د ۳ کارکوونکو له وژل کېدو وروسته د انعکاس ځینو خبریالانو دندې پرېښودې
له هغې وروسته چې نا معلومه وسله والو د ننګرهار په مرکز جلال اباد کې د انعکاس تلویزیون درې همکارانې ووژلې، د دغه تلویزیون ځینو نورو کارکوونکو استعفاوې ورکړې.
د کرونا ویروس د نوې څپې په اړه د روغتیا د نړیوال سازمان خبرداری
داسې مهال چې ځینو هېوادونو کې د کرونا وبا پر ضد د واکسینونو بهیر روان دی، د روغتیا نړیوال سازمان د کووېډ-۱۹ویروس د مخنیوي لپاره د تدابیر په نرمولو کې د احتیاط غږ کړی دی. دا مهال په برازیل او څو اروپايي هېوادونو کې د کرونا وبا څپه په زور کې ده او لا هم دا ویروس په ګڼو هېوادونو کې د خلکو روغتیا جدي ګواښ دی. امریکا کې له ۵۴ میلیونو زیاتو خلکو د واکسینو یوه ستن کړې د روغتیا نړیوال سازمان دا خبرداری د مارچ په پنځمه داسې مهال ورکړ چې امریکا متحده ایالاتو کې د واکسینونو پروسه روانه ده او تر اوسه تر۵۴ میلیونو څخه زیاتو امریکایانو لږ تر لږه د واکسینو یوه ستن کړې ده. نژدې ۲۸ میلیونه امریکایانو چې د دې هېواد اته سلنه وګړي جوړوي بیا د کووېډ-۱۹ واکسینونو دوره بشپړه کړې ده. په امریکا کې په کرونا د اخته کېدو نوې پېښې هم د روان میلادي کال د پیل په مقایسه راکمې شوي دي او ښارونه او ایالاتونه د محدودیتونو د کمېدو په خوا روان دي. اقتصادي فشار او د روغتیايي وضعیت ښه کېدل د هغو پر وړاندې د دلیل په توګه یادول کېږي چې وايي، د تدابیرو نرمول تر وخت مخکې دي. نیویارک کې د سینما ټیاټرونه نیمه پرانېستل شوي، په همدې ورځ کلفورنیا هم اعلان وکړ چې په ازاده فضا کې ځینو فعالیتونه په محدود ظرفیت کې پیلیدی شي. نورو ایالاتونو هم د محدودیتونو د کمولو اعلان کړی. په دې لړ کې د ټکزاس او مسیسیپي په څېر ایالاتونه هم شته چې د ماسک د لازمي کېدو پرته په بشپړه توګه کاروبارونه پرانیزي. په عین حال کې د ناروغیو د کنټرول او مخنیوي د مرکزونو یوې څېړنې هغه شواهد ور زیات کړي چې وايي، د ماسک کارول د کرونا ویروس خپرېدل ورو کوي او دا چې په رسټورانټونه کې ډوډۍ خوړل د کرونا پېښې او له کبله یې مړینې زیاتوي. اروپايي هېوادونو کې یې خپراوی په داسې حال کې چې نړۍ د کرونا پر ضد د واکسینونو په سیالۍ بوخته ده، په برازیل اروپا او ځینې نورو هېوادونو کې د دې ویروس چټکې پراختیا ته په پام د روغتیا د نړیوال سازمان د بیړنیو چارو یو مشر متخصص مایک ریان وايي، د کرونا وبا ختمېدو ته لا ډېر وخت پاتې دی. نوموړي یوې انلاین خبرې غونډې ته ویلي: "موږ فکر کوو چې موږ له دې وبا تېر شو، خو نه یو." هغه خبرداری ورکړی که احتیاط ونه شي ځینې هېوادونه به د کرونا له درېیمې او څلورمې څپې سره مخ شي. برازیل د کرونا وېروس نوې پېښې ثبت کړي برازیل په دې اوونۍ کې د کووېډ-۱۹ ویروس ریکارډ نوې پېښې او مړینې ثبت کړي چې د کووېډ-۱۹ د هغې بڼې شدت ښيي چې برازیلې یا (P1 ) یې بولي. په نوې پېښو کې زیاتوالي د دې هېواد پر روغتیايي سیستم فشار زیات کړی او ځینو سیمه ییزو ادارو نیمه ښاربندۍ اعلان کړي. د کرونا ویروس د (پي یو) بڼې په اړه باور دی چې تر نورو بڼو په اسانۍ خپریږي او همدارنګه د دې وړتیا لري، څو هغه کسان هم اخته کړي چې مخکې د کرونا په نورو بڼو اخته شوي او ترې رغیدلي دي. د ویروس دا بڼه تر اوسه نژدې شل هېوادونو ته رسیدلې ده. د روغتیا د نړیوال سازمان رئیس ټېډریوس اډهانوم ګیبریسېوس د برازیل وضعیت د "ډېرې اندېښنې" وړ بللی دی او د ممکنه سیمه ییزې څپې خبرداری یې ورکړی دی. په اروپا کې بیا د کرونا ویروس هغه بڼه چې برتانوي بڼه یې بولي تر پرتګال، پولنډ، یونان او تر فرانسې خپره شوې. داسې مهال چې دې هېوادونو کې د واکسینونو کمپاین روان دی، د ویروس دې بڼې په کرونا د اخته کېدو د یوې نوې څپې د راپورته کېدو ګواښ رامنځ ته کړی دی. چک جمهوریت کرونا سخته ځپلې چک جمهوریت چې کرونا ویروس سخت ځپلی، له جرمني، سویس او پولنډه مرسته غوښتې چې که د دې هېواد په کووېډ-۱۹ اخته لسګونو شدیدو ناروغانو ته خپلو روغتونونو کې ځای ورکړي ځکه خپله د چک روغتونونه خپل وروستي حد پورې په کووېډ – ۱۹ له اخته ناروغانو ډک دي. سربیا هم ځینې اقدامات کوي سربیا که څه هم په اروپا کې یو له هغو هېوادونو دی چې په پراخه پیمانه یې د واکسینونو عملي کول پیل کړي، خو بیا هم غواړي د دې اوونۍ پای کې غیرې ضروري کاروبارونه وتړي څو دغلته د کرونا زیاتیدونکې پېښې راکمې کړي. ایټالیا د نویو بڼو د زیاتیدونکې خپراوي مخه ونیسي ایټالیا هم په دې خاطر چې دې هېواد کې د کووېډ-۱۹د نویو بڼو د زیاتیدونکې خپراوي مخه ونیسي، محدودیتونه ځینې نورو سیمو ته پراخ کړی دي. په تېرو پنځو ورځو کې په ایټالیا کې په کرونا ویروس د اخته کیدو پېښې د تېرې اوونۍ د همدې ورځو په مقایسه په سلو کې ۲۳زیاتې شوي دي.
د پاکستان پارلمان عمران خان ته د باور رایه ورکړه
د پاکستان صدراعظم عمران خان نن شنبه د مارچ په ۶مه (کب۱۶) د هیواد له پارلمان څخه د بارو رایه تر لاسه کړه.
د اوزلوبې دویم پړاو؛ بلخ لوبډلې هرات ته ماتې ورکړه
د اوزلوبې د دویم پړاو په دویمه ورځ هرات د بلخ او بغلان د سرپل لوبډلې سره سیالي وکړه چې بلخ او سرپل خپل سیالو لوبډلو ته ماتې ورکړې.
" د انتخاباتو له لارې د واک د لېږد پر اصل جوړجاړی ممکن نه دی"
افغان ولسمشر محمد اشرف غني نن وویل، له انتخاباتو پرته واک ته د رسیدو بله لاره نه شته. غني د ملي شورا د دریېم کال، اولسمې تقنینې دورې د پرانیستې پر مهال همدارنګه وویل، د نړیوالې ټولنې تر مدیریت لاندې د انتخاباتو د نیټې په اړه " کولی شو خبرې وکړو او پایلې ته ورسیږو" ولسمشر غني په یو ډول له هغې طرحې سره چې د افغانستان د سولې لپاره د امریکا ځانګړي استازي زلمي خلیلزاد وړاندې کړې مخالفت څرګند کړ. د امریکا د بهرنیو چارو د وزارت یو لوړ پوړي چارواکي چې د موضوع د حساسیت له کبله یې نه غوښتل نوم یې یاد شي تر دې مخکې ویلي وو، وړاندې شوې طرحه کې د انتقالي مشارکتي حکومت په شمول څو انتخابونه شته.
په پاکستان دپورونو بار نور هم سیوا شوی دی،دولتي بینک
دپاکستان مرکزی بینک وائي د روان مالي کال ۲۰۲۱ وړومبیو اوؤ میاشتو کې په حکومتي پورونو کې ۱۱ فیصدي اضافه شوې ده اؤ د ملکی بینکونو څخه اخستل شوي پورونه ۱۲.۴ فیصدي او غیر ملکي قرضې ۷۰۴۲ فیصدي لوړې شوې دي.
اشرف غني پاکستان ته:افغانستان یو ازاد اؤ خپلواک هیواد وګڼئ اؤ واقعي سولې ته راشئ
دافغانستان ولسمشر ښاغلي اشرف غني په پاکستان غږ کړی چې باید خپل دتېرو لسیزو سیاست بدل کړي اؤ یو ازاد،خپلواک اؤ سرلوړی افغانستان ومني.
اترا: افغانستان کې د برېښنايي سیم (eSIM) ازمایښتي کارونه پیل شوه
د افغانستان د مخابراتي خدمتونو د تنظیم اداره یا اترا وايي چې د لومړي ځل لپاره یې د اي سیم (eSIM) ازمایښتي کارونه پیل کړی دی.
عمران خان د قومي اسمبلۍ نه د اعتماد په ووټونو کې کاميابي ترلاسه کړه
د پاکستان تحریک انصاف د حکومت وزيراعظم عمران خان د قومي اسمبلۍ نه 178 رايې ترلاسه کړې او د اعتماد په ووټونو اخستو کې کامياب شو.
د ولي خان بابر په وژنه تورنو ته اورل شوې سزاګانې غېرقانونه ګرځول شوې
په کراچۍ کې د وژل شوي خبريال ولي خان بابر په وژنه تورنو کسانو ته اورول شوې سزاګانې د سيند هايکورټ لاړکانې څانګې لاقانونه ګرځولي دي.
غني پاکستان ته: خپلواک افغانستان ومنئ
افغان ولسمشر محمد اشرف غني وایي، پاکستان باید خپل تیر سیاست ته په تغیر ورکولو سره افغانستان د یو خپلواک هیواد په توګه ومني.
شمالي وزيرستان: په نښته کې دوه وسله وال وژل شوي، پوځي سرتيری ژوبل
امنیتي سرچینې وايي د شمالي وزیرستان منظر خیل سیمه کې پوځ د وسله والو پرضد عمليات کړي او په دغه مهال نښته شوې دوه وسله وال پکې وژل شوي او يو پوځي سرتيری پکې ژوبل شوی دی.
هلمند کې موټر بمب چاودنې د ملي امنیت د څارنوالۍ رئیس وژلی
د هلمند ولایت د ملي امنیت د نظامي څارنوالۍ رئیس سید محمود سادات په موټر بم چاودنه کې وژل شوی دی.
د بشر حقونو کمېسیون د ۷ زړورو افغان مېرمنو په اړه د امریکا پرېکړه ستايي
د افغانستان د بشري حقونو خپلواک کمېسیون د امریکا د بهرنیو چارو وزارت هغه اقدام ستایلی چې ۷ افغان وژل شوېو فعالو مېرمنو ته د زړورتیا افتخاري اوارډ ورکوي. دغه کمېسیون پرون جمعه (د کب ۱۵مه) په یوه اعلامیه کې دا ۷ ښځې ۲۰۲۰ میلادي کال په هدفي بریدونو کې ووژل شوې. د بشري حقونو خپلواک کمېسیون په اعلامیه کې د اووه افغان مېرمنو په ډله کې د فاطمه ناتاشا خلیل یادونه شوې چې په خبره یې بشري حقونو ته متعهده وه او تل یې د افغانانو د ژوند د ښه کېدو لپاره هڅې کولې. د امریکا د بهرنیو چارو وزارت اعلان کړی چې سږ کال د مارچ په اتمه د ښځو د نړیوالې ورځې په مناسبت د نړۍ له ګوټ ګوټ یو شمېر زړورو ښځو ته اوارډونه ورکوي. په دې ډله کې له افغانستانه د فاطمه ناتاشا خلیل، جنرال شرمیلا فروغ، مریم نورزاد، فاطمه رجبي، فرشته، ملالۍ میوند او فرشته کوهستاني نومونه هم راغلي چې ۲۰۲۰ کال په هدفي بریدونو کې ووژل شوې. دا مېرمنې له پوځ رانیولې، تر ټلوېزیون او مدني ټولنو کې په فعالیت بوختې وې او پيژندل شوې څېرې وې. که څه هم طالبانو د ګڼو هدفي وژنو پړه رد کړې خو افغان حکومت تور پورې کړی چې د اکثرو دغو افغان فعالانو د قتل تر شا د وسله والو طالبانو لاس دی.
ملګرو ملتونو د ایران په سیستان بلوچستان صوبه کې د یو شمېر کسانو وژنه غندلي
رویټرز خبري اداره وايي ایران د هغه پېښې تحقیقات شروع کړي دي چې پکې د پاکستان په پوله دوه ایرانیان په ډزو وژل شوي دي او د ایران خارجه وزارت ویلي پاکستان د یو تن جسد ایراني چارواکو ته ورکړی دی
