د چا اتلان چې طالبان وي ملاله د هغويي اتله نه شي کیدی:فعالان
بشرپالان، روڼ پالي څېړونکي او کیڼ پالي سیاست دانان ګڼي د نوبل انعام ګټونکې پښتنې پېغلې ملالې یوسفزۍ سره په پاکستان کېناخوښه چلن په سرکاري کچه سخت دریځه بیانېې ته د ودې ورکولو په وجه کېږي. د فعالانو په اند د چا اتلان چې طالبان وي ملاله د هغويي اتله نه شي کیدی
پاکستان د افغان مشرانو د غونډې کوربتوب کوي
پاکستان په پام کې لري چې د سولې د بهیر او د بین الافغاني مذاکراتو د چټکیدو د هڅو په ترڅ کې د افغانستان د سیاسي مشرانو د کنفرانس کوربتوب وکړي.
اریانا سعید په کابل کې د افغاني برنډ جامو یو لوی سوداګریز مرکز پرانیست
په افغانستان کې له یو نا معلومه برخلیک څخه د اندېښنو په حال کې افغان مشهوره سندرغاړې اریانا سعید افغان مېرمنې اقتصادي ځان بسیاینې ته هڅوي. اریانا سعید له افغان مېرمنو وغوښتل چې د اقتصادي ځان بسیاینې لپاره هڅه وکړي. مېرمن سعید د چهارشنبې په ورځ «۱۴۰۰ کال د چنګاښ ۲۳» د افغاني برنډ جامو د یو سوداګریز مرکز د پرانیستلو پر مهال ازادي راډیو ته وویل، د یوې روښانه راتلونکې په هیلهیې په افغانستان کې پانګونه کړې ده. اغلې سعید زیاتوي: "زما هیله دا وه چې د هنر ترڅنګ په افغانستان کې پانګونه هم وکړم، زما پیغام افغان مېرمنو ته دا دی چې هېڅکله خپله روحیه له لاسه ورنهکړي او هڅه وکړي چې اقتصادي ځان بسیاینې په لور ولاړې شي، همدارنګه زدهکړې وکړي، کار وکړي، ولې افغانستان سل کاله وروسته پاتې شي؟" مېرمن سعید په خپل شخصي لګښت د چهارشنبې په ورځ په کابل کې د افغاني برنډ جامو د ډیزاین، نندارې او خرڅلاو یو لوی سوداګریز مرکز پرانیست. په دغو مراسمو کې یو شمېر سندرغاړو، ځوانانو، سوداګرو مېرمنو او خبریالانو ګډون کړی وو. یو شمېر مېرمنو چې په دغه پرانیست غونډه کې یې ګډون کړی و د دغه افغاني برنډ جامې نندارې ته وړاندې کړې. په ورته وخت کې په دې پرانیست غونډه کې یو شمېر سوداګرو مېرمنو د جګړې له ښکېلو غاړو وغوښتل چې له جګړې لاس واخلي څو مېرمنو ته لا کاري فرصتونه پیدا شي. فهیمه افغان ازادي راډیو ته وویل: "موږ یو نوی نسل یو او سوله مو یوازنۍ هیله ده، غوښتنه مو دا ده چې پرېږدئ مېرمنې زدهکړې وکړي، زه د یوې سوداګرې مېرمنې په توګه چې دلته مې پانګونه کړې نهشم ویلی چې راتلوکی برخلیک به مو څنګه شي، هېڅوک خپل راتلونکی نهشي تضمین کولای." دا په داسې حال کې ده چې په دې وروستیو کې په افغانستان کې د جګړو په تېزېدو سره د خلکو په ځانګړي ډول د مېرمنو ترمنځ وېره او اندېښنه زیاته شوې ده. خو لاهم شته داسې مېرمنې لکه اریانا سعید چې راتلونکي ته هیلهمندې دي چې د افغان دولت او نړیوالې ټولنې په ملاتړ به نهیوازې دا چې د تېرو دوو لسیزو لاسته راوړنې خوندي شي، بلکې مېرمنې به لا پرمختګ وکړي.
د رویترز رپوټ: د امریکایي ځواکونو د یو شمیر افغان همکارانو انتقال ژر پیل کیږي
د امریکا د متحده ایالاتو یو لوړپوړي مقام د رویترز اژانس ته ویلي چې امریکا ته د ځانګړې ویزې د یو شمیر درخواست کوونکو لیږد د جولای میاشتې د وروستۍ اونۍ څخه پیل کیږي.
جورج بوش د افغانستان نه د بهرنیو ځواکونو وتل "اشتباه" وبلله
جورج ډبلیو بوش، چې په ۲۰۰۱ کال کې د امریکا په مشرۍ د طالبانو د رژیم د پرځولو یرغل د هغه په امر پیل شو، د افغانستان څخه د امریکایي او ناټو ځواکونو وتل "یوه اشتباه" بللې ده.
د خوست ولایتي شورا غړې د طالبانو لهخوا د تښتول کېدو او راخوشې کېدو کیسه کوي
د خوست د ولایتي شورا غړې زهره جلال وایي، خپلې دندې او کارونو ته به دوام ورکړي. زهره جلال چې پرون سې شنبه ورځ د کابل-خوست له عمومي لارې د لوګر ولایت په اړوند سیمه کې وسلهوالو طالبانو ګرځولې وه، تېر ماښام ناوختهیې خوشې کړه. د طالبانو ویاند ذبیحالله مجاهد هم پرون ماښام ازادي راډيو ته تأیید کړه چې د دې ډلې غړو مېرمن جلال له ځان سره بيولې وه، خو ماښامیې بېرته له خپلو پنځو اولادونو سره ازاده کړه. نوموړې دا مهال خپل کور ته رسېدلې ده. په خوست کې د ازادي راډیو خبریال له زهره جلال سره مرکه کړې او په پیل کې یې ترې پوښتلي چې دا پېښه څنګه رامنځته شوه؟ د دې مرکې د اورېدو لپاره لاندې لېنک کېکاږئ:
عربي متحده اماراتو په اسرائیل کې سفارت پرانیست
عربي متحده اماراتو نن چارشنبه جولای ۱۴ (چنګاښ۲۳) په تل ابیب کې خپل سفارت پرانیست. دا د تیر کال راپدیخوا چې د امریکا په منځګړتوب دواړو هیوادونو اړیکې عادي کړي، د اړیکو د عادې کیدو تازه اقدام دی.
دعمران خان لخوا دمرورو بلوڅانو دپخلا کولو په بیان سینیټ کې تود بحث شوی
دپاکستان د وزير اعظم عمران خان لخوا دبلوڅ وسله والو سره خبرو باندې دغور کولو د بيان پسر پارليمان کې بحث دوام لري او دحکومت مخالفه پيپلز ګوند سينيټر رضا رباني د بلوچستان د شخړو سياسي حل لپاره دسيڼيټ دځانګړې کميټې دغونډې رابللو غوښتنه کړې ده.
امریکا: د چین په جنوبي بحر کې د چین سمندرې ادعاګانې غیرې قانوني دي
د امریکا د بهرنیو چارو وزیر انتوني بلینکن د چین په جنوبي سمندر کې د چین د ملکیت ادعاګانې "غیرې قانونې" وبللې او زیاته یې کړه چې متحده ایالات پدې موضوع کې د جنوب ختیځې آسیا د هغو هیوادونو سره ولاړ دي چې د چین د زور او فشار سره مخامخ دي.
ترکي وایي دکابل هوایي ډګر په امنیت یې امریکا سره خبرې روانې دي،خو لا پرېکړه نه ده شوې
په پاکستان کې دترکې سفیر احسان مصطفی یرداکل ویلي افغانستان څخه د امریکایي او اتحادي ځواکونو له وتلو وروسته دکابل پر هوایي ډګر دامنیت ذمه واریو ته د دوام ورکولو په اړه د ترکې او امریکا خبرې اترې روانې دي او په دې اړه څه پریکړه تر اوسه نه ده شوې.
کابل ښاروالۍ: د کرونا وبا د مخنیوي لپاره د ودونو په صالونونو بندیز ندی لرې شوی
د کابل ښاروالۍ وايي چې دغه ښار کې د کرونا ویروس د لا خپرېدو مخنیوي لپاره د ودونو پر سالونونو بندیز لا هم شته او تر راتلونکي امر پورې به عملي شي.
د ننګرهار ځینو رسنیو کې پاتې ښځینه ژورنالېستانې: له امنیتي ننګونو خوندي نهیو
د ننګرهار په یو شمېر رسنیو کې د ګوتو په شمېر پاتې ښځینه ژورنالېستانې چې په شکل د اشکالو له رسنیو سره کار کولو ته دوام ورکوي، وایي چې له امنیتي ننګونو خوندي نهدي. په ننګرهار کې د خبریالانو د خوندیتوب یو شمېر ټولنې هم چې د خبریالانو په ځانګړې توګه د ښځينه ژورنالېستانو پر وړاندې ګواښونو اندېښمنې کړي، له ټولو اړخونو غواړي چې د ژورنالېستانو خوندیتوب ته پاملرنه ډېره کړي. د دغو ټولنو د معلوماتو له مخې، د ننګرهار په رسنیز ډګر کې شااوخوا ۲۰ ښځينه ژورنالېستانو کار کاوه چې دمګړۍ یې ټولې په کور ناستې دي. هدیه نګاه په ننګرهار کې د یوه خصوصي ټلوېزیون ویانده ده، کومه چې شااوخوا ۱۰ ورځې وړاندې په جلالاباد کې له یوې امنیتي ننګونې سره مخ او له اندېښنې یې په کور ناستې ته اړ شوه. هدیه نګاه ازادي راډيو سره په خپلو خبرو کې وایي، لا هم د خبریالانو په ځانګړې توګه ښځينه خبریالانو ژوند خوندي نهدی او د هغې ورځې په ارمان ده چې یو ځل بیا لکه د پخوا پشان بېاندېښنې کار او خپلو ژورنالېستیکو فعالیتونو ته دوام ورکړي. هدیه نګاه د هغې صحنې کیسه کوي، کومه چې ۱۰ ورځې وړاندې کله چې له کوره دفتر ته پر لاره ورسره مخ شوه: "درې کسانو راپسې رامنډې کړې، یو کس چې وسلهیې په لاس کې وه، بېخي مې څنګ ته رانږدې شو، دوه نور یې چې وسلهوال وو، لږ وروسته وو، خو دا یو چې بېخي مې نور لاسته رانږدې و، د تفنګچې مرمۍ یې کش کړه او رکشا چلوونکي ته مې چې زهیې دفتر ته بیولم، وویل چې ودرېږه! کله چې رکشا چلوونکی په وضعیت پوه شو چې دا خو اوس برید کوي، نو په ډېره بېړه او تېزۍ سره وتوانېد چې له سیمې ووځي." هدیه نګاه زیاتوي، دې پېښې یې د دې او د دې د کورنۍ اندېښنې زیاتې کړي او غواړي چې تر یو څه وخته په یوه خوندې ځای کې له خپلې کورنۍ سره واوسي. ثنا بیا په ننګرهار کې د یوه خبري اژانس خبریاله وه، کومه چې له تېرو شااوخوا پنځو میاشتو راهیسې یې د امنیتي ننګونو له کبله کار پرېښی دی. دا په ټولو ښکېلو لورو د افغان خبریالانو په ځانګړي ډول د ښځينه ژورنالېستانو د خوندیتوب غږ کوي: "له حکومت څخه مې جدي غوښتنه دا ده چې د خبریالانو امنیت ته دې پاملرنه زیاته کړي، له ډلو چې خبریالان په نښه کوي، غواړم چې خبریالان نور په نښه نهکړي ځکه چې د خبریالانو دنده یوازې ټولنې ته خدمت کول دي." په ننګرهار کې د ښځينه ژرونالېستانو دغه اندېښنې په داسې حال کې دي چې په تېرو څو میاشتو کې په دغه ولایت کې د انعکاس خصوصي ټلوېزیون ۴ تنه ښځینه کارکوونکې ووژل شوې کومې چې دغلتهیې د نورو ښځينه ژورلېستانو زړونه مات، په کور ناستې او یا له کورونو کار کولو ته اړ کړې. دغو پېښو د خبریالانو د خونديتوب او ملاتړ ټولنې هم اندېښمنې کړې دي. په ختیځ کې د خبریالانو د خوندیتوب کمېټې مشر یوسف ظریفي ازادي راډيو ته وویل، په مکرر ډولیې تر ځایي مسؤلانو خپل غږ رسولی، خو په وینا یې، له هڅو سره سره بیا هم وضعیت داسې حد ته رسېدلی چې نږدې ټولو ځایي ښځينه ژورنالېستانو یې دنده پرېښې او په کورونو ناستې دي. ښاغلی ظریفي زیاتوي: "په دې وروستیو کې په ننګرهار کې د ښځينه ژورنالېستانو پر وړاندې اندېښنې ډېرې زیاتې شوې دي، خطرات شته دي، اوس د ډېری رسنیو ښځينه کارکوونکې په کور ناستې دي." بل لور ته د ننګرهار د والي ویاند عطاالله خوګیاڼی وایي چې ولایتي اداره د خبریالانو د خوندیتوب په برخه کې په ټول توان کار کوي او ټولو امنیتي حوزو ته لارښوونه شوې چې د خبریالانو د ژوند خوندیتوب ته ځانګړې پاملرنه وکړي. ښاغلی خوګیاڼی وايي: "په ننګرهار کې د خبریالانو د امنیت خوندیتوب او نورو برخو کې د پاملرنې په موخه ولایتي اداره په ټول توان کار کوي، خپله د ننګرهار والي له خبریالانو سره مستقیمې اړیکې لري، د دوی غوښتنو ته ځوابونه وایي، همدا شانیې اړوندو مسؤلینو ته سپارښتنه کړې چې هم د خبریالانو د امنیت خوندیتوب لپاره کار وکړي او هم په کاري چاپېریال کې یې د سهولتونو په برابرولو کې پوره همکاري وکړي." د یادونې وړ ده چې په ننګرهار کې تر ۱۰ ډېرې راډيوګانې او درې ټلوېزیوني شبکې فعالیت کوي چې پهکې د ننګرهار د خوندیتوب ټولنې د معلوماتو له مخې، تر ۲۰ زیاتې ښځينه کارکوونکې پهکې په دندو بوختې وې چې دمګړۍ نږدې ټولې یې په کور ناستې دي.
ملتان کې دمذهب په سپکاوي تورن تن وژونکي برید کې سخت ژوبل شوی
پاکستاني رسنۍ وایي دپاکستان دپنجاب ایالت ملتان ښار کې دمذهب دسپکاوي په تورونو د بند څخه په دې وروستیو کې په ضمانت خوشې شوی تن باندې وژونکی برید شوی چې پکې هغه سخت ژوبل شوی اؤ په ژوبل حالت کې روغتون ته رسول شوی دی.
ملګرو ملتونو د اختر ورځو کې په افغانستان کې د اوربند غوښتنه وکړه
په افغانستان کې د ملګرو ملتونو سیاسي استازوالۍ یا (یوناما) د راتلونکي لوی اختر په مناسبت په دغه هیواد کې د اوربند ټینګېدو غوښتنه کړې ده.
څېړونکي:دپاکستان افغان تګلاره افغانستان کې یوازې دهند دمخنیوي نه چورلي
په پاکستان کې وتلی څيړنکار پرويز هود بائي وايي پاکستان تل خپلو ګټو ته افغانستان کې په بل نظر کتلې دي، يو دا چې پاکستان په افغانستان کې دهند دنفوذ مخه په طريقه ونیسي، چې هند د افغانستان زمکه د پاکستان پرضد ونه کاروي، او دا پاليسي د جنرال اسلم بېګ له وخته راروانه ده.
