امنیتي ځواکونه وایي شمالي وزیرستان کې دافغان پولې ترڅنګ یې د داعش درې مهم ترهګر وژلي
دخیبر پښتونخوا دپولیسو مشر معظم جاه انصاري په دې وروستیو کې پخپله یوه مرکه کې ویلي وؤ چې دداعش وسله واله ډله په ملک کې امن ته تر ټولو ستر ګواښ دی
په پوځ له نیوکو وروسته صحافي ایاز امیر وايي نامعلومو کسانو پرې حمله کړې
دپاکستان یو پېژندلی صحافي اؤ څیړونکي ایاز امیر وروسته له هغې نامعلومو کسانو ډبولی چې اوړمه ورځ یې یوه دستوره کې له نوم اخستو پرته په پوځ سختې نیوکې کړې وې اؤ پخواني وزیراعظم عمران خان ته یې پرمخ ویلي وؤ چې ولې یې دهیواد ټولې چارې "پراپرټي ډیلرانو" ته سپارلې وې. ایاز امیر رسنیو ته ویلي چې حمله پرې دجمعې په ماسختن لاهور کې دپینځه شپږو کسانو لخوا هغه وخت شوې ده چې دی له دفتره کور ته روان ؤ. دپاکستان سیاسي اؤ حکومتي مشرانو،دخبریالانو ، وکیلانو اؤ بشري حقونو تنظیمونو اؤ دمدني ټولنې غړو په ایاز امیر دشوي برید غندنه کړې ده اؤ دا یې د رېښتوني غږ غلي کولو یوه ناوړه هڅه بللې ده. وزیراعظم شهباز شریف په صحافي ایاز امیر دشوي برید دپلټنو امر کړی اؤ ویلي یې دي چې برید کې ککړ کسان به دقانون منګولو ته راوستلی اؤ دصحافت اؤ صحافیانو خوندیتوب به باوري کولی شي. ایاز امیر اوړمه ورځ اسلام اباد کې د وکیلانو دیو سیمینار په مهال پخواني وزیراعظم عمران خان ته پرمخ سختې اورونې کړې وې او ویلي یې وؤ پاکستان اؤ جمهوریت ته په زیان رسولو کې عمران خان هم خپله پوره برخه اچولې ده اؤ دهیواد ټولې چارې یې پراپرټي ډيلرانو یا د زمکو کاروباریانو ته پرېښې وې. هغه نیغ په نیغه دپوځ نوم نه ؤ اخستی خو خپله وینا کې یې دپوځ د استوګنې دیوې پروژې" ډي ایچ ای" نوم اخستی ؤ چې په دغه پروژه عموماً پاکستان کې پوځ د زمکو دکاروباریانو په نوم یادیږي اؤ وخت په وخت عدالتونو هم په پوځ ددې پروژې له امله نیوکې کړي اؤ پوښتنې یې راولاړې کړي چې ولې پوځ دخپلو اصل ذمه واریو پځائ د زمکو کاروبار ته لاس اچولی دی؟ ایاز امیر له برید وروسته خپل هغه عکسونه په ټولنیزو رسنیو خپاره کړي چې دی یو موټر کې ناست دی اؤ جامې یې شلول شوي دي. پاکستان کې تر دې وړاندې هم وخت په وخت هغه خبریالان وژل شوي،تښتول شوي اؤ یا هم وهل شوي ځورول شوي چې دهیواد دطاقتور پوځ یا داستخباراتي شبکو دکړنو پرضد یې غږ پورته کړی دی. د پاکستان پوځ دا خبره ردوي چې امنیتي او یا استخباراتي ادارې په خبریالانو حملو کې لاس لري. پخواني وزیراعظم اؤ دتحریک انصاف ګوند مشر عمران خان په ایاز امیر دشوي برید غندنه کړې ده اؤ په ټویټر یې یې لیکلي دي کله چې ریاست اخلاقي بالادستي وبایلي نو تشدد ته لاس واچوي. هغه زیاته کړې ده چې په وګړو،خبریالانو اؤ دمخالفو ډلو په سیاستمدارانو تشدد پاکستان دفسطائیت بدترین دلدل ته ورکوزوي دپاکستان وتلی خبریال حامد میر چې پخپله هم په جبر دلادرکیو پرضد له غږ پورته کولو وروسته تیره موده کې د نامعلومو کسانو له لوري په یو وژونکي برید کې سخت ژوبل شوی ؤ، وایي پروسکال دمئ میاشت کې اسلام اباد کې نامعلوم کسان اسلام اباد کې دخبریال اسد طور کور ته ورننوتل اؤ په هغه یې تشدد وکړو. حامد میر وایي په اسد طور برید کوونکي تر ننه نه دي نیول شوي اؤ که چرې هغه ته انصاف ورکړل شوی ؤ نو نن به نامعلومو کسانو په ایاز امیر دحملې جرائت نه ؤ کړی. مشر خبریال شاهین صهبایي هم په ایاز امیر شوی برید په سختو ټکو کې غندلی اؤ په ټویټر یې لیکلي "پرون هغه څه سپینې سپینې خبرې کړې وې، دومره زر په هغه شوی برید دا خبره څرګندوي چې ځینې خلک ډیر پریشانه ، ویریدلي اؤ دسخت نفسیاتي فشار سره مخ دي، دومره عدم تحفظ ولې ـ مخکې خو داسې هیڅکله نه وؤ" پاکستان کې دخبریالانو دحقونو لپاره غږ پورته کوونکي غیر دولتي سازمان فریډیم نیټ ورک، دپاکستان دخبریالانو مرکزي اتحادیې فیډرل یونین اف جرنلسټس، دپېښور دخبریالانو اتحادیې خیبریونین اف جرنلسټس،داسلام اباد د وکیلانو سازمان اؤ دهیواد ګڼ شمیر سیاستمدارانو هم په ایاز امیر دشوي برید غندنه کړې اؤ ددې دپلټنو غوښتنې یې کړې دي. دپاکستان صدر ډاکټر عارف علوي اؤ وزیراعظم شهباز شریف هم دا برید غندلی اؤ پخپلو بیلابیلو بیانونو کې یې دصحافت اؤ صحافیانو خوندیتوب ارزښتناک بللی دی. وزیراعظم شهباز شریف پخپل بیان کې ویلي دپنجاب وزیراعلا ته یې ددې برید دپلټنو امر کړی اؤ ولس ته یې باور ورکړی چې برید کې ککړ کسان به دقانون منګولو ته راوستل کیږي. صدر عارف علوي ویلي په صحافیانو دتشدد پېښې دجمهوري اقدارو اؤ د اظهار دڅرګندونې د ازادۍ پرضد دی اؤ دې پېښه کې دککړو ملزمانو زر تر زره نیونه باید باوري کړل شي. دپاکستان په طاقتور پوځ اؤ استخباراتي ادارو تر دې وړاندې هم دمخالفه غږ پورته کوونکو د وژلو، تښتولو اؤ ځورولو تورونه لګول شوي خو پوځ دا تورونه تل په سختۍ سره رد کړي دي.
امریکا به اوکراین ته د ځمکې نه په هوا کې هدف وېشتونکي مزایل ورکوي
د امریکې د دفاع وزارت پېنتګان د جمعې په ورځ وویل د صدر بایډن حکومت تر اوسه پورې اوکراین ته د اووه اشاریه شپږ بېلین (ارب) ډالرو مالیت پوځي امداد ورکړی دی چې پکې هغه د اووه بېلین ډالرو هغه امداد هم شامل دی چې واشنګټن کییف ته په اوکراین د روس د یرغل نه وروسته ورکړي دي
د وکي لیکس باني برطانوي عدالت ته خواست کړی هغه دې امریکې ته و نه سپارل شي
د خفیه معلوماتو د رابرسیره کولو په سر امریکې په هغه د جاسوسۍ الزام هم لګول او امریکايي مامورین وايي د دغو معلوماتو د څرګندېدو له امله د ګڼ شمېر کسانو ژوندونه د خطر سره مخامخ شوي دي
سهارنۍ خبري خپرونه
په دې نیم ساعته خپرونه کې د افغانستان او نړۍ تازه خبرونه، مهم رپوټونه، مطبوعاتو ته کتنه او مرکې شاملې دي.
د هندوستان سپریم کورټ: د پېغمبر اسلام په اړه د بي جی پي د پخوانۍ تجرمانې خبرو هېواد ته اورلګولی
د وي او ای رپورټ وايي سپریم کورټ په خپلو غېرمعمولي سختو الفاظونو کې وویل دې مېرمن په ټول ملک کې جذبات راپارولي دي او دا وخت چې په هندوستان کې څه کېږي یوازې دا "مېرمن" یې ذمه واره ده
ترکي د وي او ای د ترکي ژبې خپرونو ته لاس رسی ځنډولی دی
د وي او ای موقتی مشری یولېنډا لوپېز اداره یې په کلکه د ار ټي یو کی د فېصلې مخالفت کوي. هغه وویل د ناخوښې نشریانو د مخنیوي دپاره دا د سېنسرشپ یو غیرمستقیم ګام دی. د جمعې په ورځ په یو بیان کې مېرمن لوپېز وویل د پېچلې ګامونو دلارې د وي او ای مخه نشي نیول کېدی
ستاسې غږ
ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۱۰:۰۰ تر ۱۰:۳۰ بجو پورې خپریږي. د تماس شمیره: ۳۱۳۶-۶۱۹-۲۰۲-۰۰۱
نن او وضعیت
د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي.
ستاسو غږ
په سیاسي، اقتصادي ټولنیزو، کلتوري او صحي مسایلو ستاسو غږ ستاسو په ژبه
نن او وضعیت
د نړۍ سیمې او افغانستان په روانو چارو او د نن په وضعیت خبرونه، راپورونه، مرکې او تحلیلونه
سپینې خبرې
د سپینې خبرې په خپرونه کې په افغانستان، سیمه او نړۍ کې د ورځنیو پیښو په اړه د نظر د خاوندانو او څیړونکو تاوده بحثونه تعقیب کړئ. دا خپرونه په ګډه په پښتو او دري ژبو هره شپه د افغانستان په وخت د ۸:۰۰ تر ۹:۰۰ پورې په رادیو اشنا او د امریکاغږ په سپوږمکۍ او ډیجیټلي خپرونو کې وړاندې کیږي.
ترکیې د امریکاغږ او دویچهویلې خپرونې بندې کړې
ترکیې د پنجشنبې په ورځ ناوخته جون ۳۰ (چنګاښ ۹) اعلان وکړ چې د امریکا غږ او دویچهویلې د ترکي ژبې خپرونې یې ددې هیواد د رسنیو د مقراراتو د تنظیم له ادارې څخه د جواز نه اخیستلو په وجه بندې کړې دي.
سپریم کورټ په ۲۲م جولایي د پنجاب د وزیراعلا په څوکۍ د بیا ټاکنې امر وکړو
دپاکستان سپریم کورټ پریکړه کړې چې د پنجاب د ضمنې ټاکنو پورې به حمزه شهباز د صوبې اعلا وزیر وي او د اعلا وزیر ټاکنه به د جولاېې په ۲۲ نیټه کولی شي- دجمعې په ورځ دستر قاضي عمر عطا بندیال په مشرۍ د سپریم کورټ درې کسیزه بینچ د پنجاب د اعلا وزیر د ټاکنې په اړه د لاهور هایکورټ دپریکړې په ضد د تحریک انصاف دخواست اوریدنه وکړه- د اوریدنې په مهال د اعلا وزیر دمنصب لپاره کاندیدانان حمزه شهباز او چوهدري پرویز الهي هم سپریم کورت ته وړاندې شول او اوریدنه کې دڅلور ځله ځند او سلا وروسته پریکړه وشوه چې حمزه شهباز به د جولاېې په ۱۷مه نیټه د پنجاب په ۲۰ حلقو کې دکیدونکو ضمنې ټاکنو پورې د صوبې اعلا وزیر وي- دپنجاب اسمبلۍ دغه چوکۍ د تحریک انصاف دمنحرفو غړو دنااهله ګرځول کیدو له امله خالي شوي دي- له پریکړې وروسته د مطبوعاتو سره خبرو کې د پي ټي ایي یو مشر اسد عمر وویل د سیاسي بحران ختمولو د پاره یې دا خبره منلې ده چې د تحریک انصاف د پنځوؤ ځانګړو چوکیو او د ضمني ټاکنو وروسته باید د اعلا وزیر ټاکنه وکړل شي- اسد عمر ۲۲م جولایي پورې موده کې د واکمن مسلم لیګ نواز ګوند له اړه د اثر اندار کیدو اندیښنې څرګندې کړې او وئ ویل چې په دې اړه دې سپریم کورټ خپله پریکړه واضح کړي- بل پلو ته د مسلم لیګ مشر او د پنجاب اعلا وزیر حمزه شهباز وویل چې د اعلا وزارت د چوکۍ د پاره ورسره هم شمیره پوره ده خو د سپریم کورټ د پریکړې درناوی کوي او دعوې یې کړې چې په راتلونکو ټاکنوکې به هم دوي د اعلا وزارت چوکۍ وګټي- د پنجاب اسمبلې د تحریک انصاف د منحرفو غړو پر خالي شوؤ چوکیو د روانې جولایي د میاشتې په ۱۷مه نیټه ټاکنې کیدونکې دي- تیره ورځ د لاهور هایکورټ دشوې پریکړې ترمخه نن د جولایي په لومړۍ نیټه د پنجاب د اعلا وزیر ټاکنه کیدونکې وه- د لاهور هایکورټ جسټس صداقت عباسي په مشرۍ کې پینځه کسیزه بینچ د پنجشنبې په ورځ د مخالف تحریک انصاف ګوند او مسلم لیګ ق په خواستونو د پنحاب صوبې د اعلا وزیر د انتخاب د پاره داچول شوؤ ووټونو د بیا شمیرې حکم کړی ؤ او دعدالت لخوا په دې اړه د صوبې ګورنر ته نن ماښام ۴ بجې د اسمبلۍ دغونډې رابللو امر هم شوی ؤ . د پنجاب اسمبلۍ ټولو ۳۷۱ چوکیو کې د اعلا وزیر د ټاکنې د پاره ۱۸۶ ووټونه پکار وې خو دا وخت په اسمبلۍ کې یوه ډله هم اکثریت نه لري- د سپریم کورټ دغه پریکړه په داسې حال کې مخې ته راغلې ده چې د تیرو دوؤ میاشتو راهسې د پاکستان تر ټولو لویه صوبه پنجاب کې سیاسي کړکیچ دوام لري او د مسلم لیګ نواز ډله په وفاق کې هم د سختو سیاسي او اقتصادې چیلنجونو سره مخ ده او دشهباز شریف په حکومت کې شاملو ایتلافي ګوندونو کې سخت اختلافات رامنځته شوي دي.
څېړونکي: امریکا د خپلو نوؤ اهدافو په اساس تر پاکستان زیات ارزښت هند ته ورکوي
په پاکستان کې څېړونکي وايي چې دافغانستان څخه د بهرنيو ځواکونو تر وتلو وروسته د پاکستان لپاره د امريکا په پالېسۍ کې بدلون راغلی او د خپلو نوؤ اهدافو په اساس د پاکستان په پرتله زيات ارزښت هندوستان ته ورکوي. دوی وايي که څه هم امريکا په افغانستان کې د بشري حقونو خوندي کولو لپاره پاکستان ته اړتيا لري خو په منطقه کې د چين اثر رسوخ کمولو لپاره يې زياته پاملرنه د هندوستان ترڅنګ نورو سیمه ییزو هېوادونو ته کړې ده۔ په دې هکله د پېښور پوهنتون د نړيوالو اړيکو د څانګې استاد ډاکټر خورشيد خان وي او ای ډيوه ته وايي " زما خيال دا دی چې اوس هم پاکستان د افغانستان حوالې سره مهم دی خو هغه شان نه دی څنګه چې د يوولسم سپتمبر له پېښې وروسته د جنګ دوران کې و، اوس دې لپاره يوازې اهم دی چې په افغانستان کې کومې انساني مسلې دي او اقتصادي بحران دی نو د هغې په سمولو کې د پاکستان يو کردار شته چې د هغې امريکې ته اوس هم ضرورت شته خو هغه دومره هم نه دی چې مونږ یې لوړو سياسي چارو سره وتړو" د امريکې صدر جوبايډن په تېر اپرېل کې د افغانستان څخه د وتلو اعلان کړی ؤ او ويلي یې وؤ چې د 11م ستمبر پورې به ټول امريکايي ځواکونه د افغانستان څخه اوباسي۔ صدر بايډن زياته کړې وه په افغانستان کې د امریکا ماموريت هغه وخت سرته رسیدلی ؤ چې اسامه بن لادن معالوم کړی شو او نړۍ د ترهګرۍ نه خلاصه کړی شوه۔ د څېړونکو ترمخه په منطقه کې د چين اثر رسوخ کمولو دپاره امريکا د پاکستان په پرتله زيات اهميت هندوستان، بنګله دېش او نورو علاقايي ملکونو ته ورکوي۔ ډاکټر خورشيد خان وي او ای ډيوه سره خبرو کې دا هم وويل چې د ترهګرۍ ضد جنګ چې کوم دور کې ؤ هغه تېر شو او د امريکا نوي اهداف جوړ شول او نوي ترجيحات يې راغلل نو په هغه ترجيحاتو کې اول هغوی هندوستان ځان سره کړو۔ نوموړی وايي چې د هندوستان د پاره امريکا انډو پېسېفک ريجن يا علاقه جوړه کړه او انډيا سره ېې د سټرېټيجک پارټنر په توګه اړيکې جوړې کړې۔ څېړونکي په دې نظر دي چې د موجوده نړيوال سياست له امله پاکستان هم هغه ملکونو ته ځان نزدې کړی کوم چې په جنوبي او منځنۍ اشيا کې مستقل امن او اقتصادي پرمختګ غواړي۔ په دې اړه د پېښور پوهنتون د امن او شخړو د مطالعې دمرکز استاد پروفېسر جميل احمد چترالي وي او ای ډيوه ته وايي چې د پاکستان، د روس، د چين، ايران او سعودي عربستان دا ګټې دي چې دې منطقه کې امن راشي نو د امريکې او يورپي اتحاد نه به دا شفټ ( د ملکونو راوړېدل) دېخوا راځي او د طاقت په اساس به د دې منطقې اهميت نور هم سېوا کېږي نو دغه ښايي چې پاکستان اوس دې اړخ ته راروان دی۔ څېړونکي وايي د امريکې سياست هم د پاکستان په اړه پالېسۍ باندې ژور اثر لري، دوی وايي چې کله هم رپبلکن ګوند په واک کې راغلی نو د پاکستان پوځي اسټېبلشمنټ سره ېې ښې اړيکي جوړې کړي خو بل اړخ ته د صدر جوبايډن په څېر د ډيموکرېټک ګوند غړي په پاکستان کې معاشرتي، معاشي او سياسي پرمختګ لپاره پالېسۍ وضع کوي۔
