سيد عبدالله سعيدي

سيد عبدالله سعيدي پر 1312ل كال د كندهار درېيمې ناحيې د افغانپورو په كوڅه كې زېږېدلى دى. لومړنۍ زده كړې يې په شالېمار(مشرقي) ښوونځي كې پيل كړې او له احمدشاه بابا لېسې څخه يې د دوولسم ټولګي برى ليك ترلاسه كړى دى. وروسته د لوړو زده كړو لپاره كابل ته لاړ او هلته يې د ادبياتو پوهنځي په انګرېزي څانګه كې لوړې زده كړې وكړې، وروسته يې د كندهار په بېلابېلو ښوونځيو كې د انګرېزي، پښتو او دري ژبو د ادبياتو پر تدريس پيل وكړ.
د ښوونځي له اووم ټولګې څخه يې له شعر و شاعرۍ سره مينه لرله، وخت پر وخت يې نثري ليكنې او شعرونه په خپرونو كې راڅرګندېدل. په شعر كې يې د ټولنې او طبيعت ځينې داسې انځورګرۍ ترسترګو كېږي، چې زموږ د وګړو ذهني او رواني غوښتنې او هيلې خړوبوي او انځوروي، د لرغونو شاعرانو د ډېرې ژورې او هر اړخيزې مطالعې له كبله د هغوى له شعري ځواك څخه اغېزمن ښكاري، د شعر ترڅنګ يې د نورو خورو ورو مقالو شمېر هم ډېر دى، چې ځينې يې د هېواد په بېلا بېلو مهالنيو خپرونو كې خوندي دي.
نوموړي ښاغلي پر 1379ل كال د ورپېښې ناروغۍ له كبله له دې نړۍ څخه سترګې پټې كړې او پاتې ژوند يې موږ ته راوباښه.
دا هم دنوموړي ارواښاد يوه شعري بېلګه:
 

 Site designed and administrated by Tolafghan.com 2003 webmaster@shirzad.de