ټول   BBC ازادي راډیو امریکا غږ ډیوه


سوريه کې تازه بمبارۍ

د سوریې حلب کې د ملکي دفاع خپلې خوښې کارکوونکي وايي د حکومت مخالفو ډلو تر ولکې لاندې سيمو کې هوايي بريدونه بيا پيل شوي دي. ملګري ملتونه وايي د حلب لروبر نژدې دوه ميليونه خلک اوبه نه لري.

24.09.2016 BBC

پاکستان کې عصبي ناروغان

پاکستان کې څه د پاسه ۱۵ ميليونه وګړي له رواني ناروغيو رنځېږي. خو د دغه هېواد ۱۸۰ ميليونو وګړو لپاره د روانې ناروغويو يوازې پنځه روغتونونه چلېږي. د پنجاب زړه کې بيا د صوفيانو يو زيارت د رواني ناروغانو په استوګنځي اوښتی، چې ځينې يې زندان بولي.

24.09.2016 BBC

د ترکي ښوونځيو د تړلو ننګونې

ترکيه کې د تېر جولای ناکامې کودتا پر سر راپورته شوې شخړه کې زرګونه کسان نيول شوي او ګڼ شمېر نور له حکومتي دندو لرې کړی شوي دي. پر دوی تور دی چې د امريکا مېشتي ترکي ملا فتح الله ګولن د پټې شبکې غړي دي.

24.09.2016 BBC

جنرل نیکولسن: پاکستان د حقاني پر ضد کافي اقدامات نکوي

په افغانستان کې د امریکايي او ناټو ځواکونو عمومي قومندان جنرال جان نیکولسن وایي چې پاکستان د حقاني شبکې د ځپلو لپاره کافي اقدامات نه دي کړي. د حقاني شبکه په افغان او نړیوالو ځواکونو باندې په پیچلیو او خطرناکو بریدونو تورنه ده او ویل کیږي چې دغه شبکه په پاکستان کې فعاله ده او دغه هېواد یې ملا تړي. ښاغلي نکولسن د جمعې په ورځ د امریکا د دفاع په وزارت پنټګان کې خبریالانو ته وویل چې د افغانستان ګاونډی پاکستان "پر حقاني شبکې پوره فشار نه دی راوستی. حقاني په افغانستان کې خپل عملیات روان ساتلي دي، په خاص ډول کابل او په ورڅېرمه سیمو کې امریکایي، ناټو او افغان ځواکونو ته خطرونه پېښ کړي دي". په اصل کې همدې مسئلې د واشنګټن، اسلام اباد او کابل اړیکې هم خرابې کړي دي، خو پاکستان دا خبره ردوي او وايي چې د اورپکو پر ضد له کوم توپير پرته اقدامات کوي او دا نه مني چې د کومې ترهګرې ډلې مرکز دې په پاکستان کې دننه وي. ښاغلي نیکولسن دا خبره هم وکړه، چې افغان ځواکونو چې د دغې شبکې د مشر سراج الدین حقاني ورور، انس حقاني، چې نیولی و، د مرګ سزا ورته اورول شوې ده. ولسمشر محمد اشرف غني تر سخت فشار لاندې دی چې باید انس حقاني اعدام کړل شي. تراوسه د جنرال جان نیکولسن د دغو څرګندونو په اړه پاکستان کوم غبرګون نه دی ښودلی. افغان حکومت په وار وار اسلام اباد د طالبانو په ملاتړ او په افغانستان کې د جنګ په روان ساتلو تورن کړی دی. ولسمشر غني واک ته له رسېدو وروسته اعلان وکړ، اسلام اباد له کابل سره په یو نا اعلان شوي جنګ کې ښکېل دی.

24.09.2016 امریکا غږ

جنرال نېکولسن: د افغان او امنيتي ځواکونو جګړه په ټپه ولاړ حالت کې ده

په افغانستان کې د ناټو او امريکايي ځواکونو قومندان جنرال جان نېکولسن ويلي چې د افغان او امنيتي ځواکونو جګړه په "ټپه ولاړ حالت ته رسېدلې" ده. دی وايي چې د داعش پر ضد خپلو عملياتو ته به دوام ورکړي.

24.09.2016 BBC

امریکا د افغانستان د شپږو پېړیو تاریخي اسناد کابل ته وسپارل

د کانګرس کتابتون دغه اسناد افغانستان ته وسپارل.

24.09.2016 امریکا غږ

د ټاکنو د کمیسیونونو د غوراوي کمېټې د کار د پيل لپاره نیټه وټاکل شوه

ولسمشرغني د ټاکنیزو کمیسیونونو د غړو د ټاکنې لپاره د غوراوي د کمېټې د کار د پیلولو زماني موده ټاکلې او د چارو له ادارې یې غوښتي چې ژر دې د دغې کمېټې د کار پيل ته لاره پرانیځي.

24.09.2016 امریکا غږ

محقق: د ملي یووالي حکومت تازه مزل پیل کړی

د افغانستان د اجرائیه ریاست دوهم مرستیال حاجي محمد محقق وایي، چې د ملي یووالي حکومت ایله په پښو دریدلی او هیله ده چې حالت ښه شي.

24.09.2016 امریکا غږ

د واشنټګن ایالت د برید تلفات پنځو کسانو ته ورسېدل

د امریکا د واشنګټن ایالت پولیس وايي د ارلینګټن په سیمه کې د سوداګرۍ په یو لوی مارکیټ کې د برید تلفات پنځو کسانو ته ورسېدل.

24.09.2016 امریکا غږ

په بلوچستان کې د پښتني کلتور نړیواله ورځ ولمانځل شوه

د پاکستان د بلوچستان ایالت په مرکز کوټه او نورو سیمو کې د پښتني کلتور د ورځې لمانځلو لپاره مختلفې غونډې او مراسم جوړ شول. د دې ورځې په مناسبت په کوټه کې پښتو اکېډمۍ هم یوه غونډه جوړه کړې وه.

24.09.2016 BBC

په بنگله دېش کې د افغان لوبډلې هيلې

افغانستان د سپتمبر له ٢٥ مې ڼېټې له بنگله دېش سره د هغوى په کور کې درې يو ورځنۍ لوبې لري. پخوا د دغو دواړو لوبډلو ترمنځ په يوازينۍ لوبه کې چې د بنگالي لوبډلې په کور شوې وه افغانستان بريالى شوى و.

24.09.2016 BBC

سالنګ کې د څرخي پله د زندان د مسؤولینو پر کاروان برید وشو

د بغلان ولایت سیمه ایز چارواکي وايي، نن سهار وسله‌والو طالبانو په شمالي سالنګ کې د څرخي پله زندان د مرستیال پر کاروان راکټي برید وکړ، چې په کې درې تنه ووژل شول.

24.09.2016 امریکا غږ

پاکستاني او روسي سرتېري نن ګډ پوځي تمرینات پیلوي

د پاکستان او روسیې ګډ پوځي تمرینات نن پیلیږي، د پاکستان د پوځ ویاند جنرال عاصم باجوه په ټویټر کې لیکلي دي چې دا تمرینات به د اکتوبر تر لسمې دوام وکړي. تر دې مخکې روسیې خبر ورکړی و چې د دوی اویا سرتېرې پاکستان ته رسېدلي دي. دا پوځي تمرینات په داسې وخت کې ترسره کېږي چې د امریکا د متحد ایالتونو اړیکي په سیمه کې د پاکستان له سیال، هند سره تودې شوې دي. پاکستان په ۲۰۱۴ کال کې له روسیې سره د پوځي همکاریو تړون لاسلیک کړ. د پاکستان د پوځي چارو څيړونکي حسن عسکري فرانس پریس اژانس ته وویل چې دا تمرینات د دې څرګندوي کوي چې روسیه غواړي په جنوبي اسیا کې خپل اغېز پراخ کړي او ښکاره ده چې دا مساله د واشنګتن او نوي ډیلي له نویو اړیکو سره ارتباط لري.

24.09.2016 ازادي راډیو

"افغان طالبان یواځې پر ۱۰٪ نفوس کنټرول لري"

د امریکا چاپ واشنگټن پوست په افغانستان کې د بهرنيو ځواکونو د مشر جنرال نيکولسن هغه وينا مهمه بللې چې وايي، طالبان د دغه هېواد پر ١٠ سلنې نفوس ولکه يا کڼترول لري.

24.09.2016 BBC

"د مسکو او واشنګټن پلان د سوریې د کړکېچ یواځنۍ حل لار ده"

د روسیې د بهرنیو چارو وزیر وايي، په سوریه کې د تاوتریخوالي د زیاتېدلو سره سره په دغه هیواد کې د جګړې د پای ته رسولو لپاره د مسکو او واشنګټن ترمنځ پر شوي تړون درېدل اړین دي او له دې پرته بله لار نشته.

24.09.2016 BBC

OK
This site uses cookies. By continuing to browse the site, you are agreeing to our use of cookies. Find out more