د الینګار ولسوالۍ لوړپوړي مسؤلین طالبانو سره د 'جوړجاړي' په تور نیول شوي
له طالبانو سره د " جوړجاړي" په تور د الینګار ولسوالۍ مسولین نیول شوي
کُرمه: نښته کې دوه پاکستاني سرتيري او درې ترهګر وژل شوي
د پاکستان پوځ ویلي په قبايلي ضلع کرمه کې د عملياتو په مهال د امنيتي سرتيرو او ترهګرو ترمنځ نښته شوې، دوه امنیتي سرتيري او درې ترهګر پکې وژل شوي دي.
لومړنی ښار کوم او ښارونه څه ارزښت لري؟
د ازادي راډیو اوونیز ژوند په شېبو کې پروګرام د افغانستان د ښارونو تاریخ ته ځانکړی شوی دی، په پیل کې به واورئ چې: لومړنی ښار کوم و؟ او ښارونه څه ارزښت لري؟ دا پروګرام د ازادي راډیو خبریاله فرشته مرسل جوړوي چې د لاندې لېنک په کېکاږلو سره یې اورېدلی شئ:
ترکي ته د طالبانو خبرداری: که افغانستان کې پاته شوئ په ضد مو "جهاد" کوو
طالبانو د نهې/سې شنبې په ورځ خبرداری ورکړ چې که ترکي په افغانستان کې خپل د شتون موده وغځوي، نو دوی به ترکي عسکرو ته د "اشغالگرو" په سترګه وګوري او په ضد به یې "جهاد" وکړي.
قریشي اتمر ته: افغان مشران دې د سیاسي توافق لپاره انعطاف وښيي
د پاکستان د بهرنیو چارو وزیر وایي د افغانستان مشران باید یوې سیاسي موافقې ته د رسیدو لپاره انعطاف وښیي.
کرزی: ډیرژر به د سولې د جدي خبرو شاهد واوسئ
د افغانستان پخوانی ولسمشرحامد کرزی وایي، افغانان به ډیرژر د طالبانو او د افغانستان د دولت ترمنځ د سولې د خبرو د بیا پیلیدو شاهد واوسي. په قطرکې د دواړو لورو ترمنځ خبرې، له افغانستانه د ناتو او امریکایي ځواکونو د وتلو د مهال ویش تراعلان وروسته په ټپه دریدلې. دغه خبرې د تیرکال په سپټمبرکې پیل شوې وې خوپکې د پام وړپرمختګ ندی شوی. کرزي نن په کابل کې په یوه خبري کنفرانس کې دغه راز په افغانستان کې د جګړې د بندیدو او د بنسټیزو تاسیساتو د نه ویجاړیدو غوښتنه وکړه.
د امریکا پوځ وايي ۹۵ سلنه عسکر او وسائیل یې افغانستان څخه اېستلي
د امریکا پوځ: افغانستان څخه مو ۹۵ سلنه وسائیل او عسکر ایستلي
سږکال یوازې ۶۰زره کسانو ته د حج کولو اجازه ورکول کیږي
په سعودي عربستان کې چارواکي وايي د حج سږني مراسمو لپاره یې ترتیبات بشپړ کړي او د کروناویروس محدودیتونو ته په کتو به د حج مراسم ترسره شي.
له ښکېلو غاړو د افغان ښځو شبکې غوښتنه: تاوتریخوالی ودروئ او د خبرو مېز ته وګرځئ
د افغان ښځو شبکې د جګړې له ښکېلو غاړو وغوښتل چې تاوتریخوالی ودروي او د سولې خبرو مېز ته وګرځي. دغې شبکې ملکي وګړي په ځانګړي ډول ښځې او ماشومان د جګړې اصلي قربانیان وبلل او له حکومتیې وغوښتل، پرېنهږدي چې د تېرو دوو لسیزو لاسته راوړنې د جګړې قرباني شي. د دغې شبکې یوې غړې فرشتې فرح وویل: "د جګړې له دواړو غاړو غوښتنه کوو چې تاوتریخوالی پای ته ورسوي او اوربند وکړي، د بېګناه ملکي وګړو له وژلو لاس واخلي او اوربند وکړي، مذاکرات پیل کړي څو دوامدارې سولې ته ورسېږو." دا په داسې حال کې ده چې د هېواد په شمال، په ځانګړي ډول د طالبانو تر کنټرول لاندې سیمو کې یو شمېر ښځو د طالبانو له لوري د محدودیتونو له لګولو اندېښنه ښودلې، هغه څه چې طالبانو رد کړي دي. یوه افغانه مېرمن چې د امنیتي ګواښونو له امله نهغواړي خپل نوم واخلي، د خپل پلرني ټاټوبي فاریاب ولایت د شیرین تګاب په ولسوالۍ کې د ژوند کیسه کوي، کومه چې دا مهال د طالبانو تر ولکې لاندې ده. نوموړې وایي، له تېرو څلورو کلونو راهیسې ډېرې سیمې د طالبانو په واک کې وې او یوازې د دې ولسوالۍ امنیه قومانداني له حکومت سره وه چې هغه هم یوه اوونۍ وړاندې د طالبانو تر کنټرول لاندې راغله. هغه څه چې دغه مېرمن د اوس په اړه وایي، ۲۰ کاله وړاندې د طالبانو د واکمنۍ له کیسو سره ورته ده، د مېرمنو له زدهکړې نیولې د نارینهوو په فعالیتونو محدودیت او د خلکو بېځایه کېدل. د دغې مېرمن په وینا چې په شیرین تګاب کې نجونې تر څلورم ټولګي پورې د زدهکړې حق لري او یو شمېر مېرمنې په زوره طالبانو ته نکاح شوې دي. دغه مېرمن زیاتوي: "د طالبانو تر کنټرول وړاندې دا یو له امنو ولسوالیو څخه وه، خو کله چې طالبان راغلل خلک بېځایه شول، مزار او جوزجان ته کډه شول، کورونه وران شول، څلور کاله وشول چې د شپې لهخوا خلک برق نهلري، د طالبانو درې وخته ډوډۍ په خلکو ده، دغلته د خوښۍ مراسم باید د طالبانو په خوښه وي، نجونې یې ځان ته نکاح کړې، ښوونځي یې وتړل، نجونې یوازې تر څلورم ټولګي د زدهکړې حق لري." دا په دې وروستیو کې د ډېرو مېرمنو اندېښنې دي، هغه ادعاوې چې طالبانیې ردوي. په داسې شرایطو کې چې جګړو زور اخیستی او په پرلهپسې ډول ولسوالۍ د طالبانو لاس ته لوېږي، مېرمنې تر هر وخت ډېرې اندېښمنې دي. همدارنګه د ښځو د حقونو یوې فعالې مېرمن مسعودې کوهستانۍ په دې اړه وویل: "د مېرمنو اندېښنه د ټولو خلکو اندېښنه ده، په تېرو ۲۰ کلونو کې مېرمنې لوړو څوکیو ته ورسېدې او مهمې لاسته راونې یې درلودې، خو طالبانو د جګړې په دوام سره د سولې په پروسې د خلکو باور لهمنځه وړی، باید اوربند وکړي او له وحشت څخه لاس واخلي." دا په داسې حال کې ده چې طالبانو د یوې اعلامیې په خپرولو سره په خپل کنټرول لاندې سیمو کې د محدودیتونو لګولو ادعا ناسمه بللې او هغهیې تبلیغات یاد کړي. طالب ویاند ذبیحالله مجاهد په خپل ټویټرپاڼه د یوې خبرپاڼې په خپرولو سره ویلي چې د دې ډلې تر کنټرول لاندې سیمو کې څوک حق نهلري چې چاسره ناوړه چلند وکړي او یا د ښځو او نارینهوو د ژوند د تګلارې په تړاو خپلسري قوانین عملي کړي. طالبانو دغه خبرپاڼه داسې مهال خپره کړې چې په دې وروستیو کې په افغانستان کې جګړو زور اخیستی، طالبان وايي ډېری ولسوالۍ د دوی په لاس سقوط شوي هغه څه چې د افغانستان دفاع وزارتیې تاکتیکي شاتګ بولي او وايي چې ډېر ژر به دا ولسوالۍ بېرته ونیسي.
په مېرمنو تېزاب شېندونکي اؤ دهغوئ سوزونکي ولې له سزاګانو بچ اوځي؟
په خېبر پښتونخوا کې د مېرمنو دحقونو د پاره کارکوونکي او دقانوني چارو پوهان وايي په مېرمنو د تېزاب شیندلو او د هغوئ سوزولو د مخنيوي د پاره ځانګړې قانون اړين دی.
د امریکا ١٠ ایالتونه د ځنګلي اورونو له ګواښ سره مخامخ دي
ځنګلي اورونو د امریکا د متحده ایالاتو په لسو لویدیځو ایالتونو کې کورونه لمبه کړي او په زرګونو کسان یې د خپلو کورونو پریښودلو ته اړ کړي دي.
دپښتونخوا محصلین:زمونږ ړنګې تعلیمي ادارې لا نه دي جوړې،بیا افغانستان کې جنګ مه غواړئ
د پیښور زرعي پوهنتون زده کونکو دافغانستان په خرابیدونکیو حالاتو اندیښنه ښودلې ده اؤ وایي که ګاونډي هیواد کې حالات نور هم خراب شول نو ددې منفي اغیزې به په ټوله منطقه کیږي.
پاکستان: داسې وضعیت کې نه یو چې نور افغان کډوال ومنو
له افغانستان څخه د بهرنیو ځواکونو له وتلو او د طالبانو د بریدونو له زیاتېدو سره سم، پاکستاني چارواکي اندېښنه ښيي چې نور افغانان به پاکستان ته کډوال شي.
محسن داوړ پاکستان ته:که طالبان هوښیار اؤځېرک دي نو دخپل هیواد واک ور وسپارئ
دپښتون ژغورنې غورځنګ مخکښ مشر او دشمالي وزيرستان نه دقامي اسمبلۍ غړي محسن داوړ تور لګولى چې پاکستان دخپو تيرو تګلارو نه څه زدکړه نه ده کړې اؤ اوس هم افغانستان کې خپل پردى کوي او طالبانو ته په نورو ډلو ارزښت ورکوي.
پاکستان:افغانستان کې به یوازې دامن برخه یو،دشخړې برخه نه جوړیږو
دافغانستان په اړه دپاکستان په تګلاره دهیواد دننه اؤ بهر دسیوا شوؤ نیوکو نه وروسته پاکستان ویلي یوازې دافغانستان په امن کې به برخه وال وي اؤ نور به دهیڅ رقم شخړې برخه نه جوړیږي.
