tolafghan.com
ټول افغان لومړي مخ ته

 ډېرځليزې پوښتنېډېرځليزې پوښتنې   لټونهلټونه   د غړو لستد غړو لست    کاروونکو ډله  کاروونکو ډله    د نوم ثبتولد نوم ثبتول 
 د پېژندنې څېرهد پېژندنې څېره    خپل شخصي پېغامونه وګورئ خپل شخصي پېغامونه وګورئ   ننوتنهننوتنه 

حقاني شبكه له ځايي خلكو سره ښكېله شوه

 
نوې موضوع پېل کړئ   موضوع ته ځواب ورکړئ    tolafghan.com دفورم سر ته   -> د منتخب اسلامی جمهوريت بنسټونه او ارزښتونه
شاته موضوع وګورئ :: مخکې موضوع وګورئ  
ليکوال پيغام
شاه ولي



دغړيتوب نېټه: 06 ميئ   2011
ليکنې: 82

ليکنهد ليکنې نېټه  : ٤   شنبه   اپريل   25, 2012 8:35 pm    عنوان   : حقاني شبكه له ځايي خلكو سره ښكېله شوه Reply with quote

اسلام عليكم و رحمة الله و بركاة,
په قبايلي سيمه (شمالي وزيرستان) كې حقاني شبكه د وزيرو يوې قبيلې كابلخېل ته وايي چې له دغې سيمې څخه ووځي.
د حقاني شبكې مشر سراج الدين حقاني له ملا ګبهادر وروسته په شوه(شه وا) كې د كابلخېل قبيلي له يوه ستر ټبر يا پښې څخه وړمه ورځ غوښتي چې په دوو ورځو كې يعنې نن دې سيمه پرېږدي او بلې سيمې ته دې له ټول ټبر سره كډه شي.
دوى ويلي كه د ميامي كابل خېل ټبر يې له غوښتنې سره سمه سيمه پرې نه ږدي، نو ټول طالبان به يې پرضد سره يو شي او په زور به يې له سيمې وشړي.
ځايي چارواكي وايي چې عالمانو او څه قبايلي مشرانو له طالبانو سره ليدلي، هڅه كوي چې د كابل خېل او حقاني شبكې ترمنځ لانجه په خبرو اواره كړي، خو طالبان وايي چې د كريم خان په مشرۍ بايد دغه ټبر سيمه پرېږدي، خو دا ټبر له خپلې سيمې سره شا وخوا مورچې جوړوي او له طالبانو سره جګړې ته چمتو كيږي.
له كابل خېل قبيلې سره حكومت هم د كومې مرستې ژمنه نه ده كړې، خو په خيبر، اوركزۍ او نورو سيمو كې يې د وسله والو طالبانو پرضد قومي لښكر جوړ كړى دى.
د حقاني شبكې او كابل خېل ترمنځ هغه وخت بې باوري پيدا شوه چې نږدې شپږ مياشتې مخكې د كريم خان يو زوى وسله والو وتښتاوه او ويې واژه. دې قبيلې دوه اوونۍ وړاندې په ټل كې د حقاني شبكې يو پياوړى قوماندان قادر خان وواژه.
پنځه ورځې مخكې هم په شوا كې حقاني شبكې د كريم خان پر كور بريد وكړ، د دوو ورځو په جګړه كې اووه وسله وال طالبان او د كريم خان درې خوريونه ووژل شول. طالبانو د دې قبيلې دوه كسان تښتولي هم او وروسته يې وژلي دي.
كريم خان د كابل خېل قبيلې د نامتو مشر شاه محمود زوى دى او په سيمه كې پراخ نفوذ لري. كابل خېل قبيله چې په شوا كې اوسي يو يو كور د پكتيا د برمل ولسوالۍ په مرغه كې هم لري.
په لومړيو كې يوازې ګلبهادر ډلې د كابل خېل پرضد جګړه كوله، خو اوس چې دا ډله ماته شوې، حقاني شبكه او د حكيم الله مسعود ډلې هم ور سره يو ځاى شوي دي.
په تېرو اوو اتو كلونو كې وسله والو طالبانو په وزيرستان كې نږدې زر قومي مشران وژلي دي، خو ترواسه چا د كابلخېل په څېر د خپلو كسانو غچ له طالبانو اخستى نه وو. شنونكي وايي، كه كابلخېل ماته نه شي ممكن نور هغه خلك هم د طالبانو پرضد پورته شي چې مشران يې وژل شوي دي.

والسلام،
بېرته سر ته
د کارونکي عکس وښاياست شخصي پېغام وليږئ
مخکيني ليکنی وښاياست:   
نوې موضوع پېل کړئ   موضوع ته ځواب ورکړئ    tolafghan.com دفورم سر ته   -> د منتخب اسلامی جمهوريت بنسټونه او ارزښتونه    ټول وختونه GMT دي
پاڼه   1  ټولې پاڼې  1

ورټوپ کړه:  

تاسو په دې څانګه  کې ليکنې نشئ کولی
تاسو د دې څانګې ليکنو ته ځواب نشئ ليکلی
تاسو په دې څانګه کې خپلو ليکنو ته بدلون نشئ ورکولی
تاسو له دې څانګې څخه خپلې ليکنې ړنګولی نه شئ
تاسو د دې څانګې په ټولپوښتنه کې برخه نشئ اخستلی


Powered by phpBB © 2001 phpBB Group

Chronicles phpBB2 theme by Jakob Persson (http://www.eddingschronicles.com). Stone textures by Patty Herford.