ټول   BBC ازادي راډیو امریکا غږ ډیوه


ابو محمد العدناني څوک دی؟

ابو محمد العدناني د "اسلامي دولت" نومې ډلې یو بانفوذه غړی او ویاند و، نوموړي د ځان پټېدو هڅه هم نه کوله او له سوریې او عراق بهر، په تېره بیا د ترکیې او اروپا وروستیو بریدونو کې مهم رول لوبولی دی.

31.08.2016 BBC

په سوریه کې د داعش مشهور قوماندان وژل شوی

امریکایي چارواکي وایي د اسلامي دولت یا داعش د ډلې جګپوړی قوماندان ابو محمد العدناني یې په سوریه کې وژلی دی.

31.08.2016 امریکا غږ

ليوال: د پښتنو او بلوڅو تاريخي برخليک یو دې

هرکال د سنبلې (وږي) د مياشتې نهمه د پښتنو او بلوڅو د پيوستون د ورځې په نامه په کوزې پښتونخواه او افغانستان کې لمانځل کيږي چې سږکال هم د سرحدونو او قبايلو چارو په وزارت کې ولمانځل شوه . د سرحدونو او قبايلو چارو وزارت تخنيکي مرستيال عبدالغفور ليوال وويل: د تاريخي افغانستان په سینه باندي د ډيورند د کرښې راايستلو نه وروسته کوزو پښتنو او بلوڅو په وړاندې د ظلم او استبداد او تبعيضي چلند د پيل سره ددغو ولسونو خپلواکي او گډ برخليک له گډو تهديدونو سره مخامخ و او دوئ تاريخي افغانستان د خپل کور په صفت گاڼه . ښاغلي ليوال زياته کړه ،د پورتنيو دلايلو پر بسټ په ١٣٢٨ کال د سنبلې په ٩ په پغمان کې لويه جرگه جوړه شوه چې د کوز او بر پښتنو مشرانو پکې گډون درلود ، په جرگه کې پريکړه وشوه چې بلوڅ او پښتانه هر چيری چې دي د خپل سياسي گډ برخليک او تاریخي مبارزې لپاره يو بل سره بايد پیوستون ولري او په گډه به کار کوي ، له هماغي ورځ نه تر ننه د جرگې د فيصلې پر بسټ د گډې مبارزې ورځ هرکال لمانځل کيږي . عبدالغفور ليوال سره د نوشابې اشنا بشپړه مرکه دلته اوريدلائ شئ :  

31.08.2016 امریکا غږ

د 'اسلامي دولت' نومي ډلې مهم ویاند حلب کې وژل شوی

د 'اسلامي دولت' نومي ډلې اړوند رسنیو په رپوټونو کې ویل شوي دي، چې د دغې ډلې یو مهم ویاند ابو محمد العدناني په سوریه کې وژل شوی دی.

30.08.2016 BBC

جان کېري: ترهګري چې هر څوک کوي ترهګري ده

د امریکا بهرنیو چارو وزیر جان کېري وايي هېواد یې د ' سمو او ناسمو ترهګرو ' تر منځ هېڅ توپیر نه کوي او نه هم داسې کولای شي. نوموړی وايي، متحده ایالتونه د هند ممبۍ او پټان کوټ بریدونو د عاملینو محاکمې د ټولو هڅو ملاتړ کوي.

30.08.2016 BBC

د لیبیا د سېرت کنټرول لپاره روانه جګړه

په لیبیا کې دا دریمه میاشت ده چې د ملي یوالي حکومت ته وفاداره ملېشه او حکومتي ځواکونه لګیا دي او له اسلامي دولت نومې ډلې د سېرت کنټرول بېرته اخلي.

30.08.2016 BBC

پر مریخ د ژوند معلوماتو لپاره نوې څېړنه

د ساینسپوهانو یوې ډلې د دې لپاره چې پوه شي پر مریخ به ژوند څنګه وي یوه کمسارې ازموینه بشپړه کړې ده.

30.08.2016 BBC

افغان حکومت غواړي د ښځینه پولیسو شمېر ډېر کړي

د افغانستان د کورنيو چارو وزارت اعلان کړی چې په راتلونکو اوو کلونو کې غواړي ۱۰ زره ښځې پوليس ځواک ته ور گډې کړي.

30.08.2016 BBC

کېري: افغانستان، امریکا او هند درې اړخیزه غونډه کوي

د امریکا په هڅونې د افغانستان او هند ترمنځ د همکارۍ راتلونکې غونډې ته د نوی پړاو او ددې هیوادونو ترمنځ د لا پراخې دوستۍ نوم ورکړ شوی دی.

30.08.2016 امریکا غږ

طالبانو د جنگ لپاره نوی مشر وټاکه

طالبانو د افغانستان په اکثرو برخو کې د یاغیگرۍ په پراخولو او د حکومت د سولې د پیغام په ردولو سره ملا ابراهیم صدر د خپل نوي نظامي مسؤل په توگه معرفي کړ. یو شمیر طالب مقاماتو د اسوشیتید پرس اژانس سره په تلیفوني مرکه کې ویلي دي چې ملا صدر یو وخت د طالبانو د پخواني مشر ملا محمد عمر له نژدې کسانو څخه و. د هغوی په وینا د هغه ټاکنه هغو خلکو ته د طالبانو د مقابلې او جگړې د دوام پیغام دی چې غواړي دغه ډله د افغانستان د حکومت سره د سولې مذاکراتو ته کش کړي. د طالبانو مقاماتو چې نه یې غوښتل نوم یې یاد شي د اسوشیتید پرس اژانس ته ویلي چې صدر یو میدان لیدلی طالب قوماندان دی چې د طالبانو د رژیم له منځه تللو وروسته ددې ډلې په لیکو کې یې شهرت گټلی دی. ملا صدر په داسې حال کې ټاکل کیږي چې د افغانستان په جنوب کې د افغان امنیتي او دفاعي قواو پر وړاندې د طالبانو حملو او تاوتریخوالي دومره زور اخیستی چې د امریکا متحده ایالات یې هلمند ته د اضافي قواو استولو ته اړ کړي دي. له دې دمخه د هلمند د ولایتي شورا رئیس کریم اتل ویلي وو چې ددې ولایت ۸۰ په سلو کې د طالبانو تر کنترول لاندې دی. په روانه میاشت کې د افغانستان څو ولسوالۍ کله طالبانو او کله هم بیرته افغان ځواکونو نیولي دي او د افغانستان د دفاع وزارت د چارواکو په وینا افغان سرتیري همدا اوس په ١٥ ولایتونو کې د طالبانو سره په جگړو بوخت دي. په دې ترڅ کې د افغانستان د سولې د شورا یو غړي محمد اکبري د اسوشیتید پرس اژانس ته ویلي دي چې د طالبانو سره د سولې په خبرو کې هیڅ ډول پرمختگ نه دی شوی. د هغه په وینا بلکې د طالبانو حملې لا سختې شوي دي. طالب مقاماتو همداشان ویلي دي چې پر افغان مهاجرو باندې د پاکستان له لورې په تازه محدویتونو کې یو شمیر طالب جنگیالي چې په هغه هیواد کې یې د اوسیدو سند نه درلوده هغوی هم نیول شوي دي او  کورنۍ یې د افغانستان خواته لیږل شوي دي. دغو مقاماتو ویلي دي چې افغانستان ته د اوښتو دغو جنگیالیو د معشیعت د تامین لپاره طالبان غواړي د خپل کنترول لاندې سیمې نورې هم پراخې کړي. د افغانستان حکومت له اوږدې مودې راهیسې پاکستاني مقامات په دې ملامتوي چې د پاکستان په خاوره کې د طالبانو او د حقاني شبکې پر ضد عملي او جدي گامونه نه پورته کوي. دا ډواړه ډلې د افغانستان په جگړو او ورانیو کې لوی لاس لري. په کابل کې پر امریکایي پوهنتون باندې د تیرې اونۍ له وژونکې حملې وروسته افغان مقاماتو پاکستاني مقاماتو ته د پاکستان د مخابراتي شبکو درې نمرې ورکړې چې د هغوی په وینا حمله کوونکي د همدې نمرو په واسطه له پاکستان څخه رهنمایي او سوق کیدل.

30.08.2016 امریکا غږ

محکمې د جماعت اسلامي د يو پخواني مشر د استیناف غوښتنه رد کړه

د بنګله دیش سترې محکمې د جماعت اسلامي یو پخواني مشر چې په اعدام محکوم شوی د استیناف غوښتنه رد کړله.

30.08.2016 امریکا غږ

افغان حکومت وايي پر فیسبوک یې محدودیت نه دی لګولی

افغان چارواکو هغه ادعاوې رد کړې چې ګنې په ځینو سیمو کې د فیسبوک ټولنیزې رسنۍ ته لاسرسی ستونزمن شوی دی.

30.08.2016 امریکا غږ

پښتونخوا حکومت: د افغان کډوالو ځورول مو تګلاره نه ده

د خیبر پښتو نخوا ایالت اعلی وزیر پرویز خټک وايي، په پښتو نخوا کې د پولیسو او امنيتي ارګانونو له لوري د افغان کډوالو ځورول د دوی د ایالتي حکومت تګلاره نه ده او نه هم د دوی حکومت غواړي، چې دا کډوال دي په له دغه ایالته وشړل شي.

30.08.2016 BBC

د عکسونو البوم: افریقا د کامرې له نظره

افریقا کې ورځنی ژوند په انځورونو کې

30.08.2016 BBC

د پخوانیو مجاهدینو شورا: حکومت دې لويه جرګې راوبلي

​د افغانستان د ساتنې او ثبات شورا د ملي یووالي د حکومت له مشرانو غوښتې چې خپلمنځي اختلافات ژر حل کړي او د نظام د بدلولو لپاره دې لویه جرګه راوبلي.

30.08.2016 امریکا غږ

OK
This site uses cookies. By continuing to browse the site, you are agreeing to our use of cookies. Find out more