"انتخاباتي سرغړونو کې ښکېل کارکوونکي به د رأیو بیاشمېرنه او تفتیش نه کوي"

د افغانستان د ټاکنو خپلواک کمېسیون خپل هغه کارکوونکي د ټاکنیزو شکایتونو کمېسیون ته ورپېژني چې په یوه ډول یې په تېرو ولسمشریزو ټاکنو کې سرغړونه او تخطي کړې ده.

ټرمپ افغانستان کې په جنګي جرمونو تورن دوه امریکايي سرتېرې وبخښل

د امریکا د متحده ایالاتو ولسمشر ډونالد ټرمپ په افغانستان کې په جنګي جرمونو تورنو دوو امریکايي سرتېرو ته عفوه کړې ده.

کابل کې په وسله وال برید کې دوه څارنوالان وژل شوي

د افغانستان لویه څارنوالي وايي، ناڅرګندو وسله والو د کابل ولایت په قره باغ ولسوالۍ کې د بګرام د عدلي او قضايي مرکز دوه څارنوالان په ډزو وژلي او دوه نور یې ټپیان کړي دي.

د ټاکنو کمیسیون نن د رأیو د بیا شمېرنې په اړه وروستۍ پرېکړه کوي

د ټاکنو خپلواک کمېسیون وایي، چې د دغه کمیسیون مشرتابه به نن د رأیو د بیا شمیرنې او څیړنو په اړه خپل ورستی تصمیم اعلان کړي.

ارزګان کې یو شمېر بې ځايه شوې کورنۍ شپه په لوږه تېروي

په ارزګان ولایت کې د نا امنیو له امله په بې ځايه شویو کورنیو کې داسې هم شته چې په لوږه شپې ورځې تیروي.

پوهنې وزارت: لوګر کې د زده کوونکو د جنسي ځورونې راپور حقیقت نه‌لري

د افغانستان د پوهنې وزارت وايي، د دوی د څېړنو په اساس د لوګر ولایت په یو شمېر ښوونځیو کې د زده کوونکو د جنسي ځورونې په اړه د ګارډین ورځپاڼې راپور حقیقت نه لري.

نورستانۍ: لا هم معلولین او د شهیدانو ورثه له ډېرو ستونزو سره مخ دي

د معلولینو او شهیدانو په چارو کې د دولت وزارت مرستیاله جمیله نورستانۍ وایی چې له ډېرو هڅو سره سره بیا هم معلولین او د شهیدانو ورثه له ډېرو ستونزو او ناخوالو سره مخ دي.

طالبانو د بندیانو د تبادلې د ځنډېدو پړه پر امریکا اچولې

وسله والو طالبانو د خپلو درې غړو او افغان امریکايي پوهنتون د دوو تنو استادانو د تبادلې د ځنډېدو پړه پر امریکا اچولې ده.

د ټرمپ سلاکار راجر سټون په دروغو ویلو مجرم پېژندل شوی

د امریکا د ولسمشر ډونلډ ټرمپ پخوانی سلاکار او ټلوال راجر سټون کانګرس ته په اوه ځله دروغو ویلو مجرم پېژندل شوی دی. د محکمې په ناسته کې ویل شوي، چې ښاغلي سټون د امریکا ۲۰۱۶ ولسمشرۍ ټاکنو ته د نوماندې هیلري کلېنټن د تخریب لپاره د ځینو دروغجنو مطالبو خپرولو هڅه کړې ده.

آیا د حقاني شبکې د غړو او امریکايي پوهنتون استادانو د تبادلې هڅه ناکامه شوه؟

آیا د حقاني شبکې د دریو غړو او په کابل کې د امریکايي پوهنتون د دوو برمته شویو استادانو د تبادلې هڅه ناکامه شوه؟

"د ټاکنو کمېسیون بهرني غړي او یوناما د کمېسیون پر ستونزو غلي دي"

د افغانستان د انتخاباتو خپلواک کمېسیون غړی مولانا عبدالله د دغه کمېسیون بهرني غړي او د افغانستان لپاره د ملګرو ملتونو مرستندویه ماموریت (یوناما) د انتخاباتو په تړاو په چوپتیا تورنوي.

ارګ: د حقاني شبکې درې غړي اوس هم د افغانستان په بند کې دي

د افغانستان ولسمشرۍ ماڼۍ وايي چې د طالبانو د حقاني شبکې درې غړي انس حقاني، مالي خان او حافظ رشید اوس هم د افغانستان په بند کې دي. د ولسمشر محمد اشرف غني ویاند صدیق صدیقي وايي، د طالبانو لخوا د شرایطو نه مراعتېدل د زندانیانو د تبادلې بهیر د ځنډېو اصلي لامل دی.

یوناما د کاندیدانو شورا له خوا د بې طرفۍ نه ساتلو تور رد کړ

په افغانستان کې د ملګروملتو مرستندوی دفتر (یوناما) د افغانستان د ولسمشرۍ د انتخاباتو د کاندیدانو د شورا دا تور رد کړ چې ګنې یوناما خپله بې طرفي نه ده رعایت کړې.

ننګرهار چارواکي وايي، سلګونه داعش وسله والو له کورنیو سره ځانونه ورسپارلي

د افغانستان په ختیځ کې چارواکي وايي، د اسلامي دولت نومې ډلې یا داعش وسله والو یوه بله ډله دوی ته تسلیم شوې ده. د افغانستان دفاع وزارت منلې چې ننګرهار کې تېرو دوو اونیو اوږدو کې د داعش ډلې شپږ سوه غړي له خپلو کورنیو سره دوی ته ورغلي دي.

مولانا فضل الرحمان: د ولس زور حکومت وارخطا کړیدی

د جمعیت العلما اسلام مشر مولانا فضل الرحمان چې دا وخت په پاکستان کې د حکومت مخالفه مظاهرو مشري کوي، وایي چې حکومت د ولس د زور په وړاندې بی وسه دی او وارخطا شویدی.