شريف الله شرافت

ځوان شاعر شريف الله شرافت د ښاغلي محمدرفيق پوپلزي زوى پر 1362ل كال په پاكستان كې سترګې رڼې كړې دي، له اّره د كندهار ولايت د پاشمول سيمې د اخندزاده خېلو جومات ته ورڅېرمه په يوې كليوالې او ساده كورنۍ پورې اړوند دى. پر اوس مهال تر ښكارپور دروازې بهر د پوپلزو په نوې كلاچه كې استوګن دى.
په پاكستان او كندهار كې يې په بېلابېلو مدرسو كې، همدا راز له خپل پلار څخه زده كړې كړې دي، له درېگيو كلونو راهيسې شعرونه ليكي چې اوس يې هم دا لار نه ده پرې ايښې، كه خداى كول د هنري او ادبي تجربو په لاسته راوړلو سره به وتوانېږي خپل اصلي منزل ته ورسېږي، ځكه د كندهار ادبي ټولنې په ډېرو ادبي او فرهنګي غونډو كې ګډون كوي، خپل شعرونه چې اكثر يې لومړنۍ تجربې دي لولي او د ځينو ادبي شخصيتونو له لارښوونو او كره كتنو څخه هم ګټه اوچتوي، چې دده په روزنه او پالنه كې ډېره مرسته كوي. شرافت هم په پيل كې د سيدعبدالخالق صادق ولسي شاعري اورېدلي او يا هم لوستې ده، له دې كبله د نوموړي اغېز ورباندې پروت و، خو اوس چې يې نورې شعرې ټولګې او كتابونه هم ولوستل او په خپل اند يې وارزول، نو په دې هڅه كوي شو چې په دې ډګر كې خپله لار بېله كړي، اوس ولسي شعرونه هم لولي او له نويو شعرونو څخه هم ګټه اوچتوي، ځكه د اوسمهالي شعر مطالعه دا مانا نه لري چې ولسي هغه دې هېر كړو، د دواړو پالل او لوستل ضروري دي، دا هم د تنكي شاعر شرافت څو شعري بېلګې:

 Site designed and administrated by Tolafghan.com 2003 webmaster@shirzad.de