محمد صلاح د کال غوره افریقایی فوتبالر شو
په افریقا کې د بي بي سي د کال سپورتي څېره د لېورپول لوبډلې مصری لوبغاړی محمد صلاح غوره شوی دی. ده د څه باندې ۶۵۰ زرو تنو رایې ګټلې دي. دا دویم پرله پسې کال دی چې محمد صلاح دغه لقب تر لاسه کوي.
پاکستان په ۱۷نیټه د طالبانو او امریکا ترمنځ اسلام اباد کې جرګه جوړوي
د پاکستان صدراعظم وایي ډېر ژر به طالبان د اسلام آباد په کوربه توب له امریکا سره خبرو ته کېنوي. ده ویلي چې په ۱۷ نیټه دواړو خواوو د جرګه کېدو هوکړه کړې چې که ددې میاشتې نیټه وي نو دوشنبه به دغه جرګه وشي.
کونړ: هوايي بمبارۍ کې ملکي خلک وژل شوي
د کونړ ځايي روغتون مسوولین وايي، د پېښې له ځایه ۱۵ ټپي شوي کسان وروړل شوي دي. عیني شاهدانو بي بي سي ته وویل، د یو شمېر وسله والو طالبانو تر څنګ یې دغه پېښه کې وژل شوي اته ماشومان هم خاورو ته سپارلي دي.
محصلینو د 'توکمپال' مهاتما ګاندي مجسمه ونړوله
د اکرا پوهنتون یو شمېر استادان او محصلین چې د ګاندي مجسمې لرې کولو کمپاین یې کړی وايي، ګاندي توکمپال و او هندیان یې تر افریقایانو 'غوره' بلل. په ۲۰۱۶ کال کې د دغه پوهنتون یو شمېر استادانو او محصلینو د دغې مجسمې لرې کولو کمپاین له هغه لږ وروسته پیل کړ، چې د هند پخواني ولسمشر د دغې مجسمې پرانیسته وکړه.
افغان جګړه؛"د طالبانو د جنګي قومندانانو له منځه وړل زیاتېږي"
رویټرز خبري اژانس د ځینې افغان امنیتي چارواکو له خولې وايي، د طالبانو د جګړې د ډګر هغه قومندانان په نښه کېږي، چې د سولې خبرو مخالف دي. د افغان حکومت یوه لوړپوړي چارواکي له نومپرته رویټرز ته ویلي: د طالبانو د جګړې د ډګر قومندانان د سولې هڅو خورا لوی خنډونه دي، ځکه هغوی په دې باور دي چې له پوځي پلوه بریالي کېږي.
یمن جګړه: حدیده کې پر اوربند هوکړه شوې
د یمن جګړه کې ښکېلو اړخونو په مهم ساحلي ښار حدیده کې پر یوه اوربند هوکړه کړې. دغه ښار د هېواد له دریو دوو برخو لپاره خورا مهم بلل کېږي.
''پاکستان کې د شخصي ښوونځیو څښتنان د زرو کانونه لري؟''
پاکستان سترې محکمې ویلي، شخصي ښوونځي باید د دوبي رخصتیو د فیس پنځوس سلنه بېرته د زده کونکو کورنیو ته ورکړي او یا یې د راتلونکي په فیسونو کې حساب کړي.
لاجورد لار؛ افغانستان له کراچۍ بندر پرته نړۍ سره نښلول کېږي
افغان ولسمشر نن "د ډیسمبر پر ۱۳ " هرات کې لاجورد لار پرانیستله، چې له مخې یې افغانستان په نوې او ارځانه لار خپل توکي تر منځني ختیځ، اروپا او افریقا رسولی شي. ویل کېږي افغان سوداګر د کراچۍ پرتله په کم وخت او کم لګښت سره خپل توکي له دې لارې لېږدولی شي.
"فرانسه کې بریدګر له 'الله اکبر' نارې وروسته ډزې وکړې"
د فرانسې پلازمېنه پاریس کې چارواکي وايي، ستراسبورګ ښارګوټي کې یوه بریدګر په کرسمس مارکیټ کې پر خلکو د ډزو له پیله مخکې 'الله اکبر ناره وکړه.' ځايي څارنوال ریمې هییتز وايي، د فرانسې دغه ختیځ ښار کې د یاد برید له کبله دوه کسان وژل شوي او ۱۲ نور ټپیان دي
د ولسي جرګې ټاکنې؛ له نږدې اونۍ ځنډ وروسته د کابل "رایې شمېرل بیا پیل" شول
د افغانستان د ټاکنو خپلواک کمېسون وايي، له نږدې اوو ورځو ځنډو رووسته یې بیا د ولسي جرګې د کابل رایې شمېرل پیل کړل. د ټاکنو خپلواک کمیسیون ویاند عزیز ابراهیمي له بي بي سي سره خبرو کې وویل، دې ادارې د ټاکنیزو شکایتونو کمېسون سره د رایو بیا شمېرلو پر نوي چلنلار هوکړه کړې او د هغه له مخې دا رایې بیا شمېرل کېږي.
پاکستان امریکا ته: د لږکیو خوندیتوب کې مشورې ته اړتیا نه لرو
د پاکستان د بهرنیو چارو وزارت وايي، امریکا د سیاسي موخو پر بنسټ دغه هېواد د مذهبي ازادیو د خوندیتوب په برخه کې تور نوملړ ته ور زیات کړی دی. دغه وزارت یوه بیان کې وايي، پاکستان د خپلو لږکیو د حقونو خوندي کولو کې د کوم هېواد مشورې ته ضرورت نه لري.
افغان حکومت د سولې د عالي مشورتي بورډ غړي اعلان کړي
د ملي امنیت شورا لخوا خپره شوې خبرپاڼه کې ویل شوي، چې د بورډ په غونډو کې به د حکومت پر مشرتابه او ځینو لوړپوړو چارواکو سربېره د ملي شورا د دواړو جرګو مشران، د دیني عالمانو د شورا مشر،د سولې د عالي شورا د دارالانشا مشر او یو شمېر جهادي او سیاسي مشران ګډون کوي.
کابل کې موټربم ځانمرګي برید ۴ افغان سرتېري وژلي
د افغانستان د کورنیو چارو وزارت وايي نن سهار د کابل پنځمې امنیتي حوزې اړوند سیمه کې د افغان امنیتي ځواکونو پر موټرو موټربم ځانمرګی برید شوی. د کورنیو چارو وزارت وایي، چاودنه کې څلور کسان وژل شوي او ۶ نور ټپیان دي. تر اوسه ددغه برید مسؤولیت کومې ډلې نه دی منلی.
د طالبانو جرمن جنګیالی شپږ کاله زنداني شو
د جرمني دوسلدورف کې محکمې ددغه هېواد یو وګړی په افغانستان کې د طالبانو په لیکو کې د جنګېدو په جرم په شپږ کاله بند محکوم کړی. دغه مخکېني طالب جنګیالي منلې چې په ۲۰۱۲ کال پاکستان ته تللی او پنځه کاله د طالبانو لیکو کې جنګېدلی.
افغان کارګر په قانوني توګه بهرنیو هېوادونو ته استول کېږي
د افغانستان کار او ټولنیزو چارو وزارت د لومړي ځل لپاره بهر ته د افغان کارګرو د لېږلو ستراتیژي اعلان کړه. یاد وزارت وایي، بهر ته د افغان کارګرو لیږلو ملي ستراتیژۍ له مخې يې تر اوسه یوازې له عربي متحده اماراتو سره تړون لاسلیک کړی.