د افغان ولسمشرۍ او درې نورو ټاکنو نوې نیټه اعلان شوه
د افغانستان د ټاکنو خپلواک کمیسیون د ولسمشریزو ټاکنو نوی مهال وېش اعلان کړ. کمیسون وايي، د ولسمشرۍ سره هم مهاله به په یوه ورځ، غزني کې د ولسي جرګې ځنډېدلې، د ولایتي شورا او ولسوالیو شوراګانو ټاکنې هم د راتلونکي کال د چنګاښ پر ۲۹مه ترسره شي.
پاکستان په جعلي اسنادو ګومارل شوي پیلوټان شړلي
د پاکستان د ملي هوايي کرښې 'پي ای اې' شرکت د درېیو پیلوټانو په ګډون ۵۰ کارکوونکي له دندو شړلي. سترې محکمې ویلي، په دوی کې داسې پیلوټان هم شته چې ان په ګاډي چلولو هم نه پوهېږي.
'د کورنیو چارو وزارت کارکونکي به سفارتونو ته بې اجازې نه ځي'
د افغانستان کورنیو چارو وزارت وايي، د وزارت هېڅ یو کارکونکی یا پولیس د دغه وزارت مشرتابه او یا استخباراتي څانګو ته له ویلو پرته سفارتونو ته نه شي تللی.
اسدالله خالد: ښارونو کې مېشت ځواکونه به د جګړې کرښو ته استول کېږي
د افغانستان د دفاع سرپرست وزیر اسدالله خالد د خپل کار پر لومړۍ ورځ وویل، له دې وروسته به د جګړې بڼه بدلېږي او په ښارونو کې متمرکز ځواکونه به د جګړې کرښو ته استول کېږي او د وسله والو مخالفینو پر پټنځایونو به بریدونه کوي.
د داعش جرمنۍ غړې خپله لور 'له تندې وژلې'
د "اسلامي دولت" ډلې یوه پخوانۍ جرمنۍ غړې له دې کبله له جنګي جرم سره مخامخېدونکې ده چې د لمر وړانګو ته یې په لورولۍ د یوې نیول شوې ایزدۍ نجلۍ ژغورلو کې پاتې راغلې او د لمر وړانګو ته له تندې مړه شوې ده.
لویې څارنوالۍ د فوټبال فدراسیون مشر ممنوع الخروج اعلان کړ
افغان لویې څارنوالۍ د فوټبال فدراسیون مشر کرام الدین کریم او د فدراسیون څلورو نورو کارکوونکي ممنوع الخروج اعلان کړل. پر دغو کسانو تور پورې دی چې د فوټبال یوشمېر ښځینه لوبغاړې یې په جنسي ډول ځورولي دي.
سعودي افغان حکومت او طالبان جده کې خبرو ته وربللي
د افغانستان د سولې عالي شورا وايي، ټاکل شوې سعودي عربستان له افغان حکومت او طالبانو سره د سولې خبرو ته د زمينې برابرولو بله غونډه نژدې راتلونکې کې په سعودي کې وشي. بل اړخ ته د طالبانو ویاند ذبیح الله مجاهد وايي، د بلې غونډې په اړه بحثونه لا وروستي شوي نه دي.
پر افغان سوله د پاکستان او امریکا د پوځي چارواکو خبرې
په افغانستان کې د غوڅ ملاتړ ماموریت امریکایی قومندان جنرال سکاټ میلر د سعودي عربستان په کوربتوب د افغان سولې لپاره د یوې بلې غونډې په درشل کې پاکستان ته تللی او له پاکستاني لوري سره یې د خبرو اصلي موضوع په افغانستان کې د سولې لپاره روانې هڅې وې.
له نواز شریف وروسته پر زرداري هم د سفر بندیز ولګېد
د پاکستان حکومت د دې هېواد پر پخواني ولسمشر اصف علي زرداري د سفر بندیز لګولی. پر ده د پیسو سپینولو او په ناقانونه توګه له هېواد بهر د پیسو لېږلو تور دی. دا پرېکړه پنجشنبه د لومړي وزیر عمران خان تر مشرۍ لاندې د کابینې په غونډه کې وشوه.
قومندان قیصاري د ملي امنیت له بنده خوشی شو
د افغان ولسمشر د لومړي مرستیال عبدالرشید دوستم ځانګړی استازی نظام الدین قیصاري د ملي امنیت له بنده خوشی شوی دی. ښاغلی قیصاري شپږ میاشتې مخکې له بشري حقونو د سرغړونې په تور د امنیتي ځواکونو لخوا په فاریاب ولایت کې نیول شوی و.
امریکا او برتانیا: دفاعي سیستم د روسیې د نوي توغندي مخه نشي نیولی
د امريکا او برتانيا د امنيتي مالوماتو د شورا اجراييه رييس پاول انگرم وايي، دفاعي سيستمونه د روسیې د نوي توغندي مخنيوى نشي کولى. له دې مخکې د روسیې ولسمشر وویل، داسې ستراتيژيک توغندى یې ازمويلى چې غږ یې له رفتاره چټک دى او د دفاعي توغنديو د سيستمونو اوسني او راتلونکي نسل ته ماتې ورکوي.
د برتانیا کورنیو چارو وزیر: پر ماشومانو ډېری تېري کوونکي پاکستاني نژاد دي
د برتانیا کورنیو چارو وزیر وايي، څرګنده ده چې دغه هېواد کې له ماشومانو سره ډېر جنسي زور زیاتی کونکي پاکستان الاصله دي.
"له طالبانو سره به د ایران خبرې دوام ولري"
د ایران د ملي امنیت عالي شورا منشي علي شمخاني کابل ته د خپل سفر په ترڅ کې ویلي، افغان حکومت له طالبانو سره د ایران له اړیکو خبر دی، او دا اړیکي به دوام وکړي. تهران ټینګار کوي چې له طالبانو سره یې اړیکه په دې مانا ده، چې هغوی له افغان حکومت سره د سولې خبرو ته وهڅوي.
د سوريې پلازمينې دمشق ته څېرمه پر وسله کوټ د اسرائیل هوايي برید
تېره شپه د سوريې پلازمېنې دمشق ته څېرمه د درنو چاودنو غږونه اورېدل شوي، چې د سوريې پوځ وايي په یوه وسله کوټ د اسراییل د هوايي بریدونو له امله وو. دغه برید په ګولان غونډیو کې د شپې له خوا د اسراییل پر پوځي پوستو د غنديز برید په ځواب کې شوی و.
کندهار عینو مېنه کې پر بلوڅانو ځانمرګی برید شوی
د کندهار ښار په یوه تر ټولو خوندي سیمه عينو مېنه کې ځانمرګى بريد شوى او پنځو تنو ته یې مرګ ژوبله اړولې ده. په سیمه کې ځینو سرچینو بي بي سي ته ویلي، د برید هدف هلته د مېشتو بلوڅانو یوه کورنۍ وه. خو ولایتي چارواکي دا خبره نه تائیدوي