په یو بې اسناده موټر کي ئې چاودېدونکي توکي لیږدول او دپولیسو لخوا دترګریزو بریدونو په تور نیول شوی و په زور دخوشي کولو په موخه ورغلي وه .
ددغه کس چي اسد نومیږي او د سپیشل فورس سره ئې په پټه کار کاوه نیونه او دهغه په موټر کي چاودیدونکي موادتر لاسه کیدل او بیا په داسي خونړیو لارو دهغه خوشي کول دا په زبات رسوي چي خبره چیري ده . د اسد په نیونه د سپیشل فورس یو غټ راز افشا کیده ، نوځکه ئې په هرقیمت چي شوني ول دهغه د خوشي کولو په لاره کي د هر ډول ممکنه لاروکار اخستل ورته ضروري ول .
درنو لوستونکو او ګرانو وطنوالو سلامونه او احترامات وړاندی کوم!
خدای دی شهیدان و بخښی او ورثه ته دی صبر جمیل ورکړی
وایی د اوسنی حکومت جګ پوړی مامورین په مخدره موادو کې لاس لری. سند غواړی دادی. دا ډریور څوک وه او څومر اهمیت یی لره چه دومره مهم کسان دی پری وژل کیږی؟
د هغه سیسلی – ایتالوی مافیایی فلمونو قصی را یادی شی.
د جنایت کار او مافیا تر منځ فرق: جنایت کار د قانون نه تخلف کوی او عدلی او قضایی چار واکی په شمول د پولیس یی په تعقیب کې دی او عدالت ته یی را کاږی. اما مافیا هغه جنایت کار دی چه دولتی او سیاسی قدرت یی هم په لاس کی دی. یعنی هم جنایت کوی او کله چه د قانون منګولی پری ولګیږی او د محاکمی خواته ځی او یا د تحقیق او تعقیب په صورت کی د اصلی سازماندهانو چه دولتی او حاکمیت کی دی څیری افشا ء کیږی او داسی خطر را منځ ته شی نو بیا دداسی وقایعو سبب کیږی. ما فیا مافیا مافیا او د مخدره موادو مافیا.
باقی یی تاسی تصور کولای شی. د تمامو نورو قضایاو په شان دا قضیی باندی خاوری اچول به ادامه لری.
ماته دا وخت د ښاغلي شاعر تسکي صاحب دا شعر راياد شو:
افغانه، که افغان شولې افغان به وګټې
وطن د پلار نيکه افغانستان به وګټې
د بل په نوکرۍ کې به د بل له پاره مړ شې
دا مه وايه چې خپل نوم او نښان به وګټې
خدای دې موږ ټولو ته هدايت وکړي.