د اسټریا چانسلر: یورپي ملکونه دې د "پولېټیکل اسلام" په ضد محاذ جوړ کړي
د جرمني ډای وېلټ ورځپانې سره مرکه کې غواړي چې د برداشت بې ځایه تصور ختم کړی شي او د یورپ ټول قامونه "دا احساس کړي چې د (پولېټیکل اسلام) سیاسي اسلام نظریه زمونږ ازادۍ او د یورپ د ژوند لارې دپاره څومره خطرناک دی."
د آشنا تلویزیون د پنجشنبې خپرونه
د افغانستان، سیمې او نړۍ تازه خبرونه او ډیر نور په زړه پوري راپورونه
امریکا افغان پوځ ته په سلګونو جنګي وسایل او تجهیزات ورکوي
په افغانستان کې د ناټو د غوڅ ملاتړ ماموریت وايي چې سلګونه جنګي وسایل او تجهیزات د افغانستان د ملي دفاع وزارت ته سپاري.
امریکې د ګندهاره تهذیب لوټ شوي پخواني اثار پاکستان ته بېرته ورکړي
د خېبر پښتونخوا د لرغوني اثارو او د عجاېب ګرو محکمې مشر عبدالصمد په دې حقله وي او ای ډيوې ته څه داسې ووېل: "بلکل په امريکه کې د ګندهاره د اثارو څه سامان ترلاسه شوی دی،او دا به پاکستان ته واپس راځي. دلته لا رارسېدلی نه دی، هغلته کونسل جنرل ته يې حواله کړی دی."
امریکا د انتخاباتو دوه ورځې وروسته لا هم ګټونکی معلوم ندی
د امریکا د متحده الاتو د جمهوري ریاست د انتخاباتو څخه دوه ورځې تیرې شوې، خو تر اوسه د انتخاباتو ګټونکی ندی څرګند شوی.
د ولسمشر ټرمپ کمپېن ټېم په دریو ایالتونو کې د رایو شمېرلو درولو لپاره عدالت ته ورغلي
د ولسمشر ټرمپ کمپاین د نومبر پر څلورمه په بیان کې وویل: "د مېشيګن دعوې عدالت ته یې مقدمه وړې چې د رایو شمېرنې بهیر دې دوی ته له قانون سره سمه تر رسایۍ ورکولو پورې ودروي."
هند په فبرورۍ کې د کرونا ضد واکسین تطبیق پیل کوي
د هند د حکومت یو مقام ویلي چې د حکومت په ملاتړ د کروناویروس ضد جوړ شوی واکسین به ښایي د فبرورۍ په میاشت کې تطبیق کولو ته تیار وي.
د کوسوو ولسمشر هاشم تاچي له دندې استعفا وکړه
د کوسوو ولسمشر هاشم تاچي وروسته تر دې له دندې استعفا وکړه چې خبر شو په جنګي او بشر ضد جرمونو تورن شوی دی. تاچي په ۱۹۹۰ مه لسیزه کې له صربیا نه د ازادۍ غوښتلو په جګړه کې د چریکیانو یو مشر و. نوموړي نن د نومبر په پنځمه پریستینا کې خبریالانو ته وویل، سرچینو یې ملعومات ورکړي چې د کوسوو د متخصصانو خونې پر ده لګول شوي تورونه تصدیق کړي دي. ده له وړاندې ژمنه کړې وه چې که تورن وپیژندل شي، استعفا ورکوي. بل لورته ټاکل شوې د کوسوو د پارلمان پخوانی مشر به په هاګ کې د جنګي جرمونو او بشرضد جنایتونو له رسمي تور سره مخامخ شي. یاکوب کراسنیکي چې پخوا جګړه کې د چریکیانو رهبر هم پاتې شوی، له نیول کېدو وروسته هاګ ته لیږدول شوی دی. د هاګ د جنګي جرمونو څارنوالانو د ځایي پولیسو په همکارۍ پرون د نومبر په څلورمه یاکوب توقیف کړ. یاکوب د کوسوو د ازادي غوښتونکي پوځ ویاند و او د خپلواکۍ له اخیستو وروسته د پارلمان مشر او کم وخت لپاره سرپرست ولسمشر هم پاته شوی. پر نوموړي تور دی چې د ۱۹۹۸ او ۱۹۹۹ کلونو پر مهال جګړه کې یې جنګي جنایات کړي دي.
د امریکا انتخابات؛ جوبایډن د ټاکنیز کالج ډېرې رایې ګټلي
د امریکا په ولسمشریزو ټاکنو کې ډیموکراټ نوماند جوبایډن د ټاکنیز کالج ډېرې رایې ترلاسه کړي دي. د بایډن دغه رایې ۲۵۳ او د سیال یې ډونالډ ټرمپ ۲۱۳ ښودل شوي دي. که هر کاندید د ټاکنیز کالج ۲۷۰ رایې پوره کړي، د ولسمشر په توګه ټاکل کېږي. بایډن په میشیګن او ویسکانسن ایالتونو کې له ټرمپه مخکې شو، دا هغه ایالتونه و چې ۲۰۱۶ میلادي کال ټاکنو کې ټرمپ ډېرې راېې په کې وړې وې. د امریکا له ټاکنو یوه ورځ وروسته هم معلومه نه ده چې کوم نوماند بریالی دی. دا مهال په څلوور ایالتونو اریزونا، جورجیا، پنسلوانیا او نیوادا کې د رایو شمېرل دوام لري. ټاکنې دغلته یو څه لانجمنې شوي، ځکه ولسمشر ټرمپ له شواهدو پرته ویلي چې رایه ورکونه او د رایو شمېرنه کې لویې ستونزې وې. د امریکا په بېلابېلو ښارونو کې بیا د ټرمپ زرګونه مخالفان سړکونو ته راوتلي او د ټاکنو له مسولینو غواړي چې د رایو شمېرنه بشپړه کړي.
د سولې ولسي حرکت غړي د(لړم ۱۶مه) د امریکا سفارت مخې ته خیمه دروي
د سولې ولسي حرکت غړي سبا جمعه(د لړم ۱۶مه) په کابل کې د امریکا سفارت مخې ته خیمه دروي. دوی نن پنجشنبه (د لړم ۱۵مه) له ننګرهار څخه کابل ته ورسېدل. ددې حرکت مشر اقبال خیبر وايي، له ننګرهار څخه د ګڼ شمېر قومونو مشران له دې حرکت سره یوځای شوي او سبا به د امریکا سفارت مخې ته د پرلت خیمه ودروي. ښاغلی اقبال وايي، دوی سبا د امریکا سفارت مخې ته له دغه هېواد څخه په افغانستان کې د اوربند غوښتنه کوي. د هغه په خبره، افغان حکومت او طالبان دې د جګړې د درېدو لپاره له سخت دریځۍ څخه لاس واخلي او د افغان وژنې روانه لړۍ دې ودروي. د ننګرهار یو شمېر قومي مشران چې د دې حرکت سره یوځای شوي وايي، طالبان او افغان حکومت د اوربند په ټینګښت کې پاتې راغلي او اوس دې امریکا په دې برخه کې لاس په کار شي. دوی همدا راز له ښکېلو خواوو د تاوتریخوالي د کمېدو غوښتنه هم وکړه. ددغه حرکت غړي په داسې حال کې کابل ته رسیدلي چې د خپاره شویو راپورونو پر بنسټ د جګړې د ښکېلو خواوو له لوري د تاوتریخوالي کچه له پخوا ډېره شوې.
ټوېټر او فېس بک د امریکايي انتخاباتو په اړه د ناسمو معلوماتو د خپرېدو په ضد ګامونه اخېستي دي
د شورو، چهارشنبې، په ورځ ټوېټر د صدر ډانلډ ټرمپ د څلورو ټویټونو د شریکوولو صلاحیت محدود کړو او د لوستونکو پام یې د انتخاب او د دې د امنیت په اړه معلوماتو ته وګرځوولو
دکرونا دویمه څپه:پاکستان کې دتعلیمي ادارو د نه تړلو پرېکړه شوې
پاکستان کې د کرونا وایرس د دویمې څپې په چټکتیا سره د خوریدو باوجود هم حکومت پرېکړه کړې ده چې په ګرد هیواد کې به تعلیمي ادارې پرانستې پرېښودل کیږي.
افغان میرمنې د امریکا له راتلونکي ولسمشر څه غوښتنې لري؟
د امریکا د متحده ایالاتو له ټاکنو څخه یوه ورځ وروسته یو شمیر افغان میرمنې د امریکا له راتلونکې ولسمشر څخه غواړي چې په افغانستان کې د ریښتینې ډیموکراسۍ د تحقق په برخه کې له هغوی څخه ملاتړ وکړي.
امریکايي انتخاباتو کې باېډن مخکې خو د ځینو ایالتونو نتېجې لا پاتې دي
د امریکا موجوده صدر ډانلډ ټرمپ سره هم د ګټې یوه لاره شته، که چرې هغه ریاستونه بیرته وګټي په کومو کې جو باېډن مخکې دی. دا وخت صدر ټرمپ په پینسلوینیا، جارجیا، نارت کیرولاینا او الاسکا کې وړاندې دی چرته چې لا هم پوره ووټونه نه دي شمارل شوي.
کروناویروس؛ افغانستان کې ۱۲۱ تازه مثبتې پېښې ثبت شوې
د افغانستان د عامې روغتیا وزارت معلومات ښيي چې په دغه هېواد کې د کروناویروس مثبتې پېښې مخ په زیاتېدو دي او په تیرو ۲۴ ساعتونو کې ۱۲۱ کسان په دغې ناروغۍ اخته شوي دي.
