لوېدیځې غاړې ته د اسراییلي موسیقار سفر
مشهور اسرایلی موسیقار، ډنییل بارن بویوم په نژدې یوه لسیزه کې لوېدیځې غاړې ته تللی دی.
عصري انسانانو کله وده کړې؟
عصري انسانو لکه چې یې فکر کېده ښايي ۲۰۰ زره کاله وړاندې په ختیځه افریقا کې وده نه وي کړي.
داسې رسنۍ راوښایاست، چې پر حکومت نیوکه نه کوي
په هند کې ځینې خبریالان وايي، که پر حکومت نیوکه وکړي، نو کار یې د ملي ګټو پر ضد بلل کېږي.
د غلا تور، رونالډو وايي له هېچا نه ډارېږي
اسپانیا کې څارنوالانو د فوټبال پر مشهور لوبغاړي کرستیانو رونالډو تور پورې کړی، چې د مالیې نه ورکولو له کبله یې سلګونه زره یورو غلا کړې دي. نوموړي ویلي له هېچا نه ډارېږي.
د نړۍ سل ډېر شتمن چې شاه رخ خان هم په کې دی
یوې امریکايي مجلې د نړۍ په کچه د هغو سلو هنرمندانو نوملړ خپور کړی چې ډېرې پیسې ګټي. په دې ډله کې د هندي سنیما وتلی فلمی ستوری شاروخ خان او سلمان خان نومونه هم شته.
کرېکټ: د پاکستان لوبډلمشر وايي نیمه پایلوبې ته مو مورال لوړ دی
د ای سي سي اتلانو جام سیالۍ کې پاکستان له انګلستان سره نیمه پایلوبه لري.د پاکستان لوبډلمشر وايي مورال یې لوړ دياو د انګلستان پر وړاندې باید ډېره مثبته لوبه وشي. دا څلورم ځل دی چې پاکستان د دغې سیالۍ نیمه پایلوبې ته لاره پیدا کوي.
امرالله صالح استعفا کړې
په امنیتي سیکتور کې د افغانستان وزیر امرالله صالح استعفا کړې.
د مشال خان مور: زما خدای به له دوی نه غچ اخلي
پولیسو څو جوړې جامې، کتابونه او ۲۷۰ روپۍ د مشال خان کورنۍ ته سپارلي او ویل کېږي د هغه کمره، لپ ټاپ او موبایل ټیلیفون د لیلې له کوټې غلا شوي دي.
پښتونخوا کې ډرون "د حقاني شبکې قومندان وژلی"
ځينو سرچینو بي بي سي ته ویلي د پښتونخوا په هنګو کې د امریکا ډرون برید کې د حقاني شبکې يو قومندان په نخښه کړی. د دغه قومندان نوم ابوبکر یاد شوی.
د لس کلن اپ جوړونکي د نړۍ بدلولو خوب
د اپل شرکت په کنفرانس کې د نړۍ له هر ګوټه پنځه زرو پروګرام (اپ) جوړونکو ګډون کړی و. په دوی کې تر ټولو کم عمره د استراليا لس کلن يوما سوېريانټو و. نوموړی وايي غواړي داسې اپونه جوړ کړي چې په نړۍ کې "انقلاب" راولي.
د مینې په پار پر لندن برېج خلکو ته د ګلابو ډالۍ
د برتانوي مسلمانانو یوې ډلې د "مینې او یووالي" په پار پر لندن برېج خلکو ته ۳ زره ګلاب ډالۍ کړل. په دغه ځای کې نږدې اوونۍ وړاندې د ترهګریز برید له امله لسګونو کسانو ته مرګ ژوبله واوښته.
په موصل کې زهرجنو خوړو سلګونه کسان مسموم کړي
د عراق د موصل ښار چارواکي وايي، موصل ته څېرمه د کډوالو په یوه پنډغالي کې د روژه ماتي زهرجنو خوړو سلګونه کسان مسموم کړي دي. د کډوالو دغه پنډغالی د عراق د موصل او او ایربیل ښارونو ترمنځ پروت دی.
د افغانستان په اړه د امریکا تګلاره؛ بېلابېل غوراوي
د امریکا دفاع وزیر جېمز مټیس د دغه هېواد کانګریس ته ویلي، د افغانستان په اړه د تګلارې لپاره به بېلابېل غوراوي "ډېر ژر" وړاندې کړي. نوموړي د ولسي جرګې د وسله والو ځواکونو کمېټې ته ویلي، د افغانستان د مسلې هواري لپاره به سیمه ییزه تګلاره ولسمشر ټرمپ ته وسپارل شي.
پر ایران بندیزونه؛ هند ته د چابهار پراخولو خنډونه
لوېدیز تولیدوونکي د چابهار بندر د پراخولو لپاره له وسایلو برابرولو ډډه کوي، چې هند یې پروژه په غاړه اخیستې ده. دغه شرکتونه پر ایران د امریکا د نویو بندیزونو له لګېدلو اندېښمن دي او په غور سره ګام پورته کوي. چابهار بندر د عمان سمندرګي شمال پر غاړه او د هورمز تنګي اوږدو کې پروت دی.
"قطر کې حاکم نظام د القاعده خبرې کوي"
د عربي نړۍ په ورځپاڼو کې لا هم د قطر او څو نورو عربي هېوادونو ترمنځ دپلوماتیکه ستونزه د سر موضوع ده، په دې لړ کې د سعودي عربستان عکاظ ورځپاڼې په یوه مطلب کې لیکل شوي، که د تېروتنې په وړاندې زغم کېږي نو دا د دې معنی نه لري چې دغه ډول زغم دوام وکړي.
