خالد احمدحيدري

خالد احمد حيدري چې اصل نوم يې بهاالدين دى، د جنرال سيد نجم الدين حيدري زوى د1359لمريز كال د غبرګولي پر18 مه نېټه په كابل ښاركې زېږېدلى دى، پلرنى ټاټوبى يې د كندهار ښار د ارغنداو سيمه ده. له نهو كلونو را په دېخوا شعرونه ليكي او يوه ټولګه يې برابره كړې ده.
دى هڅه كوي چې د شعر په ژبه نوې موضوعګانې بيان كړي او د نوښت پر لوري ګامونه واخلي، يو نيم ځاى يې د نورو پر پله د تلو هڅه كړې ده؛كېدى شي په راتلونكي كې دشعر اّر جوهر ته په پام سره خپل شعر ته د نوښت او شعر توب رنګ وبښي، له ساده بيان او عاطفې څخه يې څرګندېږي چې په غزل كې به تر څه هڅې وروسته خپله لار هم بېله كړي او هغه بري ته به ور لنډ شي چې د لږو كسانو لاسونه وررسېږي.
دښاغلي حيدري لپاره دا غوره كار دى چې په خپل شعر كې ځان ته دريځ ولري، هېڅكله د بل چا په خوښه څه ونه ليكي، خو موږ پر دې باندې باور لرو چې حيدري صيب هنر ته ارزښت وركوي او خپل شعر به د هنر په جوهر نور هم ښكلى كړي، كه له تكراري تركيبونو، سمبولونو، استعارو او تشبيه ګانو څخه يې خپله فاصله نوره هم ډېره كړه او نوښت ته يې پاملرنه وكړه، شعر به يې نور هنري او ادبي ارزښت هم خپل كړي.

 Site designed and administrated by Tolafghan.com 2003 webmaster@shirzad.de