شاته

پاکستان: د موسمياتو محکمې د بارانونو، واورې او سېلابونو سره د غرونو ښوېدو وړاندوينه کړې

پاکستان کې د موسمياتو محکمې د درېم مارچ پورې د ملک په زياترو برخو کې د تېزې سيلۍ سره د زورور باران، سختې واورې د ورښت او په ځينو ‏ځايونو کې د ږلۍ کېدو وړاندوينه کړې او زياته کړې یې ده، په ځینو علاقو کې سېلابي صورتحال جوړېدی شي، غرونه ښوېدی شي او واورې عادي ژوند ‏اغېزمنولی شي.‏

د موسمياتو محکمې ويلي، د زورورو لويديځو هواګانو سلسله په ‏‎29‎مه فرورۍ د ملک لويديځو برخه ته داخله شوې او نن د جمعې د ورځې نه به د ملک ‏زياتره برخې نيسي او د سبا خالي/شنبې د ورځې پورې به دا لړۍ روانه وي.‏

په بلوچستان صوبه کې کې د تېزې سيلۍ او تېز باران سره د واورې امکان څرګند کړل شوی دی.‏
د ځايي مطبوعاتو ترمخه پرون د بلوچستان په ساحلي ښار ګوادر کې د زورورو بارانونو له امله ژورې علاقې او ښار په اوبو کې ډوب شوي، باراني بېړني ‏حالت په ځای کړل شوي دي.‏

او د بلوچستان صوبې نګران وزيراطلاعات جان اڅکزي ویلي، په ګوادر کې د طوفاني بارانونو وروسته د اندېښمنو حالاتو له سببه ګوادر افت زده ګرځول ‏شوی دی.‏

د رپورټونو ترمخه، د بلوچستان حکومت د ژمي رخصتيانې د يوې اوونۍ دپاره غځولي، او د ټولو سرکاري او غېر سرکاري تعليمي ادارو د اووم مارچ ‏پورې بندولو پرېکړه یې کړې ده، د ژمي رخصتيانې په لومړي مارچ پوره شوي دي.‏

د موسمياتو محکمې ويلي، د درېم مارچ پورې به د خېبرپښتونخوا په بره غرنو علاقو کې د تېزې سیلۍ سره، باران، واورې او ږلۍ امکان دی.‏

د افتونو په وخت د انتظام قامي ادارې (اېن ډي اېم اې) د بارانونو، واورې او سېلابي صورتحال سره د غرونو ښوېدو د امکاناتو سره اړونده ادارو ته ‏لارښوونه کړې، هر ډول حالات دې څاري او بېړنيو حالاتو ته دې چمتو وي او د ممکنه خطرو مخ علاقو ته دې په سمدستي ډول مرستې رسول يقیني کړي.‏

د احتياطي تدابيرو سره سېلګرو ته لاروښوونه شوې چې د سفر نه وړاندې ځان د سیمې په موسم او سړکونو په حال خبر ساتي.‏

Forum

ځانګړې ویډیوګانې

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00